📌 有冇人有類似嘅經歷，
共 78 條紀錄
有冇人有類似嘅經歷，真人真事，有少少長希望大家可以畀耐心睇完
咁我早兩日同朋友傾電話，咁啱就講返起一單發生係大概7，8年前嘅事，個日夜晚我撘104巴士往堅尼地城方向番屋企但訓死左，當我一擘大眼成架車冇晒人熄晒燈，右邊窗邊望出去就係公眾殮房，望一望手機得番幾%電（因為屋企人有係咁打電話俾我)嗰陣已經係凌晨應該差唔多一點左右，我已經嚇到即刻落車，好彩架巴士上車嗰道門係冇閂到，一落到車我已經即刻打俾屋企人，嗰度係一個人都冇，跟住前面係山右邊係隱約見到有海，所以呢一邊係倔頭路，公眾殮房嘅左邊有一個焚化爐，我阿媽問緊我附近有啲咩睇點樣行返出嚟截的士，突然見到一個啊伯右手攬住個骨灰龕，左手搭住空氣(好似搭住人膊頭咁)就係正我面前，我已經嚇到企喺度唔敢郁喊咗出嚟，我嗰陣都係得15,6歲，其實實質我都唔係好記得呢1part 唔知係個巴士司機咁啱經過，定係佢揸巴士過嚟，問我咩事喊，呢度已經冇車出返去問我點解會喺度，問我要出返去邊度，佢就勁好人咁揸巴士送咗我喺灣仔其中一個巴士站落咗車，如果我冇記錯嗰架車應該係寫暫停服務，係冇停過站的，但我成程車都仲驚緊同喊緊，已經唔係好記得，跟住重點嚟了，講到呢度我個
講到呢度我個朋友好奇就去搵呢個巴士總站係咩樣，咁佢就係咁問我個倔頭路係喺邊度，同埋話見唔到焚化爐，又話焚化爐正常唔會喺殮房隔離，咁我就話冇可能，就即刻撳KMB 104巴士總站個街景睇，我直頭O咗嘴，因為同我之前見到嘅根本唔一樣，嗰度本身係山同海，唔知點解變咗條街同埋多咗好多幢樓，跟住右邊唔知點解多咗個工廠大廈，焚化爐亦都唔見咗，咁我就諗都七八年前啦，可能係開發咗都唔定？咁就搵翻舊啲嘅相，發現都係咁，咁我就去search 西寧街結界，不過冇人有類似經歷，但我就見到嗰頭有個咩界石，唔知睇到啲咩跟住我又去search西寧街填海，跟住發現60-70年代真係有填過海，同埋真係有焚化爐，但係個焚化爐2008已經拆咗。。其實發生呢件事嘅嗰日我返到屋企仲係好驚瞓唔着，已經係即刻去search係咪真係有呢個站，因為我覺得好奇怪，點解會有巴士站隔離係殮房，同埋點會喺倔頭路，咁又發現真係有呢個站，同埋睇咗個街景都係同我睇到嘅一樣，有冇人可以話俾我聽到底發生咩事或者有類似嘅經歷
另外想問有冇人知西寧街轉返出去域多利道以前係咪有啲類似村屋咁樣嘅屋仔，因為嗰陣搭巴士出返嚟我有一直睇街外個景，我就係覺得入面好似第二個世界咁，兜返出嚟都仲有條幾長嘅路有啲屋仔而且都係好靜
我中學時期有日坐10號城巴遊車河瞓着咗，到我醒時全車黑晒，個天又黑晒。好彩我冇好似樓主咁望向右邊窗😂，而係急急腳落樓梯，見到巴士啲門鎖晒，心諗點算好時，剛好有個巴士車長行過，我咪向佢揮手⋯⋯佢塊面青晒向後行咗兩步望住我，然後呆咗幾秒先開門俾我落車，仲口喃喃唔知佢講乜，話我嚇親佢。我心諗大把人瞓到總站㗎啦，咁都嚇到你嘅😂😂
落車之後我好自然行去附近有光嘅建築物，原來係公眾殮房，嚇一大跳⋯⋯竟然有咁嘅總站。回頭望，個總站冇乘客，啲車長又唔知去晒邊，人影都冇我開始驚😂 開始向有光嘅堅尼地城市區行
