有冇人明
分手後一個月 冷靜咁諗翻其實大家呢四年既相處一直都唔夾 大家根本係兩個世界既人 磨合唔到
性格 love language 價值觀 全部唔夾
知道就算一齊返都冇幸福 走唔到幾遠
我冇諗過要復合 冇諗過要做返朋友
當然對方都冇再聯絡我
但係我都係忍唔住stalk佢ig
唔想見到佢識想新既人
我到底期待緊啲咩？期待佢同新另一半嘅合照？我好迷惘 總係抽離唔到呢段感情 明知自己唔捨得既只係回憶 唔係佢宜家個人 因為佢同幾年前比 已經變左好多
先一個月，想stalk咪stalk囉
唔洗對自己咁mean
總有一日你會連佢ig叫咩都醒唔起
我都係，分手之後有諗通過同佢好多嘢都唔夾，我亦都唔會想同佢結婚，但係就係都成日閃現同佢一齊嘅畫面，間唔中都仲會stalk佢ig😔
翻翻下工都會人生走馬燈咁諗翻起之前一齊既時光 行過啲街道 經過啲鋪頭又觸景生情 深情既人輸得好慘
一樣 都係完全唔夾唔岩 所以又唔係想復合 而且仲有啲恨
但自己一廂情願走唔出 對方如常生活一啲影響都冇 諗到對方識到新既人開心緊 就覺得自己好on9
連wtsapp都stalk在線定冇在線😂在線就諗佢同人傾緊 冇在線就諗佢同人一齊緊 明知對方其實根本唔會聯絡你搵你都仲會期待 戀戀不捨咁諗返回憶
如果我們繼續糾纏，那是悲劇
如果我們結婚，也是悲劇。
只有我們徹底分開，你找到下一任時有比較的再想起我，有時思念，有時感慨和沈默。那才是我們的喜劇。
我本人真係覺得點解啲人成日講夾唔夾，適唔適合！夠竟現今世代嘅人諗啲咩？根本就唔夠愛但分手總會搵藉口，唔夾嘅一埋身就知道，駛鬼拖咁耐浪費青春咩！
你講得岩 其實對方都做過好多過我底線既野 但我都冇諗過放棄 因為我夠愛佢 只不過我被拋棄 被分手了
我同你一樣 同ex係完全兩個世界嘅人 價值觀就算試都冇可能磨合到 理性知道冇可能有將來但感情邊有得話要收就收
分手唔係因為雙方冇愛 而係有愛但一齊唔到落去了
P.S: 你係期待緊一個令你可以「合情合理」再搵佢嘅機會
當初用幾多嘅力去愛，就要用幾多嘅力去恨，中和到 0 便可 move on
你仲係習慣有依個人係你身邊，俾啲時間自己啦👏🏻👏🏻💪🏻💪🏻
你唔係放唔低佢，係放唔低四年嘅回憶同習慣。
你stalk IG，唔係想復合，
而係未習慣佢嘅世界真係唔再同你有關。
唔好逼自己即刻停，但每次想睇之前，停一分鐘，問自己：「睇完我會好過啲嗎？」慢慢嚟，會淡。
你理性知唔夾、唔會復合，但感性放唔低，
因為你唔捨得嘅係回憶，唔係而家嘅佢。
你stalk IG唔係想見到佢有新歡，
而係想確認佢仲未move on
咁你先覺得段感情仲未完全斷。
但呢個諗法其實係虐待緊自己。
你唔係迷惘，
你只係未同「四年嘅自己」正式告別。
放低需要時間，唔使逼自己即刻戒stalk，
但每次想做之前，停一停問自己
我係想同情自己，定係想傷害自己？
搬走之前，你把鑰匙還了。
手續都辦完了，合約也解除了。
理智上知道那地方跟你再沒關係，偶爾還是會故意走到那條街，遠遠看一眼那扇窗。
怕燈是亮的，怕裡面傳來陌生的聲音。
但又忍不住想知道。
捨不得的從來都不只是那個人，是那個房間還亮著燈、只屬於兩個人的時候。
你好叻 有勇氣放佢走
你會識到下一個 佢又可以揾更合適嘅
你好快會同新嘅人建立新嘅回憶 你會更快樂🫂
有時係要放低麻麻地嗰個 先可以擁抱令你更自在嘅人
同時唔洗否定段關係嘅仼何嘢
尤其係你而家有嘅情感
仼何人相處得耐都會唔捨得 想喊就喊
唔洗比理性拉住自己
呢段關係嘅岀現點都係對你有正面影響 唔洗質疑段關係點解要岀現喺你生命入面
因為你知自己想要咩 你更了解自己
係份好好嘅禮物
你而家其實已經好清醒 知道唔夾、知道返去都唔會幸福、知道自己掛住嘅係回憶
但你仲抽離唔到係因為你仲未放低你哋曾經嗰個版本
你stalk佢可能係想確認佢之後會點 甚至想知道佢會唔會同其他人過得比同你好 所以你先會唔想見到佢有新對象但又忍唔住去睇
其實你個腦已經放低但個心仲停喺嗰段四年入面 不如試吓下次想stalk之前問自己睇完會唔會好過啲？答案多數係唔會
放低嘅呢個過程係會慢慢嚟 但你其實已經行咗一大半架啦💪🏻不過如果你真係覺得我唔低你可以同我傾吓 有時未必真係你諗到咁差嘅🩷
你仲愛佢 但係你唔想低頭
你期待佢低頭返嚟搵你
所以簡單啲嚟講 你愛自己多啲
不過係好事嚟嘅
只係你未習慣冇咗佢嘅生活
又有愛又有恨 我有諗過如果佢真係搵翻我復合 我都唔會願意 只會再傷一次