📌 有冇人試過過左安檢先
共 60 條紀錄
有冇人試過過左安檢先記得漏左野喺非禁區外面？ 海關唔俾返轉頭入去拎，叫我搵航空公司職員陪同先可以返出去。
去到閘口搵到當值職員，佢一口拒絕，話趕唔切, 我見距離登機時間仲有一個鐘， 起飛時間仲有個半鐘， 問點解趕唔切？ 佢只係話你出去就唔好上飛機，二㨂一, 反問我決定點？安檢當時冇人，前面得五人，過程不用十分鐘。
我記得其他機場係可以返出去，只要重新過安檢，根本不用人陪同，當然趕唔切登機係自己責任，但唔會有人阻止。請問大家知道係咩問題唔俾返出去？ 我留低左件褸，衫袋應該有點錢，但忘記多少，件褸同回程機票價錢唔差太遠，但夜機走，明天要返工，唯有放棄了。
地點：仁川機場
航空公司：濟洲航空
cls 自己大意漏左野，過晒immigration 做晒出境手續，職員同你講1個鐘唔夠，你就屌9人唔肯幫你。 仲要理直氣壯放上Threads。想問下點解人地要幫你？你漏左野唔係你嘅問題？？你唔檢討下自己之餘仲要好話人。
唔該你唔好出國，丟香港人架
以香港黎計 一般過左安檢除非真係confirm放棄繼續行程 先可以安排職員帶你去入境處取消離境 淨係個度做手續都可以等超過半個鐘 真系視乎佢地人手 你都有機會俾佢地盤問 之後再安排行李上番行李帶 所以你出得去等埋行李一定入唔番黎搭同一架 唔係人多人少嘅問題 有時你睇到認為好簡單嘅野唔代表中間嘅流程係好簡單 真系需要牽涉好多部門處理 更加唔好話當你身在外國嘅機場會牽涉外國人再入境同安檢嘅問題 機場嘅流程就係安全至上 所以可能真系冇辦法
其實海關可以帶你入返境
其實職員可以幫你去申請
其實行李可以唔使重新寄
其實飛機可以等埋你上機
但係點解冇一樣發生？
好簡單，因為「責任」
過左安檢、就已經算出左境
看似一門之隔、實質天差地別
當中各職員處理嘅時間、需要提交嘅報告、所需分配嘅人手、後續管理嘅安排等等
「無規不成方圓」
就當今日有海關比你入返境、職員幫左你、行李繼續飛、飛機等埋你
聽日就會有一堆人問責佢地
然後有咩事就佢哋孭飛
而你就已經離左境拍拍囉柚繼續飛
你問點解某啲國家某啲機場可以咁做？
好簡單～因為人情而唔係道理
過了安檢後，已經進入管制區/禁區，算離境啦！
要離開禁區就當係重新入境，機場有權唔批准，就算批准都要工作人員陪同，再重新搞離境過安檢。
所以俾係人情，唔俾係道理。
我記得試過兩次返入去 忘記邊個機場 冇人阻隢 係問都唔洗問 直接返入去 當時就算重新離境其實都趕得切有餘
我n年前去首爾，出境後發覺唔記得還wifi egg(嗰時係喺韓國機場攞韓國還)，搵機場CS問，想佢哋幫我去counter還機，結果係工作人員（唔記得係airline定機場嘅工作人員）陪我出翻去還機，之後再帶返我入去，過程係煩亦要同海關解釋，不過我係順利出去還完機再返去上機，全程工作人員陪同。
我會覺得，幫係人情唔幫係道理，我亦冇期望過佢哋會俾我出返去還機，只係想睇下可唔可以幫我出去還機，要麻煩工作人員我都勁唔好意思，始終係我自己大意。
個職員無話唔幫你啊 咪話左你confirm放棄行程唔去咪可以出去
禁區地方係你話出就出入就入咩？每個地方immi都要審你咩理由出完又入啦 大把手續搞果啲都係時間 成年人要為自己粗心大意負返責任
特登開個新Account出個post上網話俾人聽自己有幾閪，辛苦你啦。
安排人手需時，其他機場得唔代表仁川得。出到去又唔知你搞幾耐，你上唔到機又要搵返你件行李offload
現實係機場保安最驚有人利用「回頭」機會，將非禁區違禁品帶離境，一旦你入咗禁區，過咗安檢就係法律上嘅「離境」，回頭要行極繁瑣嘅「取消出境」手續。
航空公司冇義務派人陪你行，更唔會為咗你承擔延誤風險。對佢哋嚟講，你上唔到機仲要搵行李拉返落嚟仲麻煩。
一個鐘看似好長，但機場流程唔係為個人失誤而設計嘅。
有。之前係福岡機場試過漏咗AirPod係非禁區出面，過咗安檢先發現漏咗係出面。問staff可唔可以出去搵，個staff話唔得。（staff話如果你自己要出去搵，要重新買過張機票先可以入翻禁區）。
Ps最後係重新買過AirPod算。
你條友都幾僕街喎! 留言嘅人解釋畀你聽點解唔得或者趕唔切, 你就包拗頸. 仲話自己試過幾次出返去再入返嚟, 既然你咁Q冇記性成日漏嘢, 咁就抵你死啦!