呢條路看似好短，行極都未行到，我開始擔心，但諗起車長嚇親個樣，呢套應該唔係恐怖片，可能係搞笑片。就咁行咗10分鐘終於見返人群
我先盡量嘗試同你喺科學角度解釋，同樣都係大概7,8年前，我都因為工作關係，行路經過果頭，記得殮房隔離係有個巴士總站，嗰個巴士站的確係俾‘山’包圍，不過實際情況應該係一啲好多樹嘅斜坡，所以可能你夜晚望落去會感覺覺得係一座‘山’。(我當年經過嗰陣係日頭)
由於我嘅視覺係喺域多利道望落去，唔知係唔係我咁樣由上而下望，記憶入面其實都唔係好覺得附近有建築物。直至睇到你呢個post特登去Google map睇返先見到原來附近有咁多建築物。至於你講嘅掘頭路，有機會可能係當時有工程或者建築地盤而出現咗臨時掘頭路，香港好多時都有呢啲情況出現，幾年之後，果個位會完全唔一樣。
(唔夠字數，我下個留言會用超自然科學解釋)
我試過啊！不過好多畫面都唔記得咗
細個我諗8歲左右 ，生日一家人去座郵輪，一家人去咗郵輪入邊嘅機舖打機，我自己玩左陣，諗住望吓屋企人喺邊，跟住見到爸爸向住門口方向行，我就跟住佢行啦。唔記得咗點解行行下見佢唔到，一路行一路行沿路都係冇人嘅，當我嗰陣係住3樓啦，我撳𨋢撳3樓係永遠都去唔到3樓會去咗樓上或者樓下，咁我就行樓梯啦，行樓梯都係去唔到3樓，好驚行咗好耐突然有個職員姐姐問我係咪唔見咗屋企人然後問我住幾多號房，佢沿路帶返我去搭𨋢，今次先去到我嘅樓層帶返我返房😥
媽咪佢地都係話周圍搵都見我唔到
大個啲先知原來入左結畀
曾經聽過朋友分享，澳門有間酒店擴充建築，但由於公司果期有活動搞，於是成Team人住埋喺酒店方便工作，有日準備集合果陣，其中一人失蹤，又係搵晒所有地方都搵唔到，最後喺新擴充嘅大樓，仲未起好嘅地方搵返個同事，但係佢一D印象都冇。
我未遇過入結界或被鬼揞眼而去咗其他地方；但鬼揞眼搵唔到想攞嘅嘢，但轉頭就喺眼前，就間中會發生。🙈😂
下次有朋友再遇到，建議第二日即刻去廟到俾香火薰吓個身，同菩薩拜拜祈求保佑平安，同埋最重要曬吓太陽，好好休息，盡快將能量提升⚡️⚡️
堅尼地城舊街坊表示嗰個總站其實冇乜嘢 我都成日搭過站😂 可能夜晚太黑，所以你認唔清啲建築物，因為事實上嗰度係真係有個倔頭路 同埋殮房
其實嗰個位好多年前係有焚化爐㗎
以前嗰到有個建築會劏豬劏牛
所以你唔使擔心真係冇咩嘢
日落嗰陣
我仲會專登走去倔頭路嗰邊
果到有個海旁嗰度睇日落好靚
係街坊嘅小天堂😚
我睇到嘅倔頭路係喺呢個位，同埋冇工廠大廈，工廠大廈嘅位係有一個焚化爐同一啲矮嘅建築，但焚化爐喺2008年已經拆咗，點解我201幾年過去會見到🫠就係因為太黑，所以我睇唔清焚化爐附近係啲咩建築，我知道嗰個係殮房只係因為我喺巴士瞓醒擘大眼嘅時候右邊就好清楚睇到寫住公眾殮房，但我想知你講嘅倔頭路係喺邊個位我都想上網搵下佢係咩樣🥹🙏🏻
我以前住西環，巴士總站係有焚化爐同殮房，因已搬遷多年，唔知焚化爐幾時拆咗，殮房幾時搬，不過應該好耐之前，應該17年前卦。照你咁講，你係時空穿梭，回到若干年前噃。亦有可能你啱啱瞓醒，錯誤記憶都唔定。你話未見過啫，可能曾經見過圖片，响驚慌時，潛意識湧現出嚟。（潛意識無得控制噃）
