有冇照顧過中-晚期腦退化狗狗嘅朋友可以分享下點樣令狗狗夜晚瞓覺？呀婆婆16歲，每晚11點至朝早5點唔瞓，會舔、嗚、出手手、喺屋企兜圈，我已冇覺好瞓第5個月喇🫠

我都有睇過，但佢又未到晚期，仲對部分感覺/事有認知，唔肯定佢肯唔肯

我哋無自己行圈問題，但的確有 sundowner syndrome. 夜晚臨訓覺前要消耗佢精神，我哋會夜麻麻出街，落雪/落雨喺大廈lobby 行。到最尾行唔到就推車兜風。可以試吓針灸和中藥粉（搵獸醫開），含有酸杏仁成份有些少幫助。有些狗主話夜晚開藍燈俾佢會訓得好（原理同人類睡前應減少藍燈剛好相反）。有份paper 話老人每日曬兩小時會有幫助。melatonin 我哋以前都試過但無效。

酸棗仁，我自己人都有食 🫡
你地照藍燈，我地照紅燈，因為老狗狗都有風濕 😆

紅燈/近紅外線燈照患處無錯 👍（但唔可以對眼），但我講嘅藍燈喺比眼球接觸然後send signal 比大腦。酸棗仁對你有無效？

所以照燈時都單手抱住佢，單手幫佢摭眼，每日早晚都玩 😅

我自己食山姆呢個 - 半包都已經瞓到勁冧，真心推。
同melatonin 唔同，酸棗仁好到係幫入睡，同埋連睡眠質量都好左。

我以前襯狗狗午睡就放紅燈墊，太多部位要照，仲要等佢翻身再嚟.. 加油啊，希望你狗狗皮膚會好啲！原來有膏就咁食，真係方便！

以前我個隻17歲 每晚2AM-5AM實瞓瞓下起身轉圈圈，我一聽到聲就會起身等佢轉一陣 行下陣 見佢好似開始攰 就會抱起佢 拍佢瞓 慢慢佢就會瞓著 等佢瞓著再慢慢….慢慢…咁放佢係床仔 再拍多佢一陣 咁佢就好好瞓，但要好有耐性，可能因為無安全感，呢段日子我過左差唔多3年，但我感恩有係呢段時間陪住佢 抱住佢 照顧腦退化嘅狗狗唔容易 加油呀

英國既Aktivait 同 日本既腦內革命都有用。
我日日都會煮有機雞同鮮菜俾佢，加椰子🥥油減低發炎。
同日日刷牙、牙齦健康都好緊要，會減慢佢腦發炎既速度。

同埋日頭定要帶佢哂夠太陽，夜晚先有機會瞓得好。

半夜既起身轉轉，要比佢反應細，同佢按摩，佢會易瞓番啲 🙂💪🏻

加油🙏🏻

我屋企隻芝娃都係老人癡呆 同埋白內障睇唔到 之前係廳到兜圈自己撞到眼仔🥺我呀媽淘左個膠圍欄 so far都幾好用 側邊可以圍D咕𠱸 佢兜圈兜到攰會自己瞓覺 得閒可以帶佢去空曠地方曬下太陽 基本上行到咁上下佢哋都攰 兜圈兜到夠就會瞓覺

Aktivait 以前有隻狗用過for初中期腦退化有明顯效用👍🏻（大概食一個月就知道個效果）
上面都有朋友仔講過曬太陽都有效嘅
要吸收維他命D
同埋等佢多啲有日夜嘅分明🐶
好多細節嘅嘢都係日常護理上可以幫到

我隻Sa 婆婆都係16 歲，懷疑都有腦退化，佢一般係2-3am 醒一醒、冇定向周屋行… 本身呢個時間全屋已經瞓曬，所以佢會自己食少少野再瞓。
佢好鍾意曬太陽，醫生話對佢好，所以仲好精神

我狗狗已經唔係到啦，但最後個段時間佢真係會無拉拉晚上係咁行，我會抱住佢一齊訓，聽到我哋呼吸聲佢就會冷靜返，同埋一齊訓，當然唔係次次都work , 都只能夠俾啲耐性

