📌 有少少焦慮添我由細
共 46 條紀錄
有少少焦慮添
我由細到大都係想早啲結婚早啲生BB
幻想22歲結婚25歲生BB
我覺得結婚起碼要拍6-7年拖
但係我今年19歲
一次拖都冇拍過。。
好焦慮好焦慮好焦慮
唔好expect人哋愛你，學識自愛先係一個人（特別係女人）重要嘅人生課題之一！
要焦慮嘅就焦慮下傳統點樣剝削你嘅選擇權仲好！
我19歲嘅時候已經係諗緊點樣唔比資本父權主義去操控我嘅人生😅
少啲幻想，多啲觀察，見識一下呢個世界，就會發覺你而家嘅眼界有幾咁狹窄，你要認清楚現實，現實就係柴米油鹽糖，而男人結婚係為咗有免費性奴、免費工人、免費生育工具，唔好咁天真活起你嗰啲粉紅泡泡嘅童話世界，以為結婚就係個男人愛你一世養你一世，男人唔出軌你都偷笑，自己去望下個離婚率有幾高你就知！
婚姻唔係浪漫，根本從來都係父權社會為咗鞏固階級+控制女性子宮製造更多奴隸服侍權貴嘅產物，如果你聽完仲未醒嘅話，睇埋以下！
聯合國公佈女性謀殺率最高嘅地方係喺屋企，家暴/謀殺佢嘅人就係身邊嘅丈夫/伴侶，婚姻唔單止係犧牲自己嘅所有，或多或少仲係女人係到賭命！
期待你早少少開竅，睇嘢全面啲唔好咁表面！
好好培養下自己嘅獨立思維+自我保護意識，女人有腦、有經濟能力、有見識、自己活得開心健康先係最緊要，希望你唔係成世都只係一隻會製造更多井底之蛙嘅井底之蛙！😌
細個係會以為所有嘢都好容易
幾多歲做乜幾多歲又做乜
但人大咗就知計劃趕不上變化
而且好多變化都係被動嘅
人夾人係最難
拍拖時未必見得清楚嘅嘢結婚後就有機會出現
所以一開始做自己就最好，扮唔到一世㗎~互相接受到不足，識互補就最好，最怕一開始大家扮哂嘢但真面目出現就互數不是
生完小朋友又係另一個層面嘅嘢
唔好太理想化
見多啲世面，做好自己先💪🏻
順其自然地出現嘅嘢會好微妙
你唔需要咁焦慮。拍拖、結婚同生小朋友呢三樣嘢唔係你一個人可以控制到，而係要揾到你鐘意同價值觀合適嘅人先可以做到。同埋19歲呢個年齡仲係好後生，我會鼓勵你如果揾到鐘意嘅人就去試吓，因為喺拍拖嘅過程先知道自己嘅偏好或同伴侶嘅相處模式，所以呢個真係唔可以急，反而我怕你為咗自己嘅目標而所托非人。但我同時希望你知道愛情只係錦上添花，而唔係人生嘅所有目標。
明白妹妹仔好單純
直線思考拍拖就會結婚
結婚就會生仔
但其實世界唔係咁運作
有好多可能性
拖可以唔拍都開心
拍拖唔代表一定會結婚
唔結婚亦可以生仔
呢個時代，裝備自己成為一個更好嘅人
適當嘅時候，就會遇到你講嗰嘅事
亦可能遇唔到，不過唔代表你失敗whatever
提提你，咁焦慮要有拖拍
好容易吸渣
到時有黑歷史仲唔開心
我細個時都有呢個幻想，但之後求其趕住出pool，點知激L死自己，而且仲好後悔當時既自己。 我會覺得情願先努力增廣見識同學識，尤其要學識愛自己，之後先再諗每個step。
萬一你咁快去到結婚，甚至生埋仔，之後先再發現行錯曬就仲煩。尤其係自己冇獨立一位經濟能力去支持自己時，你會發現你呢個想法好傻。
想當年我同你一樣諗法，希望你唔好好似我咁蠢，唔係係人都適合結婚。結婚之後係要大家互相去經營先得，單方面會好辛苦好辛苦好辛苦！記住搵另一半嘅時候，要睇吓佢識唔識關心你、照顧你，唔係把口喺度講！而你都要面對婚姻帶來嘅改變係啲乜嘢，自己會唔會承受得到。希望你會幸福😊
