有日同呀姐同另一位同事去食飯
埋單$1200幾 （中環）
跟住我就手比左錢先
然後另一位同事見到就講，好呀每人$420
呀姐聽到都點頭示意
同事好快就PayMe左
但一個禮拜呀姐都仲未比錢
應該豪比佢定點？
？？咪話上星期餐飯$4xx，你方唔方便payme我，有咁難咩？？
無d禮貌，阿姐係度梗係阿姐俾
有大食大，隨時阿姐請埋
同呀姐食飯挭係唔好俾$la 以為你先係呀姐 唔問好過問😆
講下其他野食先，又提返當日的野食，跟住講下價錢，如果正常的會醒起未俾返你，有時只係一時忘記咗，不是真的有心
呢的嘢吃一次虧就算，千祈唔好問阿姐嗱返，試諗下有心俾你，一早俾咗啦，唔好話唔記得，你問佢，佢會俾，但佢唔會覺得自己有問題，只會覺得你斤斤計較，對你的印象會打折扣，為了幾百蚊得罪人好易，但要人對你有好感並不容易，權衡利弊你知道怎麼選擇啦
你 阿 姐 似 乎 係 俾 個 教 訓 你，有 大 嘅 在 場，就 由 最 大 嗰 位 埋 單，然 後 聽 由 佢 指 示 。
無謂為左幾百蚊得罪呀姐 。
當買個教訓啦，下次唔好爭住畀 。
有阿姐係到，仲去俾錢，你真係好唔識做！其他見到，仲以為你係老細。
唔理個到儲到幾多優惠，你睇下啲同事邊個爭住去俾錢？
如果你哋幾個平時好frd，阿姐「主動」叫你俾錢儲分，先可以咁做，然後可以禮貌私底下訊息佢，上星期餐飯每人420，payme/fps 我手機就得啦，或者要alipay QR 或者其他方法，再同我講
如果你哋平時只係工作關係，只係閑話家常，咁你阿姐明顯俾下馬威你
幾十年職場經驗，同職級就AA，有大佬（部門主管）99% 有大食大，點會AA
喺frd到聽到有招係，主動dm阿姐話自己payme有問題，叫佢銀行戶口過數/fps🙂↔️不過呢招都只係可以間接提佢一次
Payme request,再禮貌同佢講聲，hello xxx，我岩岩send左payme request俾你for上個禮拜餐飯呀
直接問佢喇
我都試過直接問同事：你係咪唔記得咗😹
我信佢真係唔記得咗
佢唔俾錢都唔尷尬，點解我收返我自己錢尷尬😒
問返阿姐，因為係另外因為同事講每人420 ，我覺得阿姐會過咗數俾佢
我試過有同事唔記得俾錢，我WhatsApp佢或者Skype佢，寫住溫馨提示上次食飯幾多錢，多數都即刻俾返
我會直接問，講上次邊餐邊餐係咪未比～佢地/同事忙，有時真係唔記得都唔出奇
去返個間食野,賣單就話
係喎,上次個420$係咪payme 咗我
佢唔記得咗
直接講
上次食飯每人$420
PayMe現金都得（擺定$80響袋準備找錢）