📌 有冇經常北上嘅人可以
共 59 條紀錄
有冇經常北上嘅人可以同我分享下北上吸引點在哪裡？
過關車費又貴，來回時間又長，深圳餐廳價錢都只係平過香港40%左右，其實計返時間同車錢真係慳返到。
唔係好明點解咁多人鍾意返大陸消費。
我住古洞，由我坐上小巴到過埋關只係15分鐘內，車費來回12元，快過去元朗，我食個火鍋 貴既二百蚊可以飽到嘔，平既二三十蚊一碗粉多選擇又飽到嘔，行過買杯珍奶十元八塊。
我去元朗，或者去上水，最少20分鐘，坐低食個飯六七十蚊，冇得慢慢嘆，或者選擇唔多，服務完全沒有。
香港我配個眼鏡，框連鏡未計全視線變色鏡，一千樓上仲要等一星期以上，大陸兩舊一個鐘攞得。
再講，喺梅景批發街市，買個大過手掌既芒果，10元，買菜可以逐棵買，連半斤都唔洗，香港買半斤俾人嫌你買得少。
買梳蕉都係5蚊有交收，買一隻都得，香港得唔得？
我唔會返大陸消費，寧願留錢同時間去支持本地小店好過，一樣有好嘢食。
睇吓留言幾多人話住大西北上去方便
所以真係唔好怪人覺得住港島高人一等
我唔係話地區歧視係啱，住邊未必有得揀，但去邊係自己揀嘅☺️
可以最快速度短暫離開香港🤣
搭個飛機去台灣前尾點都要四五個鐘
放假真係唔想留喺香港，太壓抑
價錢係其次，有啲野，香港無，比如非常新鮮嘅牛肉，香港都有幾間話潮汕牛肉火鍋，問題啲肉都係唔好食。
除左班老人之外應該冇乜人會為左慳錢返大陸，只係抵玩，實際消費金額會多過香港消費。正常去一次一日都洗一千以上起跳。應該話就算你吾返大陸洗呢筆錢，你都吾會將呢筆錢洗落香港度，吾係返大陸就係去旅行
所以純粹係佢係一個有別於香港既地方
唔係因為特別好
就算香港隔離既唔係中國 係其他國家 香港人一樣會去
如果以單一消費計就可能唔差得太遠，但香港好多人返去一日會消費不同項目，加起上黎就可能相距會大一點
利申: 絕少北上消費，因為除咗錢之外，其他成本都頗高，例如時間，食安等等問題
因為班商家佬同政府不斷出招迫走香港客，例如：限時用餐/個個商場一鳩樣/泊車cut優惠/秒速抄牌/高油價等….
個政府都唔關心香港人既感受，咪按佢地意思送哂d錢返上去囉，攬炒香港你估得個講字？
我先假設係一鳩樣，我都唔想在香港洗咁多錢。因為我想香港玩鳩完要班官/狗一齊受罪，房地產金融物流都玩完。
1.香港真係無乜好玩，地方已去到好悶。
2.同$無乜關係~
3.在香港，我除左自己屋企，無乜地方好去。
4.我50出頭，失業半年，沒有生活焦慮和擔心，除左找下工，做下運動，睇下市，唔上大陸行下~真是悶到揪筋
不嬲人都係鍾意去人哋地方玩㗎啦
新鮮感呀嘛
都唔關錢事
當然價錢唔係好貴，玩得開心就固然happy
唔需要好平
但係起碼使錢唔心痛
甚至同香港差唔多價錢低少少已經OK
香港人去到日本咪又係瘋狂使錢
所以新鮮感先係第一位
玩香港冇嘅嘢
無原因，鍾意香港，唔鍾意大陸，完。
果啲鍾意去大陸嘅有自由，但係香港人唔該唔好回踩返香港。
香港搵錢，但去晒大陸洗錢，咁嘅循環，只會玩死香港。
我諗冇人會咁偉大為左香港經濟而吾上大陸去relax lol...
