有無人覺得Threads取代咗連登？
玩咗Threads後，
作為每日上幾個鐘連登嘅人，
而家變成一星期先上幾次😂
連登睇嚟似玩完
連登最大問題係駁咀隊同藍/ 紅絲加五毛一大堆，點block 都有一大堆。有料嘅 post 無人理，熱門一堆垃圾 post ，毫無養份，都係等著步高登後塵。
✏️ 但有啲功能連登真係比threads優勝：
❶ 冇得del post 🗂️
❷ P牌；threads好多假acc first post帶風向都係智力測驗，連登經過19年出P牌有少少警示作用
❸ 新post/comment隱藏like功能，避免啲人帶風吹，鼓勵用家獨立思考判斷。
係🙈threads 我會講野
連登真係幾乎只做CDROM
Threads講嘢無啦啦會變熱門
好似多人關注
不過我覺得呢度嘅文化
根本就係半實名制嘅連登😂
一樣都係講野咁地獄😂😂😂
有諗過註冊做連登會員，但佢對於驗證電郵有咁高要求，對我嚟講太艱難，所以一直都無做到會員，只係有時做吓CD Rom食花生，不過有啲會員講嘅嘢係睇唔到，知唔哂大家討論緊咩。
Threads對於電郵無要求，咪繼續留喺度睇吓嘢囉！
連登成班公務員mon post
keyword 減薪 公務員 overpaid
一見依啲字班網軍即刻洗post
我覺得threads 似連登+親子王國🤣勁多媽媽分享生仔經
因為ISP都可以隨便比五毛註冊到嘅話
連登同高登嘅優點已經失去
但連登（討論區）有樣嘢好，見到有興趣嘅topic係自己選擇撳入去睇
threads係不斷餵不同資料比你，被動接收海量資訊… 有時自以為掌握好多資料，但實際其實什麼也捉不住，水過鴨背，又成日推埋啲撩交嗌嘅post ，明明上網消遣但反而搞到燥底（雖然連登都有呢類user），專注力減低，時間唔覺唔覺咁流失… 試過老公問我碌咗成晚究竟睇咗啲乜，我係答唔出㗎…
反而有啲掛住以前嘅討論區
依家上連登都只係為左睇吳海英啲十大post 貼老鼠安同韓紅
連登大部分post d五毛pr出
個金正恩佔大部分熱門
咁講又真係冇乜上連登，連登而家好似全部係old news
電影，劇集討論post，kpop集中討論，呢d threads取代唔到lihkg，threads太散了。但一般熱門post，唔會再點理lihkg架啦😂
演算法問題
Threads呢類社交平台會了解你喜好然後不斷feed啲有機會吸引到你睇，甚至引你留言互動嘅post
連登就只係舊式forum，人哋講咩你就睇到咩，個post多人留言就會上熱門，但其實未必啱你睇
以前喜歡上baby Kingdom, 高登，連登，she.com現在冇了
連登比有心玩爛嘅人刻意玩爛咗，嚟嚟去去都係嗰啲post同嗰啲account，Threads太多人，刻意玩都難以玩爛
時代會變遷，以前個人留言板後來Xanga再到Facebook，現在直接去到Telegram
當然你有權可以話其實佢地Function唔同
但都係建立資訊同與人連繫的地方
連登唔俾用free mail注冊。即刻無興趣。
仲有香土嗰啲，廣告多到癲！
傳統留言版如果沒落都係自招的。
連登同threads既匿名自由度唔差太遠，反正都係，就唔流連係越來越小眾既連登。
Threads乜都有 有時真係可以碌到啲好特別未見過嘅嘢 連登就算啦