諗得太理想啦 仲要宜家普遍都遲婚 唔好淨係睇自己 社會大環境都係因素 其實你未必想像中咁「有得揀」
明白女性容易喺結婚生仔嘅抉擇上有「30歲大關」嘅壓力 大是大非前 先處理心情 再處理事情 figure out焦慮源頭 可能你會handle得好啲 咁先係成熟嘅女仔👍🏻加油 girl~
22歲結婚=大學一grad就結婚，你同對方仲未面對過花花世界，都未定性，價值觀有機會巨變，建議唔好。。。同埋唔係拍得耐結婚就work，係你要知自己係點、想要啲咩嘅人同生活。有時太認真，太想拍拖結婚會出唔到pool，緣份通常係你出奇不意先會出現❤️
我23歲同女朋友16歲一齊到而家，以前都好似你咁諗，grad左一兩年22-24就結婚，25-27生小朋友，不過而家我哋兩個岩岩開始做野，雖然暫時都on track不過忙左好多又要儲錢買樓真係比想像中難好多，講真啲嗰句呢幾年大家都係生存mode慢慢黎啦
唔使對愛情有太大幻想 最後都只係柴米油鹽
個男人話「我養你」一撚定係大話嚟
女仔最緊要自己搵到錢 唔係要幾百萬上落先叫搵到錢 簡簡單單養到自己就得
唔好同個社會脫節 睇多啲時事 了解個世界發生咩事
男人郁手冇論咩原因都好 一定係錯嘅
其實你覺得咁樣唔係問題，遇到互相鐘意既人，直接講係以結婚做前提交往，對方都願意就可以試下，之後既野相處時唔識你再問。拖都未開始拍，就放低之後結婚生仔既timeline 野先🙂↔️
🤘🏻重點：咁有無遇到鐘意既人呀😎
你這個年齡是特別想, 我想是hormones 令到你想, 大些小, 成熟些又會唔同想法. 我覺得真係可以拍幾次拖先決定都未遲, 不一定要好快. 在這個年紀,可以做多些不同的工作, 去出去創一下, 反而多些經歷, 對你人生更加旺盛. from 過來人.
明白+尊重你嘅理想 但人大咗就要開始考慮埋現實層面 結婚生仔全部都係要用好多錢嘅項目 當你計計埋埋條數就會明白 點解大部分人都係三十幾歲先至結婚
阿妹 唔好畀咁大壓力自己 呢啲嘢順其自然
做好自己就夠 一切自有安排
拍拖結婚生仔,完全係3件不同既事
首先一定要搵岩人，同埋兩個人一定要齊心有經濟能力。
婚姻同小朋友先會睇清你既另一半，會好似開盲盒咁。
唔洗特別焦慮呢啲事，19歲大把世界。緣份到自然會進入人生嘅另一屆階段！
唔好癲，女人嘅人生唔係只係結婚生仔
仲要結左婚生左仔先係最大嘅挑戰
22歲啱啱先畢業結乜嘢婚，連養自己都未有能力，諗住靠男人？呢個世界有幾多個男人靠得住？要有基本能力都起碼要大你十年，比心機讀書啦妹！
19歲才剛成為成人，但不會突然成為成人，我建議你多學習Narcissistic abuse 等，學習Red Flag。雖然老土，但不幸遇上黑暗人格，你以為簡單離開就可以？你必須付出昂貴的代價，這種人會用你的前途或生命懲罰你的離開。
唔好諗住靠個男人，諗住咁就可以建立自己嘅屋企，就會幸福快樂，如果你係咁，只會重複遇渣男，同重複不幸，先學習愛自己，有自信，讀好書，經濟獨立，學識係自己嘅，見識多d，擴大自在社交圈先.
