📌 有無試過租住過一間風
共 77 條紀錄
有。嘉亨灣1座18 C。間屋好惹鬼特別係weekend，好多時落完老蘭朝早瞓醒身邊都有一隻，係直到識到依家個老婆啲鬼先唔嚟。
落完租訂發現打開門有一枱麻雀打牌，一閃即逝🫣，即刻撻訂，去廟行個圈先返屋企。
有 擎天半島6座16E
隔離屋住左個真智障仔，每日8點前+ 3pm-10pm會喺度大叫dum地，大力到地板會震，最入嗰間房都會聽到, weekends/ 公眾假期/ 學校假期 更為嚴重
佢屋企人覺得智障大Q哂 唔會做任何野減低嘈音
大肚住左一年長期嚇到心都離哂 勁大壓力
真心寧願住凶宅隔離
最近終於搬走左🫶🏻見到依家放緊租🙂↕️
住半山諗住風水應該唔錯，點知鄰居做金融，養陰界小朋友😅
我有試過農曆7月租屋，14前一日入住，有拜五角，個幾年風生水起，無怪事發生，仲旺丁旺財，但間屋好細。之後搵到錢後搬大啲，大廳大房大廁所，呢到第一手入住，全新裝修，所以我無拜五角，計埋今年都住左5-6年，風水好差，我同伴侶日日都鬧交😔收入愈來愈少，又多小病痛，隔離鄰居都搬左幾轉人，每次換新鄰居入住，我都聽到有人鬧交😵💫我地一直想搬走，但因為超近我原生家，所以我遲遲都唔想搬，好似一種引力唔比我走😵💫我有時自己一個係屋訓覺，幾次都夢見伴侶放工返黎係床前行黎行去，點知我醒左發現一個人都無，打比佢，佢話都未收工🥶
以前住過一年村屋 個個月都病 係咁跌錢 完全儲唔到錢 住咗兩三個月已經覺得唔對路 但係有咗bb 費事咁頻撲又搬屋 bb出咗世之後一到夜晚喊得好誇張 有一日工人姐姐半夜叫醒我 佢話見到有個綠色嘅影 望住佢同BB 佢完全郁唔到 嚇到我朝早即刻上網搵屋 即日約啲業主去睇 搬完屋之後即刻冇事再發生 跟住問老竇叫我老竇搵啲風水佬 啲風水佬話以前嗰度係養鬼仔…
一簽完約，夜晚去度尺，同屋企人都feel 到有個氣場有壓力
個一年生意莫名變差，問跟開既算命師，佢直情想我即時搬走（故事教訓租屋都要搵人睇）
跟約既電器壞得都壞晒 ，三部分體輪流滴水，有一部仲要啲水倒流浸濕牆穿左窿變大瀑布
最勁係後尾樓上新業主全拆個陣，裝修佬唔知用咩打炮，成間屋都震晒貓都勁驚，結果枕頭對上天花有石屎碎跌落黎，抬頭望有石屎突左出黎想跌
Agent 姨姨話做咁多年都未見過🫥
人在英國，睇咗好多間屋搵到一間啱budget、位置OK嘅屋，仲要係啱啱翻新完就租咗
住落發覺除咗前後門，一間三房嘅屋竟然有十三道門，其中一道門係對正樓梯，有一間房係唔會曬到陽光，住呢間屋嗰陣係家嘈屋閉，家無寧日
後來問ai，咁嘅格局就算唔係有鬼都風水唔好，門口對樓梯、太多門等等
有～ 長沙灣一座新樓，近中電站。 間屋唔大，500呎左右。 我係第二手入住。去攞屋時，個業主勁好人，話啲油漆係無甲醛，特登為小朋友油既，又話啲冷氣洗乾淨，最緊要你地住得開心。第一手係個男仔自己住，個新樓比佢住到好似舊樓咁，地下仲有釘左幾粒釘，洗衣機勁污糟。浴缸塞晒頭髮。我哋叫左業主維修，佢即刻叫人來整（先扮好人後變左閪人） 攞屋時，我個仔果陣時有喊，但我哋以為係佢只係眼瞓。
第一晚自己入左去搞清潔，聽到有人係我耳仔隔離講嘢，我以為我自己細膽，自己嚇自己。同自己講無事。住落後，小朋友、我老公成日病。 我自己感覺到間屋有野，連我個只信科學同自己既西人老公都話覺得間屋有啲野，但佢話佢唔驚。因為外國好多屋都死過人。
後尾退租時，個業主屈我地整爛地板同其他野（啲相同影片都勁模糊），扣我哋押金。我租屋所有物品、牆都會影晒相，我可以上法庭同佢對證。 但我老公唔想煩，話比佢。業主想生小朋友好耐，都有十年，但都生唔到，最後係台灣IVF 成功，我退租時都啱啱有左，但好快就小產左。仲要住果到時果年我老豆過埋身。住果到時，我都覺得我地一家都好唔掂，成日好黑仔咁，我心情成日都好差。未試過住過一間屋係咁既。
朋友租過北角堡壘街d單幢樓，其實間屋入到去都暗暗咁。佢一個女仔住，夜晚成日都聽到鎖鏈聲，最初以為樓下附近車房開工，問保安，先知原來車房夜晚根本冇人。每星期總有幾日瞓醒覺見到自己隻手或腳有瘀痕，最後太驚未過死約就搬走左，同業主講，業主又唔信。
無人聽電台了。告得入先算，你講的是你真實的經歷，佢要證明唔係
我住過就係不停唔見錢，儲到畢錢會轉頭因某啲事又洗左去
