有無試過半夜三更
全屋靜英英嗰陣
突然聽到廚房或者廳傳嚟「啪」一聲巨響？
嗰種聲好似有人用力拗斷支膠尺咁
又或者似係有人敲門。
嚇到好多人以為屋企有污糟嘢，或者有賊入屋
其實個真兇多數係你部雪櫃
雪櫃入面嘅膠板、發泡膠隔熱層
甚至係雪種流動嘅管道
都會因為熱脹冷縮而產生微細嘅移動
當兩種唔同物料嘅膨脹系數唔同
擠壓到一個點就會突然釋放壓力
發出嗰下清脆嘅爆裂聲
有啲新買返嚟嘅雪櫃
因為啲部件未完全磨合
呢種聲會更加頻密
除非個聲係持續嘅機械磨擦聲
或者把風扇嘈到似飛機起飛
咁就真係可能有零件壞
如果只係偶爾啪一聲，其實唔駛太驚
當佢係雪櫃伸緊懶腰就得