有冇人記得以有間叫杏花樓甜品嘅餐廳，都幾多分店嘅。佢哋嘅鎮江排骨菜飯，椰菜雲吞同蘿蔔糕好好味，D甜品都好正，執咗之後，成日都好掛住⋯
有日喺佐敦文英樓嗰邊見到有間叫杏花小館嘅餐廳，見佢有鎮江排骨菜飯，就入去叫咗嚟食。食落居然有以前杏花樓甜品嘅味道🫨
冒昧問吓個廚師，話係咪以前杏花樓嘅人開架？廚師話原來佢以前做咗杏花樓好多年。
居然可以憑味道相認😆
我記得！個時成日食。d羅白糕、雞翼，菜飯，仲有個西米皮湯丸比好好食，生意都好架，唔明點解執
記得！鎮江排骨菜飯！好多汁送飯，正 🤤
上面有 Thread 友話佐敦文英樓嗰邊嘅杏花小館嘅廚師喺杏花樓做過，搵日要過去懷緬一下個味道 ☺️
記得呀，曾經是飯堂之一。
那時胃口好，一個主菜加個甜品，好滿足。我多數會點鎮江骨菜飯或菜肉雲吞米線，甜品要楊枝甘露
當年漢口道返工 成日食菜餃上海面 佢啲炸菜絲好正 仲有西米皮湯圓 杏花樓獨家！
銅鑼灣同尖沙咀都有，而家有時經過樂道嗰頭，我都會諗起呢間🥹
菜飯真係好好食
今日就係食咗杏花小館嘅薑撞奶，同以前比小糖啲，老闆娘話而家啲人興少甜😋好味
好鍾意佢個菜飯 最愛西米皮湯圓！
唔知點解會執晒😢
中學生時代有間杏花樓喺學校附近，成日放lunch走去食，有套餐包埋甜品，鎮江骨上海菜飯同埋菜肉雲吞係必食，套餐嘅甜品都好足料，生意睇落唔錯，唔明點解突然全部分店會執晒。
記得，以前返工同同事成日去，我地叫佢做糖水麵。 好懷念。
以前機場T2有間,成日去食鎮江排骨菜飯加杏仁露呢個餐,機場員工有discount,40幾蚊,又抵又好食
記得，好多年前同舊公司班同事成日放工去食（包括EX)
都好多10年了，班同事冇晒聯絡，杏花樓又少咗去，好懷念
以前係我嘅飯堂，一個禮拜起碼去一兩次！排骨菜飯，木瓜汁，西米皮芝麻湯圓！究竟佢哋去咗邊呀？好掛住呀～～
而家喺佐敦文英樓附近有間嘢叫杏花小館，有啲嘢食好似，個老闆娘以前就係做杏花樓😋