📌 有啲所謂嘅朋友其實都
共 48 條紀錄
有啲所謂嘅朋友其實都唔係咁friend啫
建議大家都可以試吓
生日當日唔po story唔repo人哋啲生日story，睇吓仲有幾多人記得你生日。
自問自己都幾重視朋友生日，好多人即使一年見得一兩次，我都會send生日祝福，亦會mark低人哋嘅生日。
其實真係會覺得無奈，畢竟自己真係會記低好多人生日嘅人，但自己生日真係得幾個人記得。
甚至有啲你以為幾熟嘅人都可以唔記得你生日。
可能有人會覺得多餘，生日好小事，唔應該咁著緊。但係我覺得都係一份心意啫，打句生日快樂/見到面講一句生日快樂，我諗唔算難掛？
最後最後，記得好好珍惜記得你生日嘅朋友！🥹
其實我記唔到人哋生日 除非係好特別嘅日子
屋企人全部都係節日生日
同埋我對日子冇乜概念 即使我記得你嘅生日
我都唔會記得當日係嗰一日
不過對在意嘅朋友
我會make喺schedule book度提自己
然後會提前整好story tag對方
12點搭正po 然後私底下再講生日祝福 
通常已經約定咗出嚟慶祝
正常情況就呢三樣嘅（食飯 蛋糕 禮物）

唔一定要定要正日 夾到邊日咪邊有慶祝囉
出唔到嚟咪FaceTime 最緊要有心
其實都係借生日嘅理由 大家約出嚟傾吓偈見吓面
有啲人都會覺得做咁撚多做乜柒
一句生日快樂咪得囉 
放心啦 一年都係幾次啫 我得咪得囉
呢個只係純粹因為我在意對方 同埋咁做
我都會好開心 雙向嘅 唔係一味付出架
係想為佢準備嘅儀式感 
我唔會要求對方都咁做 
每個人對朋友嘅方式都唔同
我feel到佢真係care我就得
好幸運 身邊啲朋友都好好🫶🏻

通常見到我po story先知我生日嗰啲
都係唔係好friend 不過都多謝佢哋祝福
其實我都唔會預期佢哋同我講
勁巧合我生日推咗你呢個post俾我,真係想講唔好用一句生日快樂去界定朋友對你有冇心, 你要諗返平時佢哋會唔會做好多嘢對你好好, 因為香港人大部分都好忙, 有自己生活,真係唔會下下記住,有時可能忙緊其他嘢,去緊旅行或者真係唔記得咗同埋有啲人唔care生日,今日都有朋友msg我係講其他野, 但平時佢地對我好好會請我去Event睇首映,去旅行有啱我嘅嘢會買俾我,所以佢地完全冇咗件事我真係唔介意~
記得你生日嘅人當然要珍惜,但唔記得嘅都唔好否定佢哋,做人輕鬆啲朋友自然多啲(我啲朋友全部keep到十幾廿年) 你太在意呢件事自己又會唔開心,人哋知道又會有壓力…最後補祝你生日快樂啦🎈
我以前都睇得朋友好重，諗法仲可能係讀書果時咁純粹，覺得大家都會記得大家生日，有咩都會講，一齊分享。
但當個個都結咗婚之後，全部都變晒，一係消失咁，完全冇聲，搵到咪應2句。
成班friend以前一齊玩，一齊慶祝生日，依家成盤散沙咁，就冇再慶祝，仲要都唔會記得你生日。
果個落差變化，我都用咗好幾年去慢慢接受同適應。
現在都搞笑架，成日見果d就唔會記得你生日，唔多見果d就會記得。
而自己就記得晒所有人生日。
不過呢d冇分對錯嘅，
佢唔記得講，唔代表對自己差啦。
所以調節緊自己囉，睇淡d，
同珍惜仲會喺自己生日講生日快樂嘅朋友，
因為佢地可以選擇唔講 😶
比我吓，我就會咁睇
要視乎嗰個朋友本身係屬於一個乜嘢嘅性質同friend一個咩程度先。
如果你話交情好一般嘅，佢唔記得都不出為奇，唔需要介懷。
如果你話好熟嘅，咁就要睇吓深入啲本身呢個人係點。例如佢本身真係好冇記性or好忙吖，佢真係唔去記or記唔到朋友嘅生日吖….又可能佢唔止係你，甚至乎比你同佢梗Friend嘅朋友佢都唔會記得個生日or send祝福。
但唔係嘅，你發覺佢真係唔重視你嘅，你都可以唔使重視佢啫，唔使搞到自己唔開心，就係咁簡單。
曾幾何時我都好似你咁諗
一份心意 雖然冇做到咁足 記得嘅我都會講
FB提我嘅 連好耐冇見嘅朋友都會祝佢生日快樂
然後有一年我真係學你講咁
試吓唔出po唔提生日
結果除咗兩三個老BEST 鬼影都冇隻
我有個興趣谷 日日吹水兼成日出嚟玩嘅 嗰度都係
結果我崩潰 一怒之下炸左個谷
將嗰度啲relationship 斷哂咁滯
從此之後我理解到呢啲所謂嘅一份心意
係啲唔care你嘅人眼中根本係Nothing
其實就係自己一廂情願
如果你有個朋友永遠唔會記得你生日，但你有咩事佢會第一時間嚟幫你關心你；另外有個朋友永遠記住你生日，每年都會同你講生日快樂甚至搵你食飯慶祝，不過你有事起嚟會不聞不問！咁你覺得邊個先係你真正嘅朋友？
真正嘅朋友係唔需要去測試嘅，錦上添花固然係好，不過雪中送碳先係最重要😌
做朋友同拍拖一樣，唔好嘗試用呢樣嗰樣喺考驗佢嘅存在
因為最後只會兩個都傷心失望
冇錯
去考驗人嗰個，會期望落差而難過
被考驗嗰個，發現不被信任而失望
對於生日被記得而得到祝福呢回事，珍惜感恩仲有呢啲朋友就夠
但朋友唔記得你生日，又唔需要認定人哋冇當你係朋友
真正嘅朋友係唔會為咗呢啲芝麻綠豆嘅事耿耿於懷！你重視朋友生日、send生日祝福係因為你拎個心出嚟對待佢哋，因為佢地忘記你生日or唔send生日祝福而你就介懷……咁即係話你唔係用心對待朋友，你只係要求回報！我相信你啲朋友睇見呢個post都會逐漸遠離你！
又唔可以咁講，呢個係基本期望
正如你去餐廳食嘢你都會基本期望啲食物係好食既道理一樣
入餐廳食嘢係你俾錢人哋提供service & product俾你，呢啲係一買一賣嘅等價交易，朋友係無價之寶，唔係用錢買到嘅！你用買賣嘅心態對待朋友遲早同樓主一樣遭遇………..
