有冇人明我 我知我好衰
Crush個樣生得真係有啲唔好睇（+皮膚唔好
但係真心除左個樣之外其他全部都係勁好 佢勁善良😭
同佢相處真係開心同心動但係係完全唔敢望佢個樣…
點先可以接受到佢個樣😔我知我真係好衰但係我都唔想
p.s.如果你地問我個樣點就當我中上樣啦偏溫柔姐姐樣+粗獷幽默性格…

Crush crush crush

好多人都話我唔係咁鍾意佢，其實我同佢都未係識左好耐，我可能係對佢有啲好感啦，但會成日無意中提起佢，想接近佢，除左望佢個樣之外

算啦 樣唔鍾意就唔鍾意 冇得強求

其實如果佢正常樣或者中下樣嘅話都好 但係佢😭😭 我淨係敢喺佢戴口罩嘅時候同佢講嘢…

潛台詞：
我鍾意條友但未鍾意到可以無視外表，點解佢個樣唔可以生得好睇啲，如果唔係早就一齊咗啦，唉，自問自己條件唔差，佢個樣根本襯唔起我，雖然都唔想做啲咁膚淺嘅人，但其實我就係咁，希望你哋唔好鬧我。

咁都叫crush咩

唔叫咩😭

鍾意佢又點會介意佢個樣

完全明白！！我都有類似經驗。鍾意過一個男仔，客觀講係外表唔靚仔、唔打扮、矮、把聲唔好聽。但撇除外觀，佢嘅性格同內在對我嚟講都係無可挑剔。
但只要我一諗到要同佢錫，內心就會抗拒…佢對我而言係冇任何生理上嘅吸引力，我覺得係好難發展落去，所以暗戀咗一段時間，最後放棄咗追求佢😂😂
你可以問吓自己，能唔能夠接受同佢錫，甚至更進一步嘅親密行為會唔會抗拒。如果會嘅話，就真係要諗清楚先…

Just give up 一齊咗只會越睇越樣衰然後分手

我以為應該係會睇慣左😔

幫佢護膚先 再剪下個頭換下髮型 到時再唸其他

佢就咁啱剪衰左個頭🤯

你呢啲應該叫crash…
鍾意一個人嘅靈魂但因為佢樣衰又鍾意唔落
唔係炒車係咩😭

你嫌棄佢點會係你個crush? Crush嘅意思唔係一個令你心動、好鐘意嘅人？

心動架鍾意架，係好想接近佢但係唔敢望太耐佢個樣，除左樣其他全部都鍾意

如果鐘意佢理應會覺得佢好順眼即使唔靚仔

咁都唔係好鍾意佢啫 放過人啦

你知自己好衰點解仲繼續講？你想得到咩答案？喜歡一個人係想愛惜一個人，唔捨得佢畀人話，聽到有人話佢唔靚都會嬲。

我諗你唔係喜歡佢，只係喜歡佢對你好。我求你千祈唔好同佢講你係度講過嘅野，唔好再因為自私而傷害一個人。

我估我喺呢度講冇傷害到任何一個人？可能未去到鍾意啦 係有啲好感，我係鍾意佢對個個都好好，又鍾意幫人，唔係佢淨係對我好好，我亦一定唔可能當面同佢講

個樣醜唔係問題，但如果連自己都接受唔到，咁點咀落去，將來有更親密既接觸都只係會嫌棄佢，你仲要話連望都唔敢望

評完人樣衰相都冇張又話自己中上
可能其實喺大家眼中你兩個個樣差唔多level呢

我就係知你地會咁講話我可能都樣衰憑乜嘢話人，但我唔想比人認出所以叫你地「當」我係中上樣咁睇啦

係就係唔係就唔係㗎啦
而且女性比起男性其實對自己個樣有更高評價
如果係男人就會比人話句普信男
女性其實都一樣😂

😭我以前有個朋友以上戀人未滿嘅人 啲frd都成日話佢樣衰 但係我從來都睇唔出佢個樣有咩問題 （鍾意啦 當你真係好鍾意佢嘅時候佢咩樣你都唔會介意㗎啦🙂‍↕️）

我來教你，拍一張你crush的照片，然後p個口罩給他。想他的時候就看有口罩那個，然後我知道你那麼愛他肯定不會滿足，然後就可以看一下他沒有口罩的那張照片，接受不了就看有口罩😷來回切換，相信我，兩個月就能接受了

你連樣都接受唔到，咁點錫錫呀？仲講crush.....

