📌 有無人試過病既時候
共 48 條紀錄
有無人試過病既時候 呀爸呀媽淨係會鬧
“叫左你著多件衫嫁啦!”
“日日咁夜訓實病啦”
“啲抵抗力咁差既你 唉”
“飲多啲汽水添啦 睇你咳到幾時”
無擔心過你病成點
帶你去睇醫生好似欠左佢好辛苦佢浪費左佢時間咁
有呢啲對話前有出現過以下嘅說話。
「著多件衫唔好冷親。」
「唔好成日飲凍嘢。對氣管唔好。」
「早啲瞓啦。唔夠瞓好易病。」
「唔好食咁多街外嘢。無益呀。返屋企食飯啦。」
我相信你一定話無，因為往往提醒係唔會聽、聽唔入耳。到比人話就話原生家庭係錯。完。
我細個都係勁比老母嫌棄成日病，到我做老母發現只係佢唔愛我啫，我女傷風我都肉赤寧願我病佢都唔好病
等佢地老左成日病 整親個陣 可以用返同一套方式對佢地
佢地到時就會講其他野攻擊你 嫌三嫌四 覺得你照顧得唔好
完全明白
我一病 我老母就黑晒口面鬧 鬧完仲有一排唔理你
結論：變態
等睇有人話呢啲係另類嘅關心。
考古學家都未必搵到啲關心喺邊
下面已經有人話佢地只係唔識表達關心 如果唔開心做乜細個唔離家出走
做乜要離家出走？
18歲前我食你嘅住你嘅，係我嘅權利都係佢嘅責任。
我16歲就返pt 儲錢，一到18歲就搬走。
唔識表達係可以合埋把口唔洗用難聽嘅說話去包裝嗰啲表達唔出嘅關心，係可以唔講野簡簡單單斟杯暖水買碗粥用行動嚟送遞關心，唔識表達只係藉口。
岩呀唔知點解總會有啲人淨係識講風涼話 覺得大人言語傷害 小朋友覺得有問題應該自己走 唔識表達唔可以學? 唔可以溝通改善? 點解可以傷害完人之後話”我內心其實好愛你”黎合理化成件事
我好同意18歲前父母有責任養我 無打算付出愛 時間同金錢 點解要選擇生育 但佢地唔係咁諗 覺得養左你就等於可以支配你 傷害完你之後期望你無條件咁愛佢地
一定仲有人話佢地都係咁長大，咁就唔好用佢地嘅童年陰影去製造下一代嘅童年陰影。
唔好再用 “用錯方法” “表達方式錯”黎合理化言語傷害
我有試過作感冒好攰想瞓下，佢就話「你淨係識dat喺度咩都唔會，我仲攰過你啦」結果我病咗
哩個係，舊一輩，亞洲家庭特別嘅關懷方式。永遠都唔會講出口，都鐘意屈係個心度，透過旁敲側擊方式，試探嘅口吻，問候你。表達得又唔好，經常詞不達意，講出嚟嘅意思，完全唔同曬。聽嗰個咪覺得哽耳囉。亞洲家庭文化，典型嘅style。
有一次我喉嚨痛飲凍可樂 好返🤣🤣
我媽又試 結果又得
從此佢就喉嚨有少少痛都用呢個方法🤣🤣
一病通常叫我即刻睇醫生唔好拖
已經病仲要比人哦
好慘姐😭
當然關啦，但尼個情況唔需要特別標明原生家庭，領養家庭都會咁嫁，尼個係父母/監護人性格問題吧🤔
或者換另一個角度，原生家庭唔一定會出現你尼個情況嫁嘛
所以下次應該標明”原生或領養家庭 幸福家庭除外”?
唔係唔係，我無惡意，唔好意思，你用咩主題都係ok🙏🏻🙏🏻
你既邏輯係咪即係如果話得岩 就等於咁做係無問題? 如果佢病左 而佢係著少左衫/夜訓先病 我都可以咁話返佢?
細個成日病唔畀睇醫生，因為咁樣上堂同考試都辛苦， 得半條命都冇咁， 拖到好嚴重之後迫到佢畀又話嘥佢錢，計劃生育之前冇諗過呢個問題嘅
打仔女嗰啲就九成都有啦
唔畀睇醫生就以為得自己係咁😭😭😭
係呀佢地好似生前無預計過小朋友會病同埋會令佢地用多左錢
我都會咁話我個女，「愛之深，責之切」，不過我會帶佢睇醫生，然後服侍埋佢食藥同飲水，仲有病得厲害嘅時候我真係成晚瞓得唔好，成日走入佢房摸下佢個頭，燒得犀利就整醒佢畀水飲同食藥，其實仔女病咗做阿媽嬲係因為心痛，自不然會鬧兩句鵝兩句，當然呢個係我自己嘅想法唔可以代表所有父母。
係㗎，佢都知道我錫佢，其實你阿媽鬧你可能都係心痛你先咁嬲去鬧你啫，不過我同意佢嘅表達方法唔係太好，嬲你鬧你都應該要照顧你。
我會諗，佢地唔識表達愛
佢地生活上、個人層面上都冇試過你講嘅方法，只係用返佢上一代對待佢嘅方法同你做返。
佢唔關心你，就唔會同你一齊去睇醫生，會叫你自己攪掂
唔知你家庭情況，如果一般，同你去睇醫生，都對佢日常routine有影響，要相就先可以。
細個嗰時屋企個濕鳩熱水爐壞壞哋，有時會自己流D熱水出嚟，我有次畀嗰啲熱水淥親隻手，我老豆發撚晒癲咁鬧我，話我玩熱水爐玩到淥到
會有啲人會話佢咁大反應即係好緊張你 但我唔係咁認為 如果內心係愛 但表達出黎係責罵/令人難受 咁應該檢討下自己 而唔係期望其他人去體諒佢表達得差
佢係鬧到畀我老母屌返佢轉頭，因為佢淨係喺度鬧冇幫過我處理傷口
呢個世界有好多好父母，但唔係每一個父母都愛自己小朋友。
佢地嘅言語唔係表達緊愛，係你帶咗麻煩俾佢地
正如我有小朋友 佢病咗我會好擔心 唔會有心情仲鬧d 無謂嘢 病唔係因為唔著衫 係有細菌病毒
係呀你講得好岩 無論我做乜佢都覺得我係帶麻煩比佢 生我出黎之前係咪無預計過我有機會會病
其實我都有小小懷念以前阿爸阿媽真係好著緊我嘅時候，依家大個咗，病咗佢哋唔會再咁多嘢問，只會問我使唔使陪我去睇醫生
我啊媽話你病咗比屎你食，然後可能好唔想食屎，差唔多兩年無病過😂😂
到佢老真係就死 你講返呢啲說話 你再諗以前佢地咁同你講 就知咩感受
佢哋會咁講，但係講完會同我講飲啖熱水先，然後急急腳帶我去睇醫生，問我凍唔凍
我爸媽甚至唔會陪我睇醫生 🙂↕️🙂↕️🙂↕️
我覺得可能佢地唔識管理自己情緒。有少少事發生處理唔到就淨係擘大個口話人。我家中有一位長者係咁。
你比我好
佢唔係鬧係嫌棄「你自己病好啦咪傳染晒比我地」
仲話帶我睇醫生？我高燒到暈陀陀都係自己一個死去睇咋
係緊張擔心嘅一種
只係佢哋唔識表達
或者佢都係咁樣長大