焚化爐係2008年拆，殮房仲喺度，我絕對唔係啱啱瞓醒錯誤記憶，亦都唔係曾經見過圖片🥹因為喺呢七八年入邊，我有同朋友提過幾次我都係咁樣講有條倔頭路同埋焚化爐，我除咗喺七八年前嗰一日返到屋企上網睇過個街景confirm過個環境同埋搵嗰一度有冇鬼故之外(反而我當時上網係搵唔到嗰度啲鬼故)第二次search 就係我前兩日個朋友上網睇話搵唔到跟住我先第二次去睇嗰個街景
以前104總站在山市街 我早上在那裏搭車往中環返工
正常來講 收工後巴士會停在堅尼地城總站 你好彩遇到司機義載你一程
兩個地情景也如你描敘 可能你現在攪亂了
不要自己嚇自己了
我試過睡醒巴士鎖了門 心慌慌 幸好巴士司機剛經過 替我開門 他們從來不會理有冇人尚在車上⋯⋯
司機都有古怪啦 突然出現 唉 你唔應該掛住喊㗎 應該問下個司機嗰度係邊度 日期同年份 影多兩張相 最好拍埋片 咁癲 搵日搭下104先 直播搭104 有冇人支持 1M啦 呢個回覆 有1M個like 直播搭104 俾大家開下眼界囉～
嗰陣先得十五六歲🫠冇咁大膽，我返到屋企已經係即刻search嗰度喺邊度，依家個巴士總站好似搬咗了
應該唔係結界嗰類嘢 只係太驚 認錯地方 坐住架巴士 本身104嗰個司機就落咗車 如果係結界 就應該係 你 司機 連埋架巴士 一齊入咗結界 點會司機唔見咗 得番你同架巴士 停咗車 冇移動 靜止狀態下 又點會入到另一空間
我就係因為太驚，所以嗰陣嘅畫面我到而家都仲好深刻，如果認錯地方，我點會咁啱噏得出嗰度有焚化爐同埋係山嘅倔頭路🥹我係同我朋友形容完之後佢話冇，我先上網search
本身個司機落到車 如果結界 佢應該都會好驚咁留喺巴士度打電話求救 又冇 但你又話冇高樓 有海 然後又有另一個司機車番你出嚟 咁就奇怪
嘩你呢個經歷好得人驚😨😨港島區好似不嬲都比較多鬼故，最近我哋準備節目做research嘅時候先發現😖不過你呢個聽落都似入咗結界，好彩嗰時遇到個巴士司機幫你炸，如果唔係真係會喊死😭😭😭
就算7、8年前，總站嗰邊都已經好多工業大廈，只會望到殮房而唔會直接望到海，同埋總站再行入啲就係垃圾轉運站，正常前面唔會係山仔，因為垃圾轉運站就係開咗個山仔而建成。🥶
我嘅印象殮房隔離係有一啲唔知矮嘅建築，定係廢置物個焚化爐就喺佢後面即係依家工業大廈嘅位置
Google 搵咗好耐都搵唔到一個角度係西寧街影個屠房嘅相🥹淨係睇到佢背面，我唔sure 
可能個巴士司機都未必係依個年代嘅人
但係佢好人救咗你出個結界
未必係撞鬼嘅
不過聽唔少係可能入咗另外一個時空結界
好似話你依一刻發生嘅時候
有唔同時空一路運行緊🤧

係呀，呢壇嘢我都唔係好驚，因為我覺得唔係撞鬼，係去錯時空或者穿越？我都唔知🤧
我十年前都係住呢頭，但呢頭十年前已經唔係咁荒蕪，基本上一行出去已經係大路油站，我以前夜晚成日都遊車河經呢個位真係唔係咁陰...你講果間村屋應該係土地公果邊啲屋仔？
我想話…我曾經發夢夢見嚟左呢到
但係個巴士站同而家呢個時代唔同
同你描述既好似 又係掘頭路
又係搭巴士出返去係好長既路
但我無留意有無焚化爐
附近係無高樓大廈
我住西環嗰陣都試過夜孖孖搭104瞓過龍去到總站
我知道嗰度以前係咩嚟