我以前隻西施仔16歲都係咁
我返工佢訓覺，我訓覺佢就開始叫。好似持續咗一年，我一年無訓過好覺。🥲嗰時唔知佢做咩，仲打佢蘿友，諗返起都肉尺。

明白作為主人見到佢地咁樣會好心痛同無助🥹我地診所都有啲腦退化嘅狗狗，見醫生會開啲腦神經藥同啲止痛鎮靜嘅藥希望狗狗夜晚可以訓到一陣。

好多人覺得樓主抱怨，其實係主人見到佢瞓唔到真係會好心痛，我獸醫都有開安神鎮靜藥俾我隻18歲老狗，真係會好瞓啲

可以試下搵獸醫開補腦藥（supplement嚟），我隻狗狗食完係有好轉到，喊少咗同兜少咗圈，清醒時間多返，同埋多啲帶佢出去放電曬太陽都有幫助

狗仔都有腦退化藥 睇醫生 食咗藥之後情緒穩定 一覺瞓到大天光 睇返藥名 我哋而家食緊嘅係（血清素） 可以問吓獸醫

沒有辦法，我狗狗14,15歲都有呢個情況，15歲半就離開了🌈照顧老狗係好攰，但還有機會照顧係幸福的事，主人加油💪

佢日頭瞓唔瞓？如果日頭會瞓，盡量唔好比佢瞓咁多，同佢落吓街，6-11pm一定唔可以瞓，慢慢調教到夜晚11點後先瞓

聽歌瞓唔瞓？我隻仔聽音樂盒搖籃會乖乖瞓覺
可以細細聲一直播住
https://youtube.com/watch?v=ZqMN0g5gi2I&feature=shared

肥小小加油💪🏻💪🏻💪🏻小黑最尾個一年都係咁….你地都好叻🫶🏻你做得好好💪🏻撐住💪🏻

可以先試吓叫獸醫開褪黑色素或安神鎮靜藥，當然唔會一覺瞓天光，但最少你可以瞓好幾個鐘

叫醫生開安眠藥，退黑色激，有用但唔係長時間有用，最好同屋企人輪班湊

有冇去睇醫生？
會有藥同supplement幫到佢舒緩
佢哋轉圈圈有時會kick喺屋企角落位

係好大壓力，冇辦法攬佢多啲錫佢多啲，後期都係要用尿片，幫佢大小便。

想問問如果狗狗失智，佢不斷行圈，要行幾耐，佢會唔會唔識自己去休息？

行幾耐每次都唔定，行到攰就會瞓，但好多時瞓半個鐘就會彈起身

剛網上見到類似個案有留言話可以找獸醫，開情緒穩定藥俾佢。

試下比番佢細個既相比佢回憶番個種美好，可能佢驚一瞓之後…

盡量日間同佢行，行得一個小時個日佢就好攰，改返瞓覺時間

我的小狗17、 如果晚上看見他很restless 我就會給他melatonin.

養狗係咁的了，好好珍惜，你會永遠記住最後呢段日子的

余仁生滴雞精，早晚一湯匙，安神，我以前北京囡work

希望搵到方法解決... 知道佢都唔想，佢唔知道咩事

我就講比 醫生知，醫生會調d藥，食佐瞓得好佐。

辛苦了，狗狗都有腦退化藥食的，可以問吓獸醫

外國的醫生也有開Gabapantin, 對睡眠也有幫助。

仲有2.5個月 17歲😆⋯夜晚間中都會起身行。

比佢上床一齊瞓，佢會安心，唔瞓都唔會嘈

呢個年紀行得走得食得已經好叻。加油

Suggest 去睇順勢療法🙏🏻🙏🏻🙏🏻

無養狗 但係見呢個post 有人討論過

唔好怨啦... 佢愛妳想妳陪..珍惜啊

樓主冇怨吧 只係想穩方法😂

感覺

每日曬太陽可以令狗狗晚上睡穩

用波波池俾佢轉圈圈行個幾鐘

只能陪佢一齊歐洲時間…

睇醫生，可以開gabapentin

撐住呀💪🏻💪🏻

台灣嗰邊都有討論