言之鑿鑿
可惜嘅係個個都咁短視！ 貪的眼前利益，將來杯苦酒自己飲！因為杯酒出自自家製！
琴晚4個人 系旺角打邊爐 埋單2600 吾知食左乜9
返去800 食到嘔
我對上一次番大陸已經係2014年嘅事，之後好多人叫我續回鄉證北上我都拒絕。香港大把地方我都無細心玩過，其實香港仍然好好玩。大陸雖然平，但始終質素參差，對匯率，人仔消費又唔係吸引。如果要平平地外遊，不如我揀東南亞、日韓一帶，質素起碼有保障過大陸。
大西北嘅話
基本上搭車一個鐘內到關口
我樓下搭小巴深圳灣個邊 唔兜大圈
滿客即飛站最快15分鐘到
車錢同時間 加加埋埋
分分鐘仲快過出油尖旺之類嘅其他地方
而且車費加埋都40幾蚊
梗係唔會食餐飯就走
一定會吃喝玩樂完先再即日來回
加上 有係大陸二手平台鹹魚放嘢
順便拎上去寄快遞 又快又平靚正
大陸3大人食RMB350 幾好食環境靚。
香港2公婆食HKD1000 倒錢落海揾苯柒唔飽唔好食成日都中伏覺得辛苦揾錢浪費哂。
我係新界北攝影師。唔好講其他嘢，我上去買個相機支鏡頭或者無人機，快過我出去星際。不過當然最後都要睇價錢。因為唔係樣樣嘢上邊平過香港或者香港平過上邊。
你講嘅嘢我同意不過深圳好多特色餐廳香港唔好食或者直頭無 潮汕牛 脆鯇火鍋 新彊菜 銅鍋唰羊肉 順德菜 黃油年糕 而家連西餐佢哋都整得好好
特色商場好好行慢慢逛下又一日 地方大同舒服 我最介意嘅廁所而家都整得好乾淨 就算東門呢d 殘舊地方而家都整靚咗好多miniso 整咗一幢新嘢專賣公仔玩具化妝品好平又好行
多謝佢哋出晒去，特別享受長假期香港嘅寧靜。

我每星期返大陸過weekend 1日1夜都洗千幾蚊
唔係純粹因為單價平。係性價比同新鮮感仲有香港搵唔到嘅服務
其實我都係唔明為何咁多人北上。
第一次北上，玩一日，西餐，按摩。。用左千幾。覺得好貴，又遠。
第二次去係配眼鏡。的確係好嘅，但都要三千落樓。香港配應該要成六千。第三次去只係過關拿眼鏡。
之後沒有再上啦。
個人覺得，沒有必要成日上去。
以前住高鐵站旁邊，每次由屋企去福田30分鐘，就算消費同香港差唔多甚至有時多過香港，但起碼質素對得住價錢，帶酒又唔使開瓶費，坐幾耐都得，服務又超好，我有得選擇都唔會想留喺香港消費，喺香港我只會食茶記米綫，或者貴價餐廳
香港好食既餐廳差唔多執哂，一係就貴到媽媽聲，有時完全諗唔到食咩餐廳好。
反而北上都話有d諗頭想食咩。
其實平就真心唔係，但花同係香港一樣既價錢，服務環境味道都要比香港好，選擇仲多好多，而且大西北人士去到關口只需要15分鐘，真係快過我出尖沙咀
比較返1990時代
深圳旺區有乞兒、馬路有電單車（大陸叫摩托車）搶手提電話、搶手袋，治安好差
士多果啲收費電話又會騙人
食店會海鮮價坑人
社會網絡化後的中國，犯法的組織及居民會社會性死亡，犯法利益成本太高
迫住做生意公開透明左
電子零售平台顯示哂成個價錢及項目內容
岩唔岩價錢可以選擇嘛
一餐飯可以幾百又得，幾十又得
而家任何野都可以電子平台去做
真的可以全日不講一句普通話也可以
當地人都習慣了
留在珠三角打工的民工主要是搵錢
佢哋搵錢都係follow the money，少左工廠職位，集中在服務業，服從心態好高，腳踏實地工作。
以前中港牌門檻好高
而家「港車北上計劃」，低成本可以自駕遊。
海外租車+保險，租架細車都幾百蚊一日
而家過橋來回才300蚊
珠海、中山泊車好平，換來有空間感
星期六、日
泊megabox仲要排長龍等上泊到14樓…
仲要買嘢消費得個少少泊車優惠
琴日睇到九龍城有間茶樓仲誇張。唔知飲茶定食飯？用膳時間：四個人一小時，五至七人一小時十五分同八人一小時三十分！真係黐線到爆！
有次係荃灣一間cafe食，佢菜都未上齊叫我埋單都算，仲差個小食未到，趕我交枱，跟住同佢講你仲差我個小食未上，又比左錢埋單，竟然夠膽死話幫我打包叫我拎返去食😑
上去玩過playhouse 就知咩分別啦！當同一個價錢$300蚊喇，北上可以玩全日，香港只係玩2個幾鐘咋喎！仲要北上嘅playhouse 幾層，香港得個一層都唔知有冇。俾著父母肯定揀大陸playhouse 啦！
大陸 Playroom 可以玩全日真係正，香港玩得兩個鍾，玩完又要煩諗去邊
北上小朋友可以入機鋪打機 香港要16歲 唔知係痴咗邊條筯
唔係北上特別吸引，係香港哩幾年差咗好多，自己都呃唔到自己留港消費
1.食飯唔似香港限時限刻要交枱，你可以坐響度慢慢食，成班朋友一齊吹水
2.餐廳選擇多，無論連鎖嘅或者細舖你都好多選擇可以揀
3.揸車上去嘅話泊車方便，停車場夠大，有啲地方擺街都冇人理唔會有人抄牌
我住加拿大，40年前离开香港。 现在旅游住屯门。
论距离其实有点远。 屯门坐车去深圳湾口岸20-30分钟，之后要过关，最惨过关后要坐地铁去想去地方。 有些人说15分钟去到关口，之后呢要坐车去目的地。其实不近。我在屯门坐地铁30分钟到美孚，50 分钟去旺角。一定快过去深圳。
深圳平。 因为我拿加拿大工资或者香港人拿香港工资。 对深圳入来说一点也不平。 购物我不动心。吃和香港差不多，价格低， 最大差别是餐厅坐得舒服。我不做按摩所以没评论。
去过两次后再没有动力去深圳，觉得浪费时间。
我北上係買空間，香港啲商場，街路窄人多，完全抖唔到氣。深圳好多日本牌子香港係無，例如Moussy, karada.....太多不能盡錄