會唔會只係欣賞佢身上嘅特質/同佢相處嘅感覺而唔係佢呢個人？
我覺得鍾意一個人嘅時候，就算係心理性喜歡都好，都會覺得佢無論係點做緊咩都好cute，然後就會有生理性喜歡
如果唔係佢只係crash唔係crush

其實男女都一樣，如果係豬扒咁男仔咪一樣冇興趣！我明你感受，如果咀唔落，咁仲點上床？

咁多人屌樓主 我想講我完全明 皮膚真係好重要 會覺得佢好似成塊面好多蟲咁 雖然未必反映個人清潔 但係觀感真係唔太好 由其是如果打茄輪嗰時擘大對眼 會一秒抽離
至於樣 每個人都有自己鍾意嘅類型 唔中真係冇辦法 只能夠講佢生理上吸引唔到你 如果真係咁鍾意可以試下 但我個人認為可以放棄 性生活唔夾都係好辛苦
討論區打字嘅人可以企道德高地屌柒樓主 但根本好多人都會咁諗 除非真係0care樣 對美感有要求嘅人根本好難接受到

即係你未夠鍾意佢 嗰個師兄咁好人 我相信佢會識到一個既唔會介意佢外表又鍾意佢性格嘅人做佢女朋友 但嗰個人唔會係你

如果真係鍾意佢就會好自然咁接受佢一切
如果唔係咁就算啦😔

注重健康保養嘅話，一定會靚啲，不過真係要本人肯注重先得🥲

既然只係好感，唔係識得耐
咁好小事姐，做普通朋友咪算囉，唔洗諗拍拖

無人會令到你「接受」到佢個樣，無謂無野搵黎搞。安於做朋友就得

幫佢執返啲眼耳口鼻出嚟啦
加油

你走啦 好撚Toxic呀你
好撚自私 有自知之明自己衰仲拎出嚟講
呢度冇人會圍爐和應你
識做嘅就放手啦

其實有冇話自唔自私嘅
又唔係做啲咩傷天害理嘅事
咁樓主到目前呢一步又冇傷害到人
人就係咁門面同埋膚淺嘅生物嚟㗎啦
你可以淨係鍾意一個人嘅personality
唔鍾意佢嘅body
即係鍾意一個人又冇犯法
又唔係呃感情啊 況且佢個crush都未必一定鍾意佢㗎

未睇過女仔鍾意一個男仔會介意男仔外觀喎
即係你未夠鍾意囉 唔好呃自己啦

如果你真係鐘意佢 你會開始覺得佢望落順眼左

證明未夠鍾意

我有認識一個人樣貌同你描述嘅差唔多，但係皮膚係好／正常嘅，慢慢睇睇下都覺得呢個人有啲閃閃發光😂乾淨嘅感覺好重要，如果有樓主你講到咁難以靠近，可能要注意保養皮膚，或者都反映身體健康

心地善良好重要
對耐左就會順眼
話唔定仲會愈來愈有夫妻相😂

咁即係其實你都唔係好鍾意佢😗😗

應承我 吃好一點吧
我驚你一齊左之後再分手嘅時候
會笑9自己

正常 人都有愛美之心 睇你愛得深5深

有時係因為佢性格鍾意咗佢 之後慢慢發現其實佢個樣其實都唔錯 而鐘意佢外表 呢啲就係愛

I know you only like my personality
but you'll never like my body

大佬唔好啦 分分鐘遲啲對住佢 連嘢都扑唔到 好大鑊喎

umm
crush how????

睇你睇樣定睇個心姐

咁 你連佢個樣都唔敢望 唔敢傾 真係唔得啦 I mean 好難發展到 做朋友算啦

你唔夠鍾意佢啫⋯

如果你真係鍾意佢嘅話 你就會覺得佢好得意同靚仔 而唔會覺得佢個樣唔好睇