📌 有冇人有同感最近病毒
共 73 條紀錄
有冇人有同感最近病毒勁奇怪🤔
初時喉嚨就好似俾刀割，無高燒，會發冷同低燒。日日用九合一又驗唔到啲咩，平時睇醫生藥又唔係好壓到（通常食一天就好好多，今次食哂三日藥仲係好一般😔）。之後會開始流鼻水，有痰，跟住會咳同失聲。我就出動日服燉雪梨，以往兩三日都好番哂，今次要個幾禮拜🥲。如果你都有呢個情況，不妨一試😉 希望大家身體健康，無中呢中呢隻奇怪病毒🙏🏻
【自救潤喉燉梨食譜】🍐
🥣我媽媽👸🏻嘅配方✍🏻
• 杏仁比例： 北杏 4 : 南杏 10（比例潤肺止咳比較平衡）
• 梨挖走芯，放入南北杏
• 加入極少量冰糖，唔加都得（主要靠梨嘅天然甜味）
• 半碗水即可
⏲️ 燉煮大法：
1. 隔水燉 20 分鐘
2. 熄火後唔好開蓋住，可以燘多10 分鐘，等啲精華滲透入去
眼見唔少人有差唔多病徵，分享出嚟希望至少舒緩到瞓到覺先🙏🏻
突然有日喉嚨好痛，之後就變左半夜咳到甩肺，把聲一直回復唔到，無燒無其他病徵
我都係，比之前耐好多先好番
我覺得仲耐過我個Covid 🫠
病到懷疑人生，喉嚨刀割以為係，但日日都陰🫠
最近同朋友講起先知大家病徵咁似，仲要唔同國家…
我衰，個陣病病地影得差🙏🏻
今日想分享發現得一張story放大相😓
係乙型流感嗜血桿菌感染近期十分肆虐，中招必須要以抗生素療程處理。朋友中招後最後變成肺炎，仍接受治療。抵抗力弱的朋友謹記戴口罩出入人多地方。
有咳有痰。。黃綠色。。
中間有幾日沙聲。但冇燒冇喉嚨痛
踏入第3個星期了
喉嚨繼續有頂住頂住、腫腫地好乾嘅痛
成日好似想起起地痰
聲線回復左50-60%
飲哂清熱野都係咁
試下燉雪梨，我有試過無特別趁熱食
有其他朋友留言話食凍梨先食得到嘢
上兩個星期，我係喉嚨鼻腔上邊勁乾到痛，以為天氣乾燥，但係又唔係，夜晚瞓唔到，真係頂唔順，之後第二日即刻去睇醫生，佢話喉嚨發炎，然後開咗抗生素俾我食，第三日有鼻水同咳得好犀利，跟住食完抗生素之後第五日仲有少少鼻水，本人都冇中過Covid, 平時出街都有戴口罩，今次驗過又唔係，都唔知呢個咩病種🤷🏼♀️
我都完全無頭緒😔
我中過covid ，初初已經病徵好似，係無個陣有發燒
有發冷、狂乾咳，仲要無埋聲，食極藥強行瞓覺都好唔到少少。真係隔幾日醒起燉梨呢個方法先叫到舒緩😣
同感! 流程好似中Covid 但係進程快好多 無高燒但有低燒! 我平時少病 但今次都中 公司好多人都同時中招
第一日喉嚨沙 當晚開始喉嚨刀割吞口水痛
第二日食咗殺菌喉糖 喉嚨唔痛但開始有少少綠鼻涕 有啲頭痛 低燒
第三日鼻涕變稀開始不停流鼻水
第四日 變返濃鼻涕 極度鼻塞 遇冷開始喉嚨痕
第五日起身咳到綠痰 但咳完就唔痕 繼續有綠鼻涕 低燒 發冷 食退燒藥壓得住
第六日 持續綠鼻涕綠痰 輕微鼻塞 無再發燒發冷 把聲好"萌"
我有同同事講會唔會係冷氣系統差咗，無乜鮮風
