有冇香港人有學唱歌😳
係有興趣 但唔知學完有冇用😂
都見學費幾貴
如果學完都係睇天份咁可能唔學都冇所謂
為咗唱歌比賽上過四堂唱歌
兩個星期後要去比賽
老師將所有嘢喺6個鐘講晒+我明+我做到
教我點樣belt+點樣練氣
就算我只係學咗一首歌
啲technique我其他歌都用到
比賽入咗finals
本人認為搵啱老師係真心有用😙😙
加油啊！！
You never try, you never know!
好depends你講嘅天份係指乜嘢水平嘅天份。如果本身屬於音痴級別的，的確不要指望有老師可以幾堂就幫你脫離音痴行列，始終再好的老師都唔係神。但如果你本身唱卡拉OK都聽得入耳，想唱得好一啲，去學一下都可以。同埋實際要考慮嘅就係，學嘅話其實係要練，即係你係屋企或者有冇其他地方容許你做發聲練習（冇可能唔嘈到人） - 呢個可能係最實際要考慮嘅嘢…
你講得最尾果句，咁唔建議你晒錢了
老師只能做引導，如果你冇心學冇心練比幾多錢都係浪費，唔係話冇心呢件事係錯，心係判斷自己需唔需要擺資源落一件事上面既東西，你係可以冇既，搞清楚就ok，只係我覺得你講得呢句，遲早都係放棄，因為認真想學既人唔會冇所謂
天唔天份，你睇d美聲家，歌唱家就知，佢地既聲音一定唔係天生，但佢地靠練聲，一點點雕琢成美麗既聲音
咁極致都可以雕琢，咁點會雕琢唔到流行音樂既聲音？但練聲並冇想像中有趣，甚至係好苦悶
你對自己聲音既好奇夠唔夠支撐你去練習，去開發自己呢
Confrim左自己，先慢慢搵老師都未遲
咁學樣樣野都睇天份架啦😂
都係睇人睇老師睇錢睇自己有幾鍾意
係想進步就都要學架啦, 無論咩方法, 呢個世界無咁多天才
😂 搵老師=你要認同佢唱歌好聽+你想唱到好似佢咁+認同佢嘅music sense
三分天注定 七分靠打拼 😬
我一直都有唱pop好多年，細個時有參加創作比賽果D，同埋幫新歌錄demo，真係天才波咁去唱，係有不足但錄demo冇問題。事隔多年仔都生咗3個，前年年底為興趣搵老師學，不過我係去學Bel canto(美聲，即classical)。原因係我想知多D technical。學咗未夠一年就去考ABRSM grade 5(不能考更高因為我未考樂理），差3分就distinction (都係因為樂理果D section不是強項）。我覺得天份是要有D，我自己天生係唔走音（除非太高太低果D不在音域內），但學咗會改善用氣同發聲。不過我不是為去表演或比賽，純興趣同自我增值，現在亦已冇再唱demo冇錄音。如果你話學咗有冇用？我冇用嚟搵食咁算唔算冇用？不過我覺得好有滿足感。
搵啱導師就會有用，始終導師嘅洞察力、表達及教學方法，以及同學理解能力都有唔同，如果大家夾到，同學又會持之以恆每日花少少時間練習，短時間其實已經會有明顯嘅改善。🤘🏻 加油～
有無用既意思係「跟老師學唔學到野」定「學唱歌有咩用？」🤔
@solobox.singing 如果鍾意唱學下囉