有冇人有共鳴🧐？
好多時同陌生網民客氣地理性討論任何學術問題，我都係盡可能保持禮貌回應、講返一啲事實做論證，但來回幾次之後，對方（>80%情況）就會開始勁冇禮貌、惡言相向、人生攻擊、甚至語無倫次，真係好多人都係咁，然後我唯有封鎖佢去挽救我嘅心理健康，免得自己繼續睇到會心煩😹
我唔係覺得我理虧所以走人，只係喺嗰一刻發現，同佢哋傾1分鐘就係浪費咗我60秒人生
正如我一位朋友寫過篇文《 每當你同戇鳩仔傾一分鐘偈，你就失去咗六十秒》所講咁⋯⋯
我慶幸我同朋友、老公之間嘅討論就算大家幾唔同意大家觀點都好都保持禮貌同基本尊重，亦都可能因為咁佢哋先做到我朋友同另一半🤝🤝🤝我愛你哋啊！❤️😙
每當你同戇鳩仔傾一分鐘偈，你就失去咗六十秒 https://kei4di1.medium.com/%E6%AF%8F%E7%95%B6%E4%BD%A0%E5%90%8C%E6%88%87%E9%B3%A9%E4%BB%94%E5%82%BE%E4%B8%80%E5%88%86%E9%90%98%E5%81%88-%E4%BD%A0%E5%B0%B1%E5%A4%B1%E5%8E%BB%E5%92%97%E5%85%AD%E5%8D%81%E7%A7%92-1550c5ab930b
threads太多人撩交嗌，封鎖唔係代表佢岩，係唔想浪費自己時間同佢拗
呢個好明顯係大家講緊唔同語言嘅狀況。
其實真係唔駛用自己時間同佢講，因為大家喺平行時空，對方未有能力明你講緊乜嘢。
我認同佢哋有時未必有能力明我講咩，但更有可能嘅係有好多人唔接受自己睇法錯，就算明明真係係佢錯都係
好多時佢哋根本冇接受過嗰一範嘅教育/對嗰範唔熟悉所以有偏見，然後佢哋會出於面子所以唔肯承認自己睇法錯，又或者個睇法已經根深蒂固得太緊要or牽涉到主觀情感
不過主動同得你拗、唔research下自學下就出聲嘅通常都真係嗰堆同類嘅人🥹通常我都會同佢哋來回多幾次，佢哋一發癲我先至會block 
重點在於太執著對錯。
其實每個人有唔同觀點係常態，咁樣傾偈先係真正傾偈嘅趣味。
不過內心脆弱嘅人喺呢尐位唔會有我剛才講嘅睇法，佢哋係比較敏感：你咁講即係我唔啱啦。
佢哋完全唔會理你啱唔啱，只會解讀為：即係我唔啱。
所以當任何人持同佢唔同見解同睇法就即刻起槓去保護同反擊。
同感😂無奈又好笑
所以盡量都會同自己講唔好咁上心，始終現實生活圈先係真實，而且係對自己比較重要。
但唔係人人有呢啲覺察，或者有時會唔記得咗。你呢個post都remind咗我～
多謝你💗
拒絕溝通
唔願意花時間同立場唔同嘅人溝通
當成個社會都咁做嗰陣
會發生咩事
自己諗
希望你唔係one of them
你睇返我個post，我咪話我每一次都係堅持會同佢哋繼續理性討論，來來回回咁樣，係直到佢哋開始發癲、無理取鬧、惡言相向、人身攻擊，嗰一刻我先知佢哋真係一個徹底唔接受人意見、以為自己永遠係啱嘅「戇鳩仔」，我先會block，何來拒絕溝通呢？係溝通到冇辦法再傾落去（因為對方擺明已經非理性同埋個討論唔再基於尊重）我先封鎖喎，好多人喺呢度之前可能一早已經唔同佢哋講咁多
然後嗰啲人仲會話「個threads 係我㗎我鍾意講咩都」，次次一見到呢句我真係覺得要幾冇道理/已經冇邏輯可以講落去嘅人 先會彈呢句出嚟😹😹
都唔止浪費60秒，仲可能因為呢啲人影響心情，用更多時間諗點樣反駁、排解有理說不清嘅鬱結⋯⋯
屌，根本唔鳩化算。同戇鳩仔認真討論係最撚唔符合成本效益嘅嘢🤡
對方選擇喺呢場對話以立場主導，我間唔中都會喺Threads同人討論下學術同法律相關嘅概念，好多時對方會傾向為一個Term賦予一個Personal嘅Meaning/Definition ，而且係不接受糾正😂
特別係法律相關，每個Terms永遠都會跟個法例上嘅定義，而好多網民唔樂意接受呢個白紙黑字嘅定義，而傾向用直覺同猜度去判斷條法例嘅Scope
Cap圖講埋邊章邊節換嚟嘅只有對方嘅一句風馬牛不相及嘅反問或者一個廉價嘅AI答案😂
好認同呢個數字只能夠代表呢個平台，舉個極端啲嘅場合，學術成果分享會，相信又會另一番景象