有冇人明
有時真係好想放棄
人生追得最耐嘅一粒星
追咗五年幾 由開頭同人講但完全冇人知佢係邊個
去到而家一講完佢個名 個個都知佢係邊個
由開始追到而家 冇出現嘅公開event五隻手指數得晒 曾經有一段時間佢真係完全係我嘅生存動力
近呢兩年佢多咗好多作品出街 多個好多人識佢欣賞佢 （我都好戥佢開心亦都想咗好耐)
然後佢係難得地仲可以保持住初心咁繼續努力做佢鍾意嘅嘢 真係好charm好吸引😭
但同時多咗好多奇怪(?)(唔知點形容)fans
經常喺度利用粒星嘅同情心/做埋啲越界嘅行為
真係好kam睇到好想退坑
但又好唔甘心因為啲咁嘅人而放棄粒星
唔想俾粒星見到 如果有人知道我講邊個唔該唔好相認
都唔好估了🙏🏻🙏🏻
如果有星碌到 好想同你(哋)講
保持初心嘅同時請好好保護自己 唔好咁隨便信人 就算係我呢啲追咗好耐嘅fans都未必係好人嚟㗎 真係好唔忍心睇住你俾人呃😭😭
很多明星的元祖fans也會有這煩惱。
並不會不想自己喜歡的明星紅。
甚至只要有人喜歡自己喜愛的人，會為這現象在心底暗喜。
元祖fans習慣是「給予」，希望讓明星感受到支持，希望為明星送上鼓勵，希望自己是對方的動力。
但是當明星變紅了，就會出現很多人是「索取」
「我要魔法簽名」「你未簽我呀﹗」「心心﹗我要心心」「你依家淨係同下面果班玩，唔理我地上面嗱？」「你係上面玩左咁耐，你落黎下面唔會講句拜拜就算吧？」「尼邊都要魔法簽名」
明明見到佢已經很累了，很想上前講聲「妳今日表演好精彩」只想叫她好好休息
但她台上跳完一輪，台下又要服侍fans，又怎會不痛心
但我們也很明白，唔簽這個魔法簽名，下次就不會再見到這個粉絲了，因此服務是一定要比
而只想「給予」的fans，只能沉默站在後方在心底送上祝福
放心 追左佢5年幾 佢對你嘅印象都一定會好深刻
唔使care其他人啦 呢段珍貴既關係係屬於你同粒星既connection~ 同其他人冇關 唔好俾人影響到~
明既 有人可能用錯方式 但係大家既出發點都係想支持佢 不過佢一定心水清的 就相信佢知道自己做緊咩啦
所以recommend 繼續放心咁支持佢吧 你feel到佢既努力佢既charm, 對得住你既支持 就足夠了 繼續用你既方式咁去支持佢吧
純路人，冇必要為fans 而退坑～佢記得初心之餘～你都要記得愛佢嘅初心🫶🏻
作為元祖粉有時都有呢種煩惱～不過會慢慢學習調理心態🫶🏻
路過本來唔打算回覆，但係因為完全系過來人，所以想講兩句
自己追星追咗好多年，曾經都係某粒星嘅元祖Fans.真係睇住佢由好愛同Fans互動.. 變到處處都避忌..甚至見到元祖fans都唔敢俾反應..
我完全明白你嘅感受
以前我都係付出型，從來都冇要求粒星為自己做啲乜嘢，甚至覺得要佢簽個名都好打攪佢。
我曾經都做咗好多大型應援 (不是FC) 粒星都冇回應
當然，你話自己做咗好多嘢都希望粒星會回應。
但係點都好你都要問一聲自己，你追星係為咗啲乜嘢？
其實追星從來為嘅都係自己，係要令自己開心，令自己付出嘅有價值，如果做唔到以上呢兩點
請你豁達地退坑，唔好內秏...
我從來都係努力追星，默默地做到粒星記得自己，同時亦都享受追星同朋友一齊追嘅開心時刻
粒星要俾啲咩反應？要唔要回應？從來都唔係我首要追星嘅理由。
.
所以你話，唔敢要求粒星見到佢好攰，呢個可能係你個人嘅諗法，如果我係粒星，我喺現場見到自己嘅元祖fans，就算好攰我都更加會想過去簽名同傾計，所以如果喺現場，你就做翻你作為fans該做嘅事。
好多人話，追星其實系追逐一個更好嘅自己
所以首先請顧及自己嘅感受再支持自己粒星～
抱抱你~🫂
kam粉大把
見1個block1個
你自需focus粒星既行程活動
be yourself
心情都好好多
好明你…
跟咗粒星都有10年以上
近呢幾年終於連身邊唔留意嘅人都知佢係邊個
同時出現好多kamL喺佢身邊
真係想唔再追唔想見到呢堆人 或者見到想阻止班人
但係同時又唔想俾粒星覺得我唔再留意佢 同埋覺得有少少越界
🫠🫠🫠🫠
抱抱你🥹😭🫂
Btw 我幾年前追佢嘅時候咁啱🐟同場過
佢真人都好nice好靚女！
(偷偷表個白໒꒰ྀི∩˃ ᵕ ˂∩꒱ྀི১
有！好明
你所講嘅嘢全部同我一樣
又係追得耐咗粉圈問題 我好攰
但係好難唔拉埋粉圈嚟講
結果連粒星都放棄咗處理呢個問題
咁佢嘅做法好難服眾
的確呢個本身唔係佢要處理嘅問題
但佢話會處理 冇處理好 真係好心寒
我覺得冇人會永遠喺你身邊
佢成為個生存嘅動力 陪你走過某一段時間 咁就應該搵一個適當嘅時候放手
都只不過係生命嘅過客 我哋唔好睇得咁重要 應該要將自己同埋屋企人先擺喺最重要嘅位置
我曾經都好糾結要唔要放棄呢個問題
最後發現其實粒星都會叫你 好好休息啦 佢會越做越好 就算我唔再追都會企喺更高嘅位置俾我見到
只要佢冇自毁前程 或者你可以休息一陣 等你調整好自己 再返嚟追
再次呼籲追星唔好掂粉圈
唔係難受嘅只會係自己
路過嘅人，我都好明白呢種無力感，attention seeker永遠會容易令粒仔記得🙂↔️ 但我覺得只要做好自己(我本身係I人，唔識做呢d野🙂) 默默用自己方法支持同不求回報先係真正愛粒仔嘅表現，我唔需要粒仔記得我，見到佢已經好滿足！ 🥹 做佢其中一粒沙，聚埋先可以成塔! 推佢上更高！所以唔好看輕自己！💪🏻🫶🏻
只能夠講，呢個世界咩人都有！我追嘅係我推嘅嗰粒星，其他人係點唔需要理，我每次見到粒星，我唔需要啲乜嘢，見到佢一眼已經好滿足
追星多年路過講句
Kam粉無論邊粒星都會有，只要你唔理會佢哋太多，或者可以嘗試調整一下追星心態，可能咁樣會令你開心好多🙏🏻
如果粒星值得你追，何必為咗粉而退坑？追星有好多方法，默默支持都係一種存在方式。
追星從來都是你同粒星既事 其他野其實無能量/時間既話可以一概不理。。。
明 好明
有時會想慢慢退下
不過還是默默的給予支持
其實唔洗care人地的
自己開心自己幸福就好了
最重要係粒星認得你知道你係邊個就足夠了
其他人真係唔重要的～
你嘅星可以保持初心好好
希望你都能保持初心
你喜歡嘅係你粒星唔係fans
冇可能控制到其他人點做
亦唔好理其他人點做
專注係自己喜歡嗰位身上就夠喇