所以一住諗喃嘸阿彌陀佛一住耷低頭快步行返出去
好彩我無見到啲咩🙏🏼
但我相信你嘅經歷
🥲多謝你相信我，我知會有好多人覺得我係發夢，或者記錯，但我真係親身經歷，因為嗰焚化爐拆之前我根本就冇去過呢個地方，更加唔好講70年代未填海之前，我有咩可能會夢到或者記錯同歷史一樣嘅嘢出現，仲要記得咁清楚，我連個日返到屋企瞓唔着上網search番個街景嘅記憶都仲喺度🥲
無事無事，你怕就以後陀返個十字架/觀音/佛墜/御守/平安符/whatever你覺得可以安心同保護到你嘅嘢🫂
其實…你見到既焚化爐應該係舊堅尼地城屠宰場，果度有三支大煙筒。巴士總站睇既話面對殮房去就會出現係你右邊。
早幾年拆晒變佐做一個倔頭路既海濱長廊
應該都係入咗某個結界啦。
車你出灣仔嘅司機可能係某個神引領你離開結界，因為佢話「冇車出返去」同埋問你「點解會喺度」，你真係好彩。
夜晚會有啲外國人喺域多利道跑步放狗真係好強，你搵日天氣好中午經域多利道經泳棚行上去大學campus風景其實唔錯，希望可以幫你減輕陰影
好多人叫我去返嗰度睇下，但老實講我睇相影覺得好震驚，我去到現實睇到可能會懷疑自己而家係咪發緊夢
本身西寧街就有工廠大廈
係咪因為近排搬左站認錯左？依家巴士站隔離有d貨櫃屋比d外奴住
我係西寧街住左30年 成日凌晨行都唔覺有咩奇怪
我嗰陣見唔到工廠大廈，我都奇怪點解上網好似話依家係搬左站，但我喺KMB睇個總站依然仲係喺殮房隔離，即係依然係我七八年前落車嗰個位
睇到驚😣
有無人知道如果真係發生呢啲情況其實最好要點做？好好彩咁夜有巴土司機車番你出去。但點解咁夜佢仲係個到😣😣
我以前好細個住過西寧街最入，以我所知，嗰度係有工廠大廈，行入啲有藍球場足球場，仲有幾楝私樓，球場對出係海呀
純粹搭嗲，我隻狗狗每次去到堅尼地城巴士總站個位就會震晒，係震到仆街，好驚好驚會起勢奔跑淨係想離開巴士站
btw 我懷疑個巴士司機唔係真係收工嘅巴士司機，因為佢要載你走擺低你去泓都果頭都得啦，做咩要擺你喺灣仔🙊
想問下你當年發生呢件事之後除左屋企人知之外有無其他人知？ 你依家有無問返佢地係邊一年有呢件事的？
有，仲有一個好耐冇聯絡過嘅朋友知，不過費事問返佢，我諗我問完佢都唔記得🫠
因爲我諗緊有無可能係你記錯幾時發生… 有無可能其實係10幾年前發生？
冇，因為講緊焚化爐2008年拆，我嗰陣先六歲，同埋填海工程係70年代，所以就算係我六歲去到都唔應該係我見到嘅場景🤧
Did it look like this? 嗰度再落喺 摩星嶺公民村，1952年成為難民的徙置平房區。
https://share.google/b0gZlJXYu2CSegmHW
就係類似咁樣嘅矮屋仔。。。但係依家有件更加神奇嘅事。。就係走嗰陣個巴士司機係往左手面嗰個方向嗰條域多利道出去並唔係行呢邊，因為我係往灣仔方向去
你可能返咗好多年前嘅堅尼地城巴士總站⋯好彩你遇到巴士司機收工載返你出去，如果唔係都幾麻煩。
我知你講邊度，西寧街/域多利道隔離有個巴士總站
我細個住附近，嗰度係出名猛☺️
雖然我唔係實質見到鬼，但成件事好古怪，我都唔知我到底係穿越咗定係去咗第二個時空定係搞乜🫠