最近就同朋友無聲無息地絕交就是由我生日當日完全一句生日快樂都冇開始。
而呢個朋友以前係會同我慶祝生日嘅，我亦都有同佢慶祝生日。有啲人唔係唔記得係特登唔記得咁你就明晒佢係咩意思。
真 好sad 所以我今年特登過咗生日之後先po 最後得一個人喺0000同我講生日快樂🥹其實係好感動 不過亦都睇清楚好多所謂朋友 原來我記低晒佢哋嘅生日 根本就冇人在乎我嘅生日
好耐以前我del左fb個出生日期睇下有咩人會同我講生日快樂，係有，但圍數唔多，到而家都仲有一位朋友年年都會同我講生日快樂👍🏽
不過你慢慢就唔會在意有冇人同你講。
幾年前已經set咗唔喺fb等social media 顯示生日。真係你朋友嘅話唔洗提示都會記得你生日。講生快都係一個儀式感啫，再大啲直情連自己生日都唔想慶祝，放下執著
以前細個嗰陣會介意呢啲嘢，覺得講句生日快樂係一來一往，都幾重要，依家大個咗唔會放上心，只要我生日過得開心快樂，咁就唔需要人哋嘅祝福😹
明白你嘅感受，但係唔好太介懷，有幾多人記得你嘅生日，你越諗只會越唔開心，有時我直頭上Facebook都抹咗自己個生日日期，有得佢哋唔知就算
有時為咗想知對方係咪真心朋友會心累，大家只要係活在當下個陣相處舒服就係朋友，天下無不散之涎席，仲有有無真心朋友同個人價值無關係
生日就係最容易睇得出一個人同你friend唔friend，依家嘅我都唔會刻意send，有時記到，但知道對方從來冇send過俾我，所以我都唔會send返俾佢
有時記得都唔會講，因為俾人話太kam。好多時會記得唔熟嘅人生日只係咁啱有好fd嘅朋友係同一日順便記，記性太好/祝福人都變咗係壞事。
真係有心送祝福唔會kam 嘅！🫶🏻
話你kam嗰啲就真係唔識珍惜😿
睇開啲就得架啦
就算你請人食飯 人哋都唔會記得
更何況唔好講話生日請唔請你食飯呢啲
失望過又點 人哋都唔記得 唔知
所以算啦。。
老母都可以遲左一日先同我講生日快樂，更何況朋友？😂
好多時朋友記得你生日係因為social media彈reminder.
Don't think too much 😂
唔好諗咁多，有就有，無就無，自己做左就算，人哋無做係人哋嘅事。好多野你控制唔到，時間會講比你聽。
對於我來講朋友係一個Bonus 佢記得我會開心 唔記得都可以自己一個慶祝 畢竟生活太忙 大家都有太多事要處理
其實我記日期好差，就算同個朋友好熟成日傾計都會唔記得生日日期但我係好關心佢哋嘅
真心 所以冇同我講嘅人我都唔會同佢講🥹😂😂 費時搞到自己心理唔平衡 咁大落差
試過有個6個人既圈子
永遠只係會幫另外5個人慶生 但永遠忘記我
真心頂唔順quit左
要試嘅就唔係咩朋友😂 利申有識左差唔多十年但都互相唔知大家生日嘅close friend
對果啲會記得/平日對自己好嘅人 對返佢好就ok
有時
有啲人唔記得未必對你差
有啲友誼係用一年一次慶祝生日嚟維繫，其餘日子可以唔溝通，咁樣仲悲哀
女就大把人記得，仔就只得老母記得😅，所以錫老母大人多D😂
佢唔記得你生日唔約你食飯
你咪做返相同既野平衡心理囉🤭
冇咩人記得我生日😢
我自己就會記低啲比較熟既人既生日
好真實
有時想知對方係咪真心當你朋友可以用呢個test
已經到左唔太care生日既年齡，不過仲有好多fd 記得
明，但有啲人好鍾意人哋生日叫我夾錢買蛋糕🫣但係我生日就出到嚟都唔記得
咁就好衰。我唔記人地生日，就同樣唔會想人記得我生日
true,記得我生日嗰啲我成日都會搵機會請佢地食飯
@coolcoollee1002 real fd?💁🏻♂️