無燒但頭痛好痛苦，條頸都硬同扯住
我後來有痰變哂聲，完全唔知咩事，大家圍爐下，睇吓分享下有冇用方法好啲，等多啲人知點處理🙏🏻
發燒嗰陣 我有食日本買嗰啲感冒散㩒住 而家好轉就無食了 痰方面 都係食枇杷膏 今次真係好毒 公司好少咁多人同時病
有冇話係邊款感冒散？大家都可以留意下
我發覺呢段時間搭車多咗人狂咳🤢
食完會有啲wing 唔係人人受得 所以就唔喺度推薦了 都係建議睇醫生
我最近兩次感冒，一開始下午時份，開始有啲發冷，體溫未到37度，晚餐後，洗澡時，用了鹽水洗鼻，晚上鼻腔已經沒有那麼乾，第二天早上起來，再用鹽水洗鼻，竟然喺鼻腔可以流出一啲綠色嘅固體，如是者洗咗三、四鼻，第三日已經完全康復！
頭兩三日，我會沖鹹柑桔水飲！
好呀，多謝你分享，等有差唔多病徵嘅人有唔同方向入手
我有朋友有洗鼻習慣
12/3 起身突然喉嚨好痛feel到有D粒粒喺裡面，食咗兩日龍角散都唔得，仲以為普通熱氣喉嚨痛，點知14/3 下午有少少發冷個人額頭有D熱又好頭痛，夜晚探熱37.4度低燒，自己食退燒藥、喉嚨消炎藥同感冒藥仲有噴喉嚨消炎噴藥，食咗兩日藥好D停藥，第二日好鼻塞有鼻涕黃綠色，又自己食抗敏收鼻水藥，冇乜鼻塞之後開始咳咳得好勁，咳到肚都痛，今日仲一咳左邊頭扯住 🥹 今日去咗睇西醫醫生教我用鹽水漱口，用半杯鹽水放一湯匙鹽，一杯分開三次早午晚各一次含鹽水5分鐘，醫生都係開咗普通抗敏收鼻水藥、馬尿咳水、得果定喉糖同止痛退燒藥俾我，冇喉嚨消炎痛，
晚晚都狂咳咳到冇覺好瞓，要含住八仙果先好D個喉嚨好痕，今朝仲有黃綠色 鼻涕好杰似痰咁，咳咗兩次痰都係黃綠色，一咳就飲少少暖水濕下喉嚨就會舒緩到，要放定個保暖瓶放水喺床邊一咳就慢慢飲幾啖，希望大家快D好返
我係新留言分享燉雪梨配方，亦有其他脆友分享，可以睇下，祈禱你快快好返，唔好再差落去
我新年嗰時都係咁，門口都出唔到，又入乜都check唔到，總之個人好辛苦，病徵同你一樣
咳到甩肺可以試吓位元堂羅漢果軟糖，即時止到，起碼開會唔使咁我禮，仲有其他口味都work，不過佢真係糖黎，食緊keto diet就破功
好呀，早期病徵我食difflam 都無乜用
大家多一個參考，至少返工時有需要
我本身有乾咳，尤其是感冒之後會好嚴重。睇好多次西醫，專科驗埋個肺都醫唔好。就咁咳咗十幾年，上年睇咗個中醫，食咗半年中藥🌿，我依家再無咳過。
我都有聽朋友分享之後咳調理都係靠中醫
希望大家搵到夾得到嘅中醫
半夜喉嚨痕到不得了，咳到醒左
想問想個雪梨點燉呀 ？
【自救潤喉燉梨食譜】🍐
🥣我媽媽👸🏻嘅配方✍🏻
• 杏仁比例： 北杏 4 : 南杏 10（比例潤肺止咳比較平衡）
• 梨挖走芯，放入南北杏
• 加入極少量冰糖，唔加都得（主要靠梨嘅天然甜味）
• 半碗水即可
⏲️ 燉煮大法：
1. 隔水燉 20 分鐘
2. 熄火後唔好開蓋住，可以燘多10 分鐘，等啲精華滲透入去