記得幾年前就係有單新聞，講緊當特首個女漏左野係禁區要職員拎番入禁區，當時好多人講，好似話正常係唔得既
起因
梁振英三女梁頌昕行李遺留在機場禁區外，梁唐青儀要求航空公司職員將行李送往禁區。傳聞梁振英在電話中以「叫我梁特首」施壓，結果機管局「特事特辦」
我试过。我是加拿大人，发生在加拿大多伦多机场。 结果要入境，出去，由arrival去departure，重新安检，花了一个多小时。
多人我都明要搞好耐 果陣安檢冇人 除非真係要重新入境 海關冇話要 只係要職員陪同先可以返入去
其實你又點預計到未來1-2個鐘機場個狀況呢
你望嗰一刻好似係無乜人，但唔等於10分鐘後都係。
當然，因為你想做到自己想做嘅嘢，梗係話趕唔切上機都無問題啦，但信我，你呢啲西客我哋日日都遇唔少，人哋同你講漏咗嘢係你自己責任你都唔接受啦，你又點會接受到攞完嘢趕唔返班機呢🙂。
同埋其實好簡單，如果你識字嘅話，你應該明白禁區呢兩個字嘅意思呵？可以自出自入就唔會係禁區啦🙃
如果你已經過左保安檢查同埋Immigration，你要cancel departure當offload客人先可以，唔係你任意話想出返去就出返去。
同埋immigration係會問你乜嘢原因要cancel departure的，佢地俾唔俾你又係另一回事
咪玩喇，去到閘口已經過左移民局入左機係當離左境一定要從新入境
睇你出個post咁Kam，都估你叫人「幫手」個態度唔會好得去邊，咁唔幫你都正常😏
係囉 點解唔俾你出返去
俾我係你一定嘈到底 據理力爭

都係想聽哩啲？
呢個就係點解香港機場好少發生，甚至冇發生過任何恐怖襲擊事件
正正就係因為咁嚴格嘅制度，其他機場自由度太大，所以出現恐怖襲擊甚至乎保安流動嘅機率好高
你人出翻去，咁行李一定要offload左先啦，淨係要拉返你行李出來,知唔知要等幾耐？跟住又出又入，唔係你想像中咁簡單。
西客無誤
港女真係蠢得來又自我中心
覺得全世界都要就佢
任何基於保安理由其實有好多程序
而且係要一層一層咁溝通
你估真係講句漏咗嘢
好似睇完演唱會咁
一出一入拎完就搞掂咩
你知唔知你咁樣係要 經過 immigration ，Immigration亦都唔係淨係要處理一個，然後先出得返去～～
你真係好撚on9
咪撚del post 呀
地勤人員亦有自己嘅野做
你估大陸呀？自出自入 叫埋美團
上次個客話要出返去，問佢漏低咗啲咩，漏低咗sim卡係出面😑
你confirm唔飛即刻搵你行李出嚟，再等班機飛走，有人得閒帶你出去囉😃 趕唔切記得自己俾錢改飛就得👌🏻 取消出境手續有大把嘢要做，機場唔係地鐵站啪個卡你就出得去🙄 仲要得返一個鐘起飛，姐係呢班機唔會趕得切，你只要confirm唔飛就得架啦😉 自己漏低嘢仲要質疑人點解其他機場可以，仁川唔得🙄 唔好認自己係香港人啦！KAM撚到👎🏻
我試過香港機場過左安檢 （但未過海關）工作人員安排番我出去～ 🤔🤔
我有一次喺日本福岡返香港，入咗禁區之後發覺過完安檢唔記得攞返部電話，即刻去閘口搵地勤幫手，佢話幫我出去攞返，叫我喺原地等。仲問我電話型號，顏色，特徵，完全無問題喎！拎到返來仲問我啱唔啱添，我都唔洗出去
我係芬蘭試過搞退稅比佢fake 左
問職員 話過左海關先有職員吸印
點知過完 再問職員 話係未過前搞
啲海關比我過出返去再入返境
前後吸左四個印😂
仁川我估應該可以出返去，因為試過轉機有好長時間，網上見人講過話可以出去，就去個desk度問，職員會帶你行一個特別通道（好似都要過一次security，唔記得有冇俾啲特別嘅文件，因為都好幾年前），跟住會去返arrivals嗰層。出完去之後，再返返入去就係正常離境/過security嘅程序。
不過時間上就未必夠，仁川啲時間總係好難預計⋯⋯
試過上到飛機先發現漏咗件褸，打電話去航空公司叫航空公司幫我keep住件褸，之後再send返嚟
香港既話 航空公司就算肯帶你出去拎番啲野
immi都唔放人 最少搞你45分鐘起🙂
返左就嚟兩年機場，可以講immi絕對會問長問短之餘仲會拖你時間，有次個客漏左呼吸機喺counter，我帶個客去到immi，immi就問佢點解可以呼吸機喱啲咁重要嘅嘢都可以漏？最後差唔多9個字先放，我帶個客跑跑跑跑跑，出到去拎撚完仲要再過多次安檢，班機閘口仲要喺北衛星，跑能到我狗咁先啱啱趕得切🤡🙏🏻
平時普通check-in都多呢啲架啦
遲咗一分鐘咋嘛 依家幫我check-in返寄埋行李
一個掣咋嘛😌😌😌
喺禁區外程序都可以好煩
更何況係已經搞咗出境手續嘅？
吾好用其他機場比喇，吾係你單方面吾需要人陪同而係由離境層去落返抵港層係必須有職員陪同。加上叫得禁區就係吾會可以自出自入，下次你唯有小心啲睇清有冇漏野
因為你不是梁振英個女。
https://zh.wikipedia.org/wiki/%E6%A2%81%E6%8C%AF%E8%8B%B1%E5%AE%B6%E5%BA%AD%E6%A9%9F%E5%A0%B4%E6%BF%AB%E6%AC%8A%E9%A2%A8%E6%B3%A2
ICN係咁運作
係一定要有航空公司職員陪同
先可以出返禁區外
見樓主本身都幾理性想問野 但睇完佢覆留言 原來只係想搵人支持佢 海關同機場嘅人都係錯 😥