📌 有無人真係試過同朋友
共 57 條紀錄
有無人真係試過同朋友去完旅行返黎反左面/無frd做？
我係差啲想反面，我發覺佢真係原始人嚟，咩都唔識，但佢去過兩次台灣：
1.唔知酒店啲Lift要拍卡先用到：去酒店check in，Check in完之後佢搶曬啲房卡唔比我，諗住上房先比我，到入Lift個陣，有啲酒店要拍房卡先上到住房樓層，佢無拍卡，襟完樓層掣之後見唔著，架Lift又唔郁無反應，佢都可以企係度唔郁，我猛咁叫咗佢幾次拍卡都無反應，之後我發咗小脾氣搶咗張房卡拍卡襟樓層掣，我發脾氣鬧佢「你唔知要拍卡嘅咩？！」，佢答：「我點會知呀？！」，佢真係唔知🤷♂️。
2. 唔知一般大路嘅酒店兩點後先比Check in：有日佢話想早啲十點去桃園某間酒店Check in，我同佢講：「酒店唔係兩點後先比Check in？！」，佢答：「下？！點會咁晏呀，我打電話去問下先啦。」，之後我比曬啲酒店訂房資料比佢睇，寫埋最早14:00 Check in，佢都唔信邪，直到佢打去酒店問，先至信🤷♂️
3.去旅行行李唔帶都算，連旅行袋都唔帶，到坐回程機個一個背囊+一袋二袋購物袋一抽二𠹌上機就算，我見佢咁唔方便，就借咗我個旅行袋比佢用，跟住佢即刻拎小幾個袋。我同佢講「好彩你係搭國泰，唔係搭快運，唔係你晨早比人禁止上機。
［同一個人，另外幾個例子］
試過同frd去台灣旅行，發覺佢好模棱兩可，好似乜都唔知咁：
1.早幾日問曬佢機票酒店價錢o唔ok，佢話ok，平好多，到幾日後Confirm要佢比錢，價錢一樣嘅時候，佢就問：「點解貴咁多。」
2.開頭傾好咗12月20-26日去，突然之間改12月26日至1月2日，改完又話嫌貴，問「點解貴咁多」。
3.買機票酒店唔知紅日同平日價錢可以差好遠，以為日日一樣，佢諗住用曬佢啲年假紅日去旅行就包無死，點知貴咗一個Double，就想縮沙，就問「點解個價錢貴幾多？明明查過幾日前出發嘅價錢無咁貴？」
4.約曬台灣朋友12月26-1月1日見面，之後因為佢嫌貴想改期，之後搞到我啲台灣frd為咗佢而調假同我哋見面。（我啲台灣frd特登為咗特請假帶我玩。）
有，奉勸一句，如果自問未frd到可以接受到朋友最衰既一面，唔好一起去旅行。
同樣，如果你都可以當尼個係友誼的考驗，睇下可吾可以screen走d西人frd
個人經歷係條友差d搞到大班人miss左班機，遲到再加買勁多野，行李重到自己搬唔掂，奉旨要同行人幫佢。
點知歷經千辛萬苦，趕到機場，求左個地勤比我地上機且翻到香港果時，佢落機第一句吾係多謝我地既體諒，而係多謝接機既男朋友，0️⃣責任心
有呀～ 成班麻甩佬Fd（全部有$架）去泰國玩？已經就曬條仆街深圳飛+曼谷平酒店？
－到曼谷？
要係機場坐熱狗出曼谷喎？
跟住食飯要係街邊小販檔買返酒店食？
出街去飲酒佢話咁貴唔夾$架？
要飲就買返酒店飲…
唔會去揼骨行街㗎…
要留喺酒店房睇TVB盒子….
