有感而發。希望咁多位玩音樂嘅朋友，唔好淪為人哋做生意嘅免費工具。
成日喺網上見到有人招人出 Show，有啲寫得清清楚楚，有啲就咁一句「搵人出 Live」。我自己出 Show 經驗唔算超級多，但由十年前喺西餐廳做 Part-time 琴手，到近年夾band去 Bar 同 Live house 玩，起碼都叫做見得吓人。
我想講嘅係：
1. 對聽眾嘅尊重：行得出嚟表演，就要對自己嘅出品有要求。
2. 表演場地單位對樂手的尊重：你用 Live music 去幫你餐廳做 Gimmick、做生意，好應該相應地尊重返樂手。
所謂對樂手嘅尊重，係餐廳要搞清楚，你邀請樂手演出，本質上就係要樂手為你提供服務。既然係提供服務，提供返合理嘅車馬費就係最基本嘅事。車馬費無話幾多先叫多、幾多先叫少，但絕對唔係一句「包你一餐飯」就可以當無數。
最諷刺嘅係，聽過有主辦話：「我畀個場你，有冷氣有觀眾，舒服過你去 Busking 啦！」老實講，聽完呢句真係火都嚟。你用有 Live Music 做賣點去吸引客人生意，你好意思講得出呢啲嘢？有啲甚至連基本嘅 Amp 同 Mixer 都無，要人自備樂器之餘仲要自備埋架生，簡直係荒謬。
但最無奈嘅係，正正因為有啲人表演慾強，寧願唔收錢都去，結果變相話畀呢班商人知：「玩音樂嘅人好平、好唔值錢。」
分享無問題，但請記住，人哋係用緊你哋台下十年功嘅心血，去包裝佢自己盤生意。除非你係幫社企、社區中心做義工，否則請唔好畀班唔尊重音樂嘅餐廳利用你哋嘅熱誠。
要我講有邊幾間餐廳用緊呢啲免費勞工，我最少都點到三幾間（當然，可能人哋而家「突然」有畀車馬費呢？雖然我都幾肯定無）。
遲啲有機會，同大家分享下其中一間我嘅自身經歷。你哋又有無遇過呢啲當音樂人係免費勞工嘅餐廳？
幫你總結一下
你屌緊兩樣野
1. 餐廳offer既野太cheap, cheap到你覺得不被尊重, 大家既要求同provide既quality 不對等
2. 你鬧緊一啲單位（即使咁”差”既待遇都好）佢地依然係會衝到去玩，俾在商既人睇倒其實係有免費餐，而佢地拉低左個standard既情況下就影響到你（或者講大啲係你既行業）。p.s. 「差」喺依度係既形容係主觀既。
放負之前你可以諗下，其實市場有價有市, 有啲人真係零經驗想攞下經驗唔講錢，只求一餐飯，同依啲商人offer既野咪一拍即合囉。 商人依個offer太low bid, reach唔到你既demand你唔接咪ok囉 其實唔係人地既錯喎。 你應該積極去做好自己然後sell你個product,說服岩channel既商家去買你既service.
至於你好似俾緊忠告後生仔唔好淪為人地做生意既免費工具，其實如果佢地覺得拎夠經驗做夠自己profo, 自己會識得走人或者再同商人deal加錢既事架啦，你真係唔需要擔心人地。 用多啲時間做好自己既profile緊要啊，你做得好 個市場必定會加錢買你既service, 如果未，姐係做得未夠好！
小弟愚見
咁唔得 點都要出糧 車馬費呢個字係幾難聽 音樂喺每個人心裡面價值唔同 但最起碼唔應該低過min wage, 而退一步諗 樂手唔應該再付出畀呢啲縮骨老細 佢成功攞到著數就會有下一次
本店Live band演出每次4個鐘開支閒閒地都一晚3000港紙 平均落黎就係7-800蚊一個鐘成本 呢啲係對樂手最基本嘅尊重
完全係風氣問題 香港地唔會覺得呢一門係職業 覺得你都係為興趣玩吓點解要收咁貴 跟住又有班人做爛市 只能夠講百貨應百客 不過就算講明幾錢都可以拖你糧
其實各有各玩啦
以前我出show好少聽到有免費要人出show（或者可能我唔知掛）
近呢幾年先至聽到有多啲免費做演出，
我覺得如果免費去做表演嘅人，其實水準正路都唔會高，所以同收費出show嘅人比，其實唔會真係有太大嘅競爭，真係有需要「穩陣」表演者嘅地方應該會直接問你收費/直接會出Offer 比你，至於你講到表演場地對樂手嘅尊重，我覺得如果水平唔夠既貼錢都要去攞經驗啦，如果有場地願意冒着炒車風險俾新手去一個場地做踏腳石磨練吓，都好過完全冇平台比新人玩既。
好多服務行業既初哥都有樣野叫「互惠」，其實玩法都有啲似你講個情況，我睇法就係雙贏啦。
Btw收開費既表演者如果經驗豐富，正常自己會有渠道搵到接$$show嘅方法，玩咗咁耐，冇理由個音樂圈子咁細掛，環境改變唔到，唯有專注返一啲岩自己嘅場地啦。
你講既我都同意，完全明白，只不過唯有樂觀啲去睇啫😆
反而係好多自己想唱歌出show，搵免費伴奏樂手…
但餐廳搵免費band做show,亦有機會趕客，有d band真係亂咁黎…
我覺得只係供求問題，玩得好都想人認識下，有場地提供亦不錯！
ps:2x年前，TST有間酒吧，band自己sale啤酒，每1打啤酒就可上台玩一首歌，自己買又得，叫fd捧場又得，玩得好就台下既人買酒請你上去唱…幾好feel…
唔好話香港呀，我喺加拿大都係啦，俾人撚狗咁撚。每對Band夾幾百蚊出show拎得返10幾蚊。仲要成日出賣晒啲免費show,個市場咁樣搵鬼玩音樂咩？
所以樂手主唱應該企高d，我哋係長時間練習，付出咗好多先練好一首歌
唔好話餐廳，就算live House搵你出show都一樣係冇錢，兼且而家個音樂圈生態仲要有一樣好奇怪嘅風氣，就係個場會希望表演單位帶到啲客去佢哋個場度，而唔係佢哋個場本身有一定嘅客源去成為你嘅觀眾，所以而家啲live House只會搵啲有號召力嘅表演者，對於啲新手或者新加入呢個圈子嘅人嚟講其實呢個風氣好唔友善
咁呢個過分啲live House 出show冇錢，