朋友間屋就係每對夫妻住都會離婚收場
我住過東區好出名乜乜城，當時係租，有一晚出去垃圾房掉完垃圾係走廊見到一個70年代綠色衣着既人背住我，我心諗佢點解企係走廊唔郁，我嗱嗱臨返入屋，一路偷聽係住邊間屋，但係一路都冇人入屋聲音，嚇到我好快搬走
大角咀 奧柏·御峯36樓K
2年內惹咗三單官非 罰左2次限聚令
有一次喺差館出嚟，返到屋企見到比人爆左格
唔知算唔算撞鬼
同埋唔係屋
而係酒店
香港嗰間以聖經做主題嘅酒店
住咗一晚
瞓覺嘅時候發夢
夢見自己喺間房嘅天花角落頭
同一個滿面鬍鬚背後發光嘅男人一齊望住張床上面嘅自己同埋我老公
啲光係好溫暖嘅黃光嚟嘅
夢裏面成間房都好似日落黃昏嗰種溫暖黃光咁
我都唔知究竟係撞鬼定係撞神😅
不過隔籬房個BB就喊咗好耐
我自己無
但去過朋友新居，一去到我已經唔舒服，坐坐下頭痛頭暈作嘔反胃，個腦一片迷霧，有少少唔清醒咁，揾啲藉口提早走，我一離開個大廈即刻回覆正常無事。
之後上過去兩次，情況都係一樣。同朋友輕輕提過，朋友覺得間屋無乜野。
之後朋友開始行衰運，工作/健康/感情都陸續出現問題，我見佢塊面係有陣黑氣，成個人氣場都差晒，佢先覺間屋有古怪。
佢揾咗個師傅去睇睇間屋，師傅講咗間屋有乜風水上嘅問題，但最大問題係，原來間屋同時有兩個靈體，不停咁搞佢，一個係無乜惡意嘅小孩，一個係有好大惡意嘅男人，師傅請唔走個男人靈體，最後朋友只能搬走，好快就回覆正常
有，Park Yoho 25B座某中層B室
瘋狂比野扎 嘈交 病 電器壞 臨走仲比業主開天價想屈錢
重點係我住呢一年我超過十次比野扎 郁唔到
我男朋友咁大個人都無試過比野扎佢都試過一次就係係呢件屋發生，通常我比野扎時都會夢番自己係間屋入面張床訓教好驚 試過有一次係feel到張床有人坐落黎 之後耳仔好大回音刺耳聲
然後我就郁唔到啦 嚇到傻
而家搬走左後同男朋友傾開佢都話係果到住果陣成日好唔自在 好似有野咁，農曆七月果陣我地隻貓試過對住大門叫左一陣係到跑 （驚慌咁跑），跑入房點都唔肯出廳
呢個單位業主仲要無人情味🥲 本身死約完左 因為有左BB無打算懷孕期搬屋，已經係死約完之前提早同業主續約佢應成左 點知續續下突然通知話自己有個人原因要收回單位要個大肚婆一個月內交吉搬走 我本身已經有胎盤低既問題要用安胎藥用到bb出世為止，同佢講咗我嘅情況，佢都係咁話自己有個人原因好慘咁需要拎返間屋話自己要住返 但係點知俾我發現最近呢個單位都係放返租出去 根本就係講大話😂 交吉嗰陣仲會帶一隊人上黎檢查 仲因為見到有輕微嘅地板花痕 係真係好輕微同我尾指指甲差唔多咁細既痕 開天價想扣按金
Anyway, 而家搬左新屋舊時唔舒服既感覺好彩暫時都無再發現 不過呢個單位係放緊租架 想體驗比人屈錢 得閒會聽到有人大叫救命 訓訓下會比野扎可以試下
試過
睡房水浸 成間睡房個牆係發晒霉
搵咗好耐都搵唔到個源頭
打風落雨窗邊廁所廚房都漏水
咁啱對面起緊樓
入去住病足咁耐 嚴重哮喘狂入醫院
大大小小嘅病痛冇停過
當時嚴重到有一刻想登出
後來嬲嬲地check吓棟樓
點知有兩單空中飛人
有一單仲要係高層但係冇講幾多樓
最記得係有位高靈朋友佢後期嚟我屋企
一入去我間睡房佢起晒雞皮 
然後啲朋友嚟親我屋企都話好想瞓覺
Anyways 🥲 
住完嗰間屋發覺自己條命都幾硬
我有朋友出去租屋住，連續租三間都遇上噪音問題，究竟係咪有鬼跟住佢？😂😂 但其他租客又聽唔到乜嘢，係得我朋友成家人聽到。
因為佢都搞到好大陣仗㗎啦，環境署都報晒。但係搵唔到源頭。唯一解釋就係撞鬼。😂
屯門順風圍1x3號，一租到宜家病冇停過，大大少少既病都有，間唔中就有動物好突然走左（屋企好多小動物）。當初衰衝動租左（宜家未有能力搬走住），後尾發現個業主同鄰居都係人渣嚟，好鍾意咩事都屈曬落我度（成棟物業佢既，咁就可能因為我住地下方便拍我門，老馮我會應門，而樓上就難揾算數）🥲
我都想問呢類問題，本身我係佛教徒，會在家唸經佛燒香，在自己買的屋就好舒服，冇問題。但租別人的樓，就覺得膊頭壓住。而家搬返去自己買層細嘅住，又沒有這個問題了，作家唸經好舒服。我都想問是否人哋屋企地主唔鍾意我咁做，
如果遲啲我想再租樓，我都想請布師傅幫我同地主溝通下。
我唔係租但係借宿一宵，半夜12點個神主牌向前傾拍一聲跌落來。仲要2次….