架車停嗰度係巴士站？周圍有冇其他巴士？咁偏又會無啦啦有個巴士司機送你出去咁古怪
時空交錯ja
細個喺堅尼地城住，可以話喺呢度玩大
癲到入去殮房打牌添🤣🤣🤣🤣
巴士司機車你出返去個陣，我想問下架巴士係以前個種車？定而家啲款既車？😰😱
宜家嘅款🤣🤣如果喺70年代嗰種，我應該已經嚇到當場暈咗唔敢上車
善良的人自然會有庇佑
不論以後怎樣
希望樓主保持善良的心
善良的人最後會平安
香港有兩個位係陰氣極重
一個係西灣堅尼地城你講呢個位
另一個係荃灣醉酒灣
我好好奇係如果時空交錯，點解會有司機出現救你出番黎，有冇大神get 到
都幾中意搭104過海去灣仔、中上環，好少入到總站
原來係港版如月巴士站
原來所有暫停服務嘅巴士係咁用嘅😮🤔真係要多謝咁多車長救返咁多人
但係個殮房同焚化爐原先個位置又唔係完全同你見到一樣😬不過都係邪
我好奇點解你入咗第二個世界手機仲收到呢個世界嘅信號，即係你媽媽
所以我唔知我到底係入咗第二個世界定係穿越定係做乜嘢，有師兄講話可能係俾鬼迷入咗異度空間，但我都係完全解釋唔到🫠
聽住天命最高
再問下項少龍問佢穿越時空真實情況係唔係咁😂
唔駛驚丫， 無咩咁恐怖，你唔行上去個公園就唔驚啦。
個焚化爐拆嘅時候我先得六歲，我以前根本冇去過呢度，亦都冇上網睇過嗰頭啲相🥹
應該就唔係，我淨係試過三次遇到呢啲奇怪嘢，呢個捧住骨灰中嘅阿伯係其中一個不過我覺得佢應該係人，反而係可能佢撞鬼，所以佢個手勢係搭住一個人膊頭係咁講嘢，另一次遇到呢啲奇怪嘢係四五年前，fb會自動彈番啲幾年前嘅經典回顧，咁我就睇返一個唔知幾多年前嘅直播啦，嗰個直播仲要都係喺西環。。以前TVB有套唔知咩劇，跟住喺西環一個後巷有埲牆係有個唇印定唔知惡魔翼咁，我就同一個住喺西環嘅朋友去嗰頭打卡跟住開咗個直播，嗰陣係夜晚但實質唔記得幾多點，咁我個直播就係影下條後巷影下埲牆咁乜都影下，咁我睇睇下突然之間好奇怪見到有鬢辮嘅兩個細路女仲要係睇得出唔係呢個年代嘅，但只係閃過一秒，我完全cap唔到出嚟，我同我啲朋友用盡所有辦法，都冇辦法捕捉到個畫面cap出嚟，跟住又有一次我係屋企門口食煙唔小心將煙頭彈咗去屋企門口個土地公，跟住我發燒燒咗成個禮拜都未好返，我阿媽覺得奇怪就問我諗清楚有冇做過啲咩，我就諗起會唔會係因為我煙頭彈到土地公，講完之後我阿媽就即刻裝返兩支香，我第二日就即刻好返了
我睇你嘅描述好似我十幾年前一個經歷
我自己好鍾意釣魚
係發燒嗰種
考咗牌之後
我買咗隻快艇
有次釣完魚回程唔小心撞到舊爛木
船頭爛咗少少
因為新船梗係心痛
件事一直都喺我腦海裏面
返嚟而家
船牌我真係考咗
但我從來都冇買過一隻快艇
神奇在早幾年
我將呢件唔知係回憶定係真事同一班朋友講
其中一個朋友話我之前真係買過一隻快艇
佢講完之後大家四目交投
都唔知講咩好
所以我真係解釋唔到
我覺得除咗結界
應該同曼德拉效應有啲關係
因為我有幾個朋友都有類似嘅經歷
係我近期最用心睇既threads 文，無事就好🙏🏻
原來仲有呢種說法，如果咁樣嘅話好似合理過穿越同埋平行時空
係咪呢度
https://www.youtube.com/watch?v=c57FtCgORsE