送得快 瀉鳩哂😹
回左水算係咁 熊貓 無收到 毛都無條
麥當勞個紙袋濕水即穿，凍飲倒汗水都整得穿，唔好話落雨。個外賣仔又唔夠經驗，又唔負責任。
投訴兼報警處理！報埋ICAC! 報埋消委會！告佢違反商品說明條例！總之告到Keeta執笠!
已經申請咗退款啦，亦都退咗俾我，真心好嬲囉，又肚餓
試過汽水蓋冇冚實，上到樓嗱嗱聲放地下，將啲嘢食抽出嚟，再咁拎住兩杯嘢飲，冇咗3分1，就咁拎俾個客，叫佢同keeta講退返汽水錢，如果我唔打開個袋拎出嚟未去到門口已經爛晒跌出嚟，我用手托住上電梯已經濕到我隻手都滴水🙂↔️🙂↔️
我開始明白點解有人食m記情願單點唔要野飲，不過m記都有責任，拎個熱飲紙托，托住杯汽水，佢汽水又高身，車手轉個彎杯野真係會訓低
我都試過，係五杯飲品，全部倒瀉晒，個死狀同你圖片九成似。但係我係同客服溝通，我搵唔到個送遞員。
試過送4杯可樂送上樓，唔夠2分鐘紙袋在底下溶左，要立即同CS講送唔到。
但想講送M記用紙袋係真係有啲唔夠力 有少少裂開咗就隨時躝曬
M記好睇包裝果個架 野飲包唔好 行平路都會倒瀉 尤其慈雲山同竹園 好易瀨野。
紙袋真係唔穩陣😖
送外賣D人好鐘意掛喺門口就閃人🌚