有冇人明⋯
係 情緒病唔係藉口 走返出嚟都要靠自己
我真係知 道理大家都明
「你幾時死啫」「試下早啲瞓 希望聽朝瞓唔醒」 基本上係每兩秒就會出現嘅念頭 停唔到
晚晚失眠 天光先瞓到 咁就連續咗兩個月都係朝早先瞓
停咗好耐冇返工 最近叫做迫自己返返pt
返咗幾日 會驚同人講嘢 冇人同我講嘢我可以全日都唔講
feel到同事眼神會迴避我
我 好kam
好多嘢都唔想做 以前都諗到自己想做咩 而家係咩都唔想做
好耐好耐冇試過真心笑
好想對生命有返啲熱誠
（好想登出地球⋯）
睇完我感受到你而家真係好辛苦。
同時我留意到你入面有好多矛盾，一方面想對生命有返啲熱誠，另一方面又想登出地球；一方面明白道理要靠自己行返出嚟，另一方面又真係停唔到腦入面嗰啲諗法。
其實呢啲矛盾，正正反映咗你內心有一部分仍然想生存，想感受生命。只係而家太痛、太攰，聽唔清楚呢啲咁微弱嘅聲音。呢啲都係真實嘅感受，但需要你耐心啲、溫柔啲去聽先聽到。
你記住你唔係孤單一個。
你所講嘅每一個字，我哋都睇到（唔敢話明白）你有幾辛苦。
而家你唔需要諗住點樣開心、點樣有熱誠，唔需要咁大躍進。
而家你就係生存落去，一日一日咁過。食下嘢、瞓下覺、去下廁所，感受下呢啲生命最基層嘅感覺。
感受下自己嘅心跳、感受下自己嘅呼吸。你會發覺你已經行咗咁遠。
當你想被聽到、被明白、被接納，可唔可以試下由自己開始？
唔係要你立刻做到，而係慢慢咁，對自己溫柔啲咁照顧。當你可以咁對自己，你會發現原來真係有人可以咁對你。
你已經好努力，仲有迫自己返PT添，已經好鬼勁。
希望你早日搵返對自己嘅耐性同熱誠。
多謝你咁認真睇 咁用心打呢段字畀我
用心到個位係我會諗 到底 我值唔值得
諗唔到講啲咩了 但仍然心存感激
希望有一日會好起來
難 瞓唔夠會更易depress 有冇做下運動晒下太陽 會有幫助㗎
又唔可以以偏概全 ，有人籍口乜都唔做，灘屍有飯食上網，十幾年冇走出泥
試下唔好對自己咁mean，平常心面對，慢慢會有改善（改變唔係下一秒發生，而係長期累積）
情緒出現，緊係好想佢快啲消失，會覺得有情緒係有問題
但其實靜靜地看見、接受、擁抱佢，先會令佢真正紓舒，然後情緒會慢慢散去。有情緒係好正常既事，唔係有問題
就算訓唔着，訓係度攤住，放低手機都係一種好好既休息，不妨合埋眼，訓係度，同自己講：我此刻好安全，就係當下，只要攤住閉眼休養，都係一個好好既休息
我都經歷過😩大約十年前失眠三年，日日接近天光先開始訓，訓嗰時又不停發夢，日日訓到下午3點。工又返唔到，學又返唔到。不停喊，晚上都怕天光，天光又要面對新一天。
之後覺得唔係辦法，先出返關，返工、返佛堂學佛。
不過呢幾日又有事，喊咗勁耐😩
🙂↔️好多謝你寫出黎
無論情唔情緒病，就算其他人都有呢d好厭世既日子。
你要允許自己有唔想見人的時候，沒有大不了的。
但係你抖一排就要慢慢出返黎喇…..
希望你可以一步一步出返黎
辛苦啦
迫到返工真係好叻
請試著做多啲可放鬆自己既事
明你，我都係最近先走返出嚟，做下part time，有時low energy同事會避我，但可以走出嚟已經好犀利！！
訓唔著我會盡量日頭出去行，唔俾自己日夜顛倒，試下練習深呼吸，我覺得幾work
其實個感覺好恐怖 慣性收起哂啲情緒 想出嗰陣唔識出
最好揾專業社工傾，有時我都寫低佢，解決唔到都暫時擺低先，俾自己熄機
你唔係懶，係病。
嗰啲念頭係病徵，唔係你真係想死。
迫到自己返工已經好叻。
同事可能唔係避你，係你病緊敏感咗。
最緊要搵醫生睇，食藥可以令你有返力氣。
頂住，唔好登出住。
有無見醫生食藥？
晚晚失眠，瞓唔到真係要見醫生食藥. 瞓得到，個人精神感覺都好d，每日睇套周星馳嘅戲或任何喜劇，等自己笑吓，個腦分泌可能會好d，但記得睇醫生先.
你係男定女
男既 = 死垃圾
女既 = 好慘🥺明天會更好架🙌🏻有咩事我地會陪住你💪🏻
我都曾經有過情緒病，我明白你的感受。但係我靠音樂醫好自己