細個好天真覺得
25要搵到人生嘅職業
26-27結婚
享受下二人世界再係30前生BB
但事實就係依家27單身中
叫唔叫焦慮？
總好過同個唔岩嘅人一齊哂時間
順期自然就好了
襯後生體驗多啲同玩下先啦
結婚生仔並唔係你想像咁美好，好多血淚忽略咗
我以前同你諗既行程一樣，亦都做到，生活物資上係無問題，但一定係多個人多樣煩惱
如果可以返轉頭我唔會再揀呢條路，不婚不生一世快樂
仲咩要急住拍拖？結婚？
等25歲哥哥教你
我都未拍過拖
係你歲數時係渴望愛情
今年我覺得專心搵錢會開心過愛情
見過少聯絡嘅舊朋友出post，佢哋段愛情最後都分手
所以覺得錢比愛情重要
我細個都幻想自己25歲訂婚 26歲結婚 28歲生仔🙈
不過出咗黎社會做嘢發覺結婚生仔係一件幾dum本嘅事😅
依家26歲 拍咗7年拖 兩個其實都只係初級大人
最近養咗隻貓貓 都已經係一大步luuu~
有時幻想好美好㗎，我媽媽係25歲陀我，26歲生我，我地關係就幾好嘅，不過佢成日覺得自己嫁錯人，同老公相處得唔好，成日鬧交。
所以記得唔好為咗生bb而搵個唔啱嘅人！
有少少焦慮添
我由細到大都係想早啲發達早啲退休
幻想聽日中六合彩後日退休
我覺得退休起碼要做30-40年嘢
但係我今年30歲
一次六合彩都冇中過。。
好焦慮好焦慮好焦慮
先develop yourself
後have baby
我當你屋企好有錢 可以好早生
但你個人都未熟 無人生經驗
養小朋友唔係好似以前咁 比飽飯就得
個人視野 智慧(not IQ) 係好影響你教育嘅方向
我都差唔多！🥺依家都係19歲幻想左好耐23 24 歲左右結婚然後25-26歲左右生BB
可惜應該都唔得，就算我依家有男朋友我都覺得好難走落去，感覺相處方式唔太掂😿😿
除咗拍拖結婚，個世界好大，緣份嚟到之前不妨先增值自己，我相信自身優秀先吸引到優秀嘅人，或者到時就會發現愛情不過係錦上添花，無都無傷大雅
身邊96年嘅個仔7歲，已經開始離婚。
唔建議，到你25歲先再諗。
5個生唔小朋友，4個女嘅都話後悔。
唔生小朋友唔好結！
拍咗幾年拍先結 一樣離婚
我覺得有目標完全冇問題
但呢d 都係要講機遇先達成到嘅target, 你一個人點努力都冇用，所以唔好過份焦慮啦 🫶🏻
有冇特別原因19歲未拍過拖？
你係咪原生家庭一般所以好細個就想建立自己嘅家庭？或者家庭太幸福以為個個男人都係你老豆？
你缺嘅唔係愛，係錢、資源、見識同權力。
我以前細個都有你哩個諗法，但事實係人生所遇嘅人同事，唔到你掌握到，總之行到邊就做到邊，緣份嘅野亦唔到自己話事，順其自然啦！
你有目標地去婚介所，識到既人都係結婚為前題。啱既咪拍下拖。
識人工作好叻但好忙難識到未婚男，到佢三十係咁做，結婚生埋仔
每個人都有自己獨一無二既人生，唔駛理人地係點點點，而覺得自己應該要點點點，比太大壓力自己容易適得其反
緣份既野順其自然
計劃趕不上變化，更何況你個計劃要兩個先完成到，邊有咁理想？不要比時間年齡困死自己，唔係你想就會得，只係你想唔係理想。
你由細到大到底經歷咗啲咩、被灌輸咗啲咩觀念，咁後生就咁睇唔開將人生睇成只有結婚、生仔，驚「做唔成」就焦慮......
結婚生仔唔係因為你到左幾多歲所以想 而係遇到果個係認為岩既人所以想 就算你有拍緊拖都唔應該迫人去滿足你依個幻想
哈哈，到你30 40歲再出帖講。我以前都係咁諗。但係你做嘢做得多你就會明其實呢個世界就係專登搞鳩你。Nothing makes sense.
我記得之前睇過一個研究話25歲前結婚嘅離婚率有50%。準確度有幾多我唔知，不過我身邊早婚嘅人離婚率的確比較高。
同錯既人結仲要生埋
個後果不堪設想
唔好為拍而拍 為結而結 為生而生呀
唔好焦慮
好多人單身終老
最緊要自己開心
唔使擔心，每個人生活嘅步伐都唔一樣，跟返自己節奏進行就ok~
btw小編就快3張都係A0😂😂 希望你睇到冇焦慮🤣🤣
拍多幾次拖你就唔會有呢啲焦慮，拍拖就係拍拖，唔好為結婚而求其搵個人拍拖，唔好為生仔而求其搵個人結婚。
你有經濟獨立能力，即係自己養得起自己先諗結婚，自己養得起細路先諗養細路
係講你自己，唔是靠人地俾錢
仲咁細個為咩要咁急？
諗咁多無用，緣份既野計唔到
亦都無得plan
要黎就黎….
咁心急好容易搵錯人
定啲黎
純粹生仔其實唔需要有伴侶，只要你肯負責任養得起個細路，同埋俾到愛個細路，有無另一半其實無咩所謂