有冇人試過生蛇？用咗幾耐好返？會唔會復發？
我生喺條眉嗰度會唔會影響到隻眼㗎？🙂↕️🙂↕️🙂↕️🙏🙏🙏求解答
如果真係蛇 你要快啲食抗病毒藥 越早食越work 加上咁近眼位置怕危險會影響隻眼 食左藥大約5-7日好返晒 快啲去睇醫生食藥
食完特效藥，要睇中醫調理，生蛇原因係免疫力低，壓力太大，唔夠休息就有機會生蛇，中醫可幫你提升正氣（抵抗力，免疫力）之後要食清啲，多休息，我生完第二個小朋友生蛇，喺背脊，要趴喺度瞓，嗰陣日頭湊大女，夜晚起身餵細仔夜奶，一日得4個鐘休息，結果生蛇，好彩後生，到而家接近8年都無復發，無痛
你keep返作息正常就唔會咁容易有事
過來人，生完蛇神經係跟一世，久唔久又痛！ 所以必須打蛇針！如你黃金24小時己看醫生，吃抗生素，應該無事
食晒7日擴病毒藥之後一定要去睇中醫。。。唔係慢慢有神經痛嘅話會好辛苦咖！
我幾年前生蛇係眼生蛇，好痕和痛，我發現既第二日去左睇眼專科，有比藥膏我搽。
因為當時係weekend，所以到發現既第三日先book到個中醫做拔血罐，連續做左3晚，過程係將患處毒血走出黎，我好好彩我好覺得全靠中醫師幫我醫好左，大概一個星期好返。
要黄金72小時食特效藥，不過你話生喺耳眉附近，即係好近眼，要小心眼睛嘅健康，有影響，最好好返之後考慮打蛇針
我屋企人生過又係好近眼，佢睇完私家話佢生蛇（當時啱啱發），跟住又去睇政府，政府之後轉介佢去睇眼科，好快有得睇
我試過，我係肚附近，而家一年未退晒疤痕！擔心左一年左右會唔會復發！因為平時都有後遺症，神經線少少痛以為復發！一發現好似係，記得即刻睇醫生，食藥控制病情！我食左10日藥左右，好返半個月左右，就去睇左4、5次中醫調理身體，每次都有針灸加7日中藥！
你可以問問西醫生
好返可唔可以打蛇針？我醫生話唔建議我！除非我又復發啦！
我生3次
第一次生頸，痛+發燒但未出嚟醫生唔知，過3日蛇出沒再覆診才對正下藥！
第二次生耳背，事隔太耐唔知係蛇，又要睇2次醫生！
第3次2026年新年前，耳入面痛+發燒，我立即去睇醫生，醫生問2次:你肯定係蛇？我問:唔係生蛇食咗蛇藥有冇問題？醫生:冇問題，不過驚你係其他病！我:係蛇！返屋企食咗2次藥就唔痛，不過蛇藥要食晒！生蛇越早睇越快止住！唔好諗住吽吓就好