我今日自己check 咗係ADV, 呼吸道腺病毒，醫生話個病毐位係發聲位所以會失聲，已失聲咗兩日😔
呢排有呀，喉嚨刀割咁但又唔係持續，冇燒小咳，但係咳親都有濃痰，有鼻水但係鼻乾，
呢種病毒不是而家嘅事，病情反覆要中西夾雜去醫，事後都要飲多啲川貝蓮子百合果皮燉雪梨茶
唔知呢，只係我覺得同平時病好唔到，既然有舒緩方法都不妨share
今日睇脆就講台灣有，不過睇定啲，等專家分析
我睇張相以為條脷生菇😂sor
我月頭開始病，跟住睇咗兩次西醫，跟住睇中醫已經好咗九成
一模一樣 病嗰幾日面無血色 去到見到痰嗰陣再驗就驗到係ADV 腺病毒
喺英國我都係，最初發燒同超級喉嚨痛，退燒後變鼻水，鼻涕黃綠色，中間有肚痾過，之後仲繼續鼻水+乾咳+嚴重失聲。依家已經第三星期，淺黃鼻涕+乾咳+哮喘😂星期四仲要去旅行gg
Gemini話係腺病毒 (Adenovirus)
我係早晚洗鼻，臨訓先食ibuprofen對喉嚨痛（4日）同Sudafed收鼻水，日頭唔食藥😂仲有用inhaler咁，依家病情開始受控，要轉食中藥對治番哮喘😂
等我分享俾喺歐洲朋友🙏🏻🙏🏻
有脆友分享之後要做潤喉，我都同意，我宜家都極易口乾
我早前都係，一模一樣，痛到食唔到野。我除咗食醫生開嘅抗生素，另外食雪梨，不過冇燉，有改善，痛少咗起碼食到野。但好返之後，側瞓右邊就頭暈幾秒，到現在仍然係咁🥲真係唔知咩病毒
頭暈可以好大鑊，瞓夠都有同樣情況，睇另外一個醫生講番情況🙏🏻祈禱希望快啲去除到
我最近都感冒低燒，目前咳到虛脫，暫時未控制到，我都懷疑有新型病毒
我初初本住中COVID心態處理，點知測哂九合一日日全陰😩醫生都係講上呼吸道感染，同樣開個啲藥。之前食一日，有啲有眼瞓成份，通常第二日起身都好返好多。點知越吽越多病徵出嚟😫最後都係出動最原始燉雪梨方法先叫舒緩到🙂↔️
我就係食燉梨就好番，見身邊，就算住外地嘅朋友都中
所以分享，希望對同我有一樣病徵嘅人會有用，快快好返🙏🏻
上兩個禮拜我都係咁樣….本身以為自己免疫力低咗，結果最近見到好多人同我一樣，最常見嘅就係失聲，我失咗三日睇咗中醫飲咗開聲茶同埋食中藥就好返😂一開始都係低燒之後喉嚨痛好多痰 之後就係咳同埋失聲
同你差不多
之前係歐洲中左唔知咩病毒
比刀割左幾日完全講唔到野
吞口水都痛
之後狂咳
返到香港睇一次醫生唔好
再睇多次佢開抗生素俾我就好返
我就係有個住歐洲嘅朋友係ig分享，喉嚨痛，之後綠痰失聲喪咳。佢由香港帶去嘅所有藥全部無用，反而唔食仲好啲。所以我諗諗吓都分享出嚟，睇吓係咪得少眾人先有
普通西藥冇用呀
要食抗生素先得
同埋d咳唔清後尾變左急性氣管炎
痴線架呢隻病毒
真係好痴線，我同事都有問我點解醫生無開抗生素俾我
我話佢無特別覺得我好嚴重啩，我個陣好初期，主要頭痛同喉嚨痛，希望係咳個陣用到方法舒緩慢慢好番，大家要小心🙏🏻🙏🏻