有冇人覺唔覺得年輕一代冇感受過「玩具」嘅好玩係一種遺憾？我哋當年玩四驅車、搖搖、爆旋陀螺、遙控車、數碼暴龍機/卡片對戰、彈珠人嘅狂熱同投入程度佢哋永遠都感受唔到…
證明你老，你既口吻同我家人講野一樣話我地呢代係一種遺憾
成日同我講佢地細過玩爬樹，風箏，牛屎，跳樓
有冇人覺唔覺得年老一代冇感受過「電子遊戲」嘅好玩係一種遺憾？我哋當年玩minecraft, roblox嘅狂熱同投入程度佢哋永遠都感受唔到…
但爆旋陀螺一直有出, 唔覺有俾市場拋棄
近期搞到gym room禁玩陀螺就笑死
所以其實我覺得90後係幾幸福，細個有得落街同同齡嘅一齊踢波，玩玩具，細個冇乜錢買玩具，所以會更加珍惜已有的
我老豆果代都會覺得我地呢代無玩過金絲貓，公仔紙，挑竹籤好可惜，個個年代都有佢嘅玩具，小朋友玩咩唔重要，最重要係有快樂嘅童年，唔好咁後生就有呢啲老屎忽諗法。
我家姐個仔先10歲用Minecraft建立嘅城市同用Roblox整嘅game,我作為大人都真心佩服，仲要無人要求無人推佢去學，完全真係興趣嚟，又玩得開心，仲同你係到玩暴龍機Chok Chok Chok咩仲同你拎啲公仔打嚟打去咩？
Btw我90後但無玩過你講嘅野，我細細個就玩ps1同電腦打機，完全唔明你講果啲野有咩好玩，但會尊重玩嘅人，希望你都尊重新一代佢地嘅熱情係玩其他野。
冇比較佢哋永遠唔會知道乜嘢叫好玩啲，定係無聊啲，總之喺佢哋嘅層面搵到佢哋好玩嘅嘢，就已經係佢哋嘅回憶. 
都有嘅 我識啲6-9歲小朋友
有次見佢玩搖搖 亦有機械能玩具風扇
又有車仔 似係嗰啲夾公仔機嘅獎品
佢地出世就係電腦發達手機發達既年代 窮人小孩子一人一部平板電腦/手機 就可以接通全世界 邊再買其他副產品
=
係富有家庭小朋友先可以多個途徑作為娛樂 買買買
不是沒有玩具，是玩具進化了。
不過這些玩具的負面影響亦比較大。
更遺憾嘅係冇乜機會玩到大風吹、糖黐豆、十字𠝹豆腐…
咁多年我仲記得自己擁有過咩玩具，因為數量唔多，每一件都印象深刻，好有回憶
13歲 三歲開始玩陀螺 幼稚園睇數碼暴龍app 玩過下四驅車 八歲開始玩ptcg 大概小四小五玩彈珠人改版彈蓋人
以前最簡單啪啪紙
東南西北寫D搞笑野同同學玩
同埋象根手槍已經係玩具🥲
完全唔洗一分一毫🫠
80後表示 唔覺
遺憾既感覺好主觀呢
同埋 有冇想去嘗試既意欲
如果冇既話 又何來遺憾呢？
好大程度係因為我地90後嘅娛樂少啲，好多時電視播乜我地就睇乜，播陀螺/四驅車/搖搖我地咪跟住買（加埋coco嗰啲係咁推），然後落到街又一班小朋友玩，自然會狂熱啲同投入啲，所以我成日都話90後嘅小朋友係被選中嘅小朋友，玩玩具係最黃金嗰一代
每個年代都有佢地既玩具，我細個玩game boy 係個陣既大人眼中咪又係一個廢青