其實有冇諗過係自己運氣問題啊！好似同父同母的仔女都有不同的待遇。
租過一間 會狂發惡夢 一星期幾次
好多次都夢見自己喺間屋入面 勁驚
但朝早間屋又好似無乜野
有，之前曾住過複式單位，晚上成日聽到有野跌落黎既聲，上去睇下又咩事都無，樓上地下經常有水跡但又唔知邊到出黎，仲要次次都同一位置，之後細佬喺樓梯碌咗落嚟就搬去第2個度住，有一日撞到以前d鄰居，傾開先知原來嗰個單位曾經發生跳樓自殺，唔知關唔關事
拜四角之後個幾日清潔屋，我一剎那聞到燒衣味，我即刻問我旁邊朋友，佢話聞唔到😰，我話下好大浸味喎 。
之後上手租客有留低葫蘆銅錢係主人房，我哋清屋時紅紙包掉咗 。師傅係咪關我哋方向見到醫院事？
有，住到鬼屋，堅有鬼戈隻，屋企隻狗時不時對住牆角震，仲黑仔到pk,戈成日整親，講緊整親隻左腳，終於好返，下星期整親右腳，一個月病一兩次，等等
搬咗啦，戈陣癲到覺得戈間屋都幾好啊，唔想搬，好彩自己最後醒左搬走
住過西灣河唐樓，對正條直路大馬路，一個月病一次，風水唔好隔音又差
試過，長期冇乜陽光照到，唔知關唔關事啦
然後有一晚瞓得唔係幾好，發惡夢(都係好恐怖下)流好多汗，一擘大眼見到有個人頭喺我面前
我下意識一拳打過去，穿過咗
但其實唔係好sure 係咩嚟，因為冇戴眼鏡睇唔清楚
開咗燈一陣發現冇乜嘢之後又瞓返🤣
灣仔其康大廈，樓下酒吧disco，夜晚有🐔. 夜晚閂咗窗都好嘈。運程越住越越差，鄰居手腳唔乾淨。放把遮喺門口吹乾都俾人攞走。 夏天一到冷氣機整極都壞。跟住天花發霉，又有床蝨出現。業主未經我同意入屋😡😡😡好在有拜地主，一完約即刻走。
翠屏北邨
樓上有個痴線阿婆成日話我哋開冷氣搞到佢地板濕咗
有時明明冇開只係啱啱落完雨
就會帶住保安上嚟拍門話我哋個冷氣搞到佢地下濕曬
之前未同佢屋企人講嘅時候佢會一個人補住我幾時出門口話要入去睇下個冷氣
後尾我男朋友頂唔順同開咗佢波
同埋打咗好多次電話去管理處
管理處出咗信話唔關我哋事
佢先至收皮
仲有就係嗰個位好近醫院
基本上晚晚都會聽到救護車聲瞓得好差
搬走既原因係業主戇鳩
本身話屋企人要返嚟住
想拎返個單位
我搵左依家個租盤之後佢先話唔使
但係我都簽咗約交咗兩按一上
梗係唔理佢啦
有 果間樓真係一住左就被人炒 + 健康轉差 + 成日病 + 情緒又差
我朋友之前租白石角 住左一排做手術洗左大筆錢 呢頭搵到錢轉個頭就要洗出去 儲唔到錢
屯門彩華花園
三間房門口呈品字形，成日入錯房門，住係度心情麻麻，個人唔想郁。
有，一間相信係風水，但另一間更相信唔只係風水咁簡單
有！ 掃管笏emerald bay 「依家好似叫緹岸」
我體質問題， 可能其他人唔覺
師傅你可以去感受一下， 管翠路呢一帶
我以前住2A
唔知好定壞，但我住係果度個人突然變得好勤力同活躍，不過工作上就多咗是非呀人事問題果啲😵💫😵💫
試過經常凌晨開始每晚樓上勁嘈，但搵唔到原因..樓上好似長期關燈
住左入去無耐 廁所 漏水搵到停電， 之後有吳公入屋，仲比人爆格
租住西半山 諗住住好d 博一博 吸地氣 點知差d比*人*拎埋條命