有冇啲咩物件可以代表社工？ interview問題
依家香港社工最貼切嘅，真係得返 condom，成個制度根本就係將社工當成一次性嘅工具。
當社會出現矛盾有民怨要爆發嘅時候，社工就係嗰塊擋喺中間嘅嘢。
體制需要你嘅時候，要你衝去最前幫手維穩幫手降溫幫手執手尾，等後面班高層同埋政府唔使直接面對啲火。
但只要任務一完成，或者個社工開始講專業操守，講公義，講個制度有問題，個制度就會好似用完個 condom 咁，嫌你污糟嫌你阻住晒，隨手就將你揼落垃圾桶。
社工根本係用嚟隔開權力同埋基層，幫體制擋住啲最污糟最赤裸嘅真相。用完即棄，冇人會覺得可惜，因為後面仲有大把新畢業嘅社工排住隊入嚟做下一個 condom。
#認真 咩field都唔講
咁唯有答啲大路野 水
水有唔同嘅形態 靈活度高 擅變
Heat capacity高 高抗壓力
水係川流不息 保持初心 一直將呢份熱誠繼續流傳
Be water, my friend 類似思想，水係不被形式拘束，看似柔弱但當匯聚時可以衝擊力量（對應團結）
除咗condom，我突然諗到一個：白醋
無咩事都唔會搵佢
用途好廣
通常會溝其他嘢一齊用
每家每戶都適合有一樽
通街都有得賣🗿
可唔可以講下你應徵個post 其實係咩field?
好想知因咩要個同事咁有創意😍
Sorry,問心我答唔到。
因為我唔想物化一個人&一份職業
但係呢個係一個好問題😬
手工梘
犧牲自己，洗走污垢（燃燒自己照亮他人）
手工梘每一次用，都會慢慢變細，用自己嘅身軀去幫人洗走身上嘅污糟嘢。
👉 社工好多時都係出心出力，甚至頂住好大嘅壓力同情緒負擔，去幫街坊/服務使用者拆解生活上嘅困難同「負能量」，消耗自己嘅心力，就係為咗令其他人嘅生活變得更乾淨、更美好。
辛苦你哋了🫶🏼🫶🏼🫶🏼
唔係好熟社工，但係升學interview嘅話可以答蠟燭…？鳩吹一波 燃燒自己照亮他人….之類。
呢個難講 依家講緊要助人自助 唔可以話單方面燃燒自己
我嗰陣調返轉係抽一個number
然後抽到邊樣嘢就講下佢同社工嘅特質有咩關係