有冇以前讀Band 3入到大學嘅人分享當時點樣激發你去讀書？
我要說服我嘅細佬…
我打錯, 唔係細佬, 而係表弟
小學嘅時候幫過佢補英數, 覺得佢有潛質, 之後嗰次數學考試就全班第一
但係父母乜都唔識, 阿爸話唔好俾壓力佢, 所以唔想佢去補習😅
可惜我哋住得遠, 我又忙, 只係補左幾個月就停
而家佢中二, 係咁打機, 上堂俾老師話佢上堂掛住同人傾計, 影響佢教書
佢唔識英文；中文唔合格；唔清楚其他科
我哋過時過節先會見, 唔係非常熟
一年前搵到附近補習社, 提議兩母子去, 但係叫唔郁個仔
只係覺得再咁落去會浪費佢嘅資質太可惜啦…
我覺得目標至少係DSE合格
有諗過大學開放日帶佢去睇吓科技野, 因為我覺得佢似對呢方面有興趣嘅人🤔
(Sorry for 1999
我中一入band3頭中學
中一只係考全級70名左右
中二考到35名，綜合科學全級第三，開始刺激到我讀書
中三考到第10名，數學全級第三
中四理科全級第二，數學、物理、生物、附加數全級第一，化學第二。
中五會考理科全級第一高分，轉左去第二間band1讀中六中七，keep住大約top25% - 50% 位置，也順利完成高考入大學中大物理系🙌🏻
因為我係獨生，父母學歷都唔高，佢哋好辛苦搵錢供我讀書，我唔想佢哋俾親戚睇唔起，想出人頭地，唔想連書都讀唔到..
澳門冇banding但禾母校入到中大嘅人都係得禾一個
因為band3 學校由老師去到同學神人都唔少
仲有唔少神奇校規
包括但不限於 學校禁止書包上嘅掛飾、路上禁止帶耳機 一入校就要擺手機入手機櫃、（有時）必須參加特定講座以充人數、錯誤嘅未來想像（其實入到U都可以12k起薪，呢啲嘢我講咪仲清晰）、作文有特定關鍵字即可降至接近合格線分數、週會重複無用內容（不過呢點幾普遍） 然後為左反駁呢啲觀點開始嘗試讀淺嘅社科書、聽bbc podcast學英文(想可以同外邦人講自己嘅觀點）；然後IELTS 7.0左，有小小好勝心所以會溫小小書 然後臨尾收左中大offer
嗰陣嘅動力係1.我想搵一個相對自由嘅環境
2.我需要一個有專業性且我有興嘅專攻（仲有我唔想返一啲要對客嘅工ex.:保險、sales)
3.我想試下自己真實能力喺芸芸眾生入面去到邊 唔想被認為係溫室內嘅無能者
而且入左中大之後個自由氛圍係令我覺得不枉此行嘅（2023入學 現時或有改動）
最後，除非八大都入唔到 如果唔係唔好考慮大陸嘅大學（尤其985以下；暨南華僑、中南華中師etc.）
我當時好簡單: 唔想第時做侍應做一世，要企足一日，所以就盡力溫書。
揾到有興趣嘅科，自然就會去讀。唔鐘意嘅科目，逼都唔會讀得好。
至於點先對知識有興趣，呢樣我覺得一半係天生，睇個人好奇心有幾強；另一半係價值觀，如果家庭從細就灌輸｢讀書冇用，揾錢先有用｣/「讀唔到某d 科就冇用」，咁好大程度小朋友會未學識門知識，就先討厭咗先，然後就冇然後啦。
有時d野急唔黎，皇帝唔急太監急反而會令自己仲辛苦🥴🥴
其實好多band3讀engine 然後勁高分做工程師，根本engine就係睇你智商，你智商低band1都冇用。
上唔到大學→ 冇人收/人工低→冇錢/人工低 → 大部分問題不能解決
(其實冇咁嚴重 如果要說服嘅話講嚴重啲)
呢啲嘢自發性嘅 領悟領到就靠佢自己
叔叔五十歲人 中年失業 搵工果時都被要求晒張三十年前既水泡学位证書 我舊同事得中学畢業 就无我咁好彩 工都无得見
其實我覺得係度睇d人睇死band3讀唔到書嘅comment, 都已經有足夠動力去讀書了
第一 有目標
第二 有不錯天資，興趣，熱成
第三 先係 發奮 專注 同努力
因為 一+二先會真正帶動到三
讀書不是唯一出路
入得band 3, 讀書真係有天資？
有目標 配合自己天資 去努力
天下之大 出路何其多
不如學一門手藝 技能
只要學會用心做，一定可以闖出自己一片天的
本人係以前考AL年代，中六中七係band3學校，但那個年代報中文大學，一定要修讀中國文學，但本人是理科冇讀中文，所以為左報中大，自己用小息食飯時間去自修中國文學，可想象有幾難幾辛苦！最後都考入中文大學！
叫人讀書 你都on9
邊個想捱
直接講有d人做法（當年呀）
話入到大學 走堂 做交流生 溝女 夜晚開party 成日打機
享受大學生活
讀書你都on99
逃避做野咋
叫人上進 你都痴撚線
唔洗點激發，順其自然想讀就讀，唔想成世住公屋自然會入到
我想證明band 3入MBBS係有可能，正正就係想向好似你細佬呢類人證明band 3唔代表啲乜，讀書最後靠自己唔係靠他人。我呢啲band3垃圾都做到，所以你細佬都得
你說服唔到佢㗎啦，你要按照佢嗰套然後用逆向思維呃佢讀書
有機會俾佢出去兼職🙈就可能知道多啲
社會大學的現實
我係中五被老師睇死 所以唔甘心
中七發力考兩支箭番嚟