有感而發。。。前兩日同個舊同事食飯，佢好想裸辭，而嚮我心目中佢一向都好優秀。。。
我哋嘅結論係：
當間公司習慣緊「懲罰做嘢嘅人」：
只要你交到功課、唔會爛尾，所有豬骨頭、最難啃嘅嘢都會塞畀你。其他人做唔到？唔緊要，反正有你執屎。
令認真嘅人心寒，令混日子嘅人心安，做嘢嘅人一個接一個咁走，間公司已經玩完。
「豬圈係唔需要千里馬嘅，佢哋只需要一堆聽話嘅🐷。」
仲要係豬頭骨攞唔到彩。俾你做，人哋就去做啲攞到彩嘅嘢。
更恐怖嘅係，連老細派job都係咁。反正你都係唔做開攞彩嘢㗎啦，有都留返俾第二個，人哋熟手，識得點攞彩。
最搞笑老細年尾話你今年billing麻麻，老細嘅fd日日係度悠哉悠哉沖咖啡，份bonus都多過你。咁辛苦為咩，
講得太好了🥹 啲優秀既人開始走就係間公司衰退既跡象
想做就做，唔好俾自己後悔！
我都係裸辭之後發現我做得最啱嘅嘢👍🏻
我都係因為咁而走！做到同肯做只會做更多！100樣嘢只要有一樣做得無咁好就比人話！但啲🐷99樣做錯只要有1樣係正常做好就要讚到升天咁！CLS管理！
成日都同朋友講
番新工一開始唔洗太表現自己
睇定啲先～
確認老闆係論工行賞先努力都未遲
我就係因為咁而走咗～ 但見到threads好多post都係咁講既時候，我好驚下一份工都係咁😰⋯
所以通常見工嘅時候聞一聞陣味先
同埋去到新地方set番個界線，可能會好啲💪🏼
完完全全講緊我而家處境🥲 原本做熟左都唔想走 但唔走真係好惡啃 亦都覺得太多野對自己唔公平
人地對自己唔公平就無得好怨 我知個世界係咁
但繼續留喺度好似等同我認同人地咁樣對自己 呢下我過唔到自己😢
哇😮完全講中我而家職場上嘅情況同感受🤡😮💨必須要share❤️🔥懲罰D做嘢嘅人呢個真係反智到一個點🤬所以而家應對方法係由得呢D下下要人幫佢執屎嘅垃圾做錯睇住佢死😤千祈一定唔好幫佢執手尾，唔係呢D垃圾又可以繼續混日子而做死啲肯做嘢嘅同事🤬
唯一差別是，公共機關的辦公室，是不會有「公司玩完」這個情況。公共機關的辦公室是，你走，他們舞照跳，等退休。🤷🏽♀️你是當中最勤力最有責任心的同事，反而會被傳你是最壞的那一個。可憐的是派位的總HR不會理解同事處身於這種情況，畢竟不是每個辦公室都一樣。已辭職。
啱呀
仲有好多高分低能
勤勤力力做嘢就越做越多
當你走咗，你以為下一手接手同你做返同樣嘢嘅時候
原來人哋係唔需要做
因為人哋話唔識做
就可以唔使做🤷🏻♀️
你呢下就會懷疑人生
究竟公司點解會請到呢啲人入嚟做嘢
其實好多公司都係咁，老細立場就係啲野有人做便可，A唔做咁B做咗就得，佢地唔會理「分工」同「責任」，能者永遠都多勞，而啲垃圾因為無做野，所以「少做少錯 唔做唔錯」之下，又唔可以話佢做錯野炒佢喎，千秋萬世咁生存落去...