有冇香港人可以同我講下<正義女神>嘅評價
案件真係好離譜好誇張咩

我覺得幾好睇，可能因為呢幾年都冇乜劇係吸引到我（本人意見only)，但如果你係好熟悉法律/好執着現實有冇機會發生嘅話我就唔太建議睇。。。例如法官查案+審犯。。。撇除呢啲我覺得如果你係想搵套戲追下嘅話，大約當佢係睇下依家啲細路幾咁恐怖😱呢套幾適合🤣

其實幾好睇呀！Focus喺青少年犯罪身上，好似比較少法律戲講青少年犯罪，同埋仲有親情個part🥹反而愛情比較少，依家Tvb啲劇情好鍾意搞勁多愛情part，呢套少，案件我覺得唔離譜。

啲案件好多係參考真實案件而改編，真實發生既仲誇張。但係因為劇情主要係講少年法庭，有啲案件真實發生既係謀殺，套劇就改成傷人或者受害人只係危殆，咁就可以喺少年法庭審理。如果係謀殺就要高等法院審理，就唔係呢套劇想講既嘢。套劇想探討青少年犯案動機，背後可以有好多家長同老師未必理解既原因，甚至啲大人都有責任。所以唔係全部少年犯都邪惡，有啲係可以俾機會判輕啲既刑罰。套劇整體唔錯，故事流暢有追看性😌

好喎 多謝你嘅推薦 我會搵時間去睇嘅！

有人話係抄足netflix 套＜少年法庭＞

案情唔離譜 但戲中法官多事得誇張
再擺返現實唔好話法官，家庭/查案部門到律政司每個細心多少少會好D

唔介意細節嘅話
其實係可以接受嘅Tvb劇集
又唔算好離譜嘅
幾單殺人
幾單欺凌
算係咁啦 

好喎 我會搵時間去睇吓 多謝你

有幾離譜 現實宏福苑單CASE 咪仲曲折離奇+離譜

佘詩曼嗰個角色其實真有其人，你上網搜尋謝沈智慧

原來係佢 唔怪得有集傳律政司個刻我好有印象係香港有發生過

現實都可以好誇張

睇咗少少無再睇
法官咁忙點會仲幫手查案
高院法官自己降返落去都好唔合理 (人工福利差好遠)

D對白成日上文不接下理 就令我睇得好分心 🙄
同埋一定超脫離現實架喇
真實邊道有咁快排到期上庭
平均起碼都拖一兩年先出到判決 😳