我去完尼次旅行？
連我自己刀懷疑平時點解可以同尼個撚樣相處倒架？？？
都係嗰句，去旅行係嘆世界架，吾係左甘又甘架😂😂，甘不如留係屋企
有
試過同個女KOL去旅行，全程做佢免費影相工具人。
個人衛生好差，例如屙屎唔關廁所門，要我幫佢關廁所門。🤢
大家食飽咗剩低啲飯餸，但佢會話我食唔晒落到地獄要食埋佢。
行錯路會怪我但佢自己又唔睇地圖。
好似俾錢去旅行受苦咁，
返到香港真係唔想再聯絡。🙃
有
平時一班人無乜野
一得返我地2個
佢就好似鬼上身咁
係咁發我老脾
講埋晒啲說話勁難聽
成程都係我plan佢乜都無做
搭錯車即刻黑9我面
去日本係咁叫加醬加菜，加L完又食吾晒
又嫌我影相吾靚
但佢影我嗰啲仲衰
最後忍吾住喺酒店就爆9佢
返到香港無再聯絡
＊＊識咗30+年
年頭同個老母frd去台南高雄4日3夜
佢出發個朝眼腫腫咁蒲頭
前一晚兩公婆無嗱嗱鬧離婚…
Anyway 人地家事就唔關我事
但佢成程一係黑臉 一係遠距離遙控湊囡
我好似自己去旅行咁 仲同我嘈大交
返香港直接斷聯 ByeBye你條尾
有，中同喺year two（23年）嘅時候一齊去咗轉日本，中間冇乜嗌交，但係消費模式真係完全唔啱，去到後尾覺得講出嚟都係嘥氣，嗰陣時喺香港機場講咗拜拜之後到而家冇再講過嘢🙂↕️
10年前 旅行途中反面 最後2日自己周圍去
原因就係因為我計較 事緣係嗰日落club  幫佢比錢 事後佢比返錢我 我計返數找返錢俾佢 佢就嬲鳩 不過可能事前都有啲嘢嘅 但係我唔知啫
冇反面 但以後吾會同佢去旅行 乜都係我plan 都冇所謂 吾好情緒勒索 成個trip 冇乜反應 又吾肯影相又吾講野 佢悶悶不樂咁 都唔知做乜事問佢又話唔係唔開心 黐線㗎咪搞我啦⋯⋯
攞P人做擋箭牌，出發前唔plan，對當地零認識。食住平又話cheap污糟，貴又話唔抵，景點又話度度都係咁上下。
原來有一種低人，連玩都唔識玩，牛馬唔識enjoy生活
有
不過嬲陣就算
不過旅行真係好見真章， 就算幾fd 都好實嘈， 如果拍拖去又開心返呢個真係返來就係老公😆
當年同bf 第一時兩個去旅行， 返來就結婚啦😂😂
我就唔係friend...,係個妹！去前已經問定想食乜想去邊？有乜唔食…佢話無所謂乜都得！
去到嫌三嫌四，閪口閪面…以後都唔想同佢去！麻撚煩…佢憑實力孤獨😑
試過，旅行真係係友情試金石。大家疲勞、意見唔同嘅時候最易磨擦。但亦都係了解對方嘅好機會，睇吓大家點樣處理衝突。
有，因為睇清楚對方所以旅行變成分道揚鑣之旅。如果唔係呢次旅行可能要嘥多10年先知道個朋友原來重來就唔係同路人
有，因為條友近乎cls既地步，講大話，on 9 ,自大集一身，危及同行生命安全而自我感覺良好。完全連聯絡都唔想聯
1.一開始講自己有揸開車租車旅行好有經驗，點知自己無拎有效國際牌，無得租車，之後極不情願下請司機，話司機危險，旅途中企圖想叫司機俾佢揸車，我直接當口屌（係斯里蘭卡）ps當時係無gps年代
2.手戴紅寶石金戒指💍，問佢做乜撚，佢話驚人appoch 佢，所以戴戒指話自己已婚，我話係唔係on 9 ,引人打劫害埋我喎！
因為諗番起當年佢本身（舊中學同學，一早移民外國）係一個鐘意講大話引人注意既人，所以真係覺得唔值得再交往
有，返來我冇講佢一句，佢就周圍同朋友唱，完全唔覺問題係自己？我冇解釋，亦冇需要，呢d朋友不要也罷！
冇😂
去得旅行真係唔會咩朋友都會應承去😂經過風險管理覺得不能24/7對著的人唔會一齊去到旅行
雖然未至於同佢反面,但同佢有個兩次同去旅行嘅經驗,佢啲脾氣改唔到，我發誓唔會再有第三次
有，只係一次，大家消費模式不同，佢哋要cheap, 窮游，我冇expect 甘，所7 日第3 日已經分開玩
有拍拖一段時間，一齊去旅行同一張床瞓，實會有啲事發生嘅，發生完某啲事，返嚟分手嘅。
好出奇咩
人哋cheap 唔等於我要同人地一齊cheap
唔岩玩都係遲早既事
返到香港冇再一齊玩
有，乜嘢行程都唔plan，乜都唔關佢事，乜都叫人做晒，之後佢負責出發玩，玩完又要批評
屌試過去旅行 對方話話日日食杯麵慳錢
最後冇鬧交 但係都冇再一齊食飯
Yes. Just once. It was a terrible monster with a wicked heart.
Luckily, I saw her true colors.
某人唔係變得乞人憎 而係平時掩飾得好好. 去旅行真係咩都現晒形.
試過啦 以後獨旅 去你果D就得 去我果D 乜乜 就係fuc, fuc,
未正式同朋友去旅行已經反咗面兼冇frd 做，點睇🤔
朋友好少, 無必要, 除非同錢有關, 多數係情侶分手.
我唔會冇朋友做, 但旅行伴侶永遠blacklist.
心中降左朋友等級
@nihi.iso_ chill not u