朋友谷入面有個朋友話自己細路入左國際學校名校
冇人講恭喜
真係各懷鬼胎
我估係因為果間係超級名校啦
其他人細路都係讀普通學校
二來係學費好貴
估唔到佢會比得起

講句恭喜都唔肯，d女人真係煩

個谷男女都有

男人係懶得覆多，甚至無睇到msg

唔了解但想問，邊幾間先算係IS家長心目中的名校
德瑞，哈羅？

德瑞、漢基、香港國際

返大學個mentor好有錢 人哋嗰種炒樓唔係普通中產同有錢人嘅炒樓 小朋友都係讀ESF Shatin College咋

耀中我識一個年薪幾千萬添！而家講緊名國際學校，唔係邊間學校有有錢 。有都講比例，最多好有錢人應該係HKIS同ISF

都係遙不可及

其實讀過神科都知好多IS都係不外如是，都唔明有咩好吹奏......

真，以前喺外國讀大學，啲讀IS 嘅同學都好廢，不過啲家長俾仔女讀IS其實又唔會介意佢廢，最緊要佢開心

IS仲要名校，的確好厲害

幼稚園考到係好彩

識投胎係專長

正常啦，眼紅都係人之常情，近距離嘅人成功會妒忌，遠距離嘅人成功先會覺得人地叻

俾得起學費，俾唔起個生活lifestyle。

如果真係唔係個個階層，小朋友入到去會好慘。反而係害左佢。

真人真事，朋友係唔錯收入專業人士，因慳家理財有道，年紀不大已有幾層樓。無靠父母泥講，資產一定已贏絕大部份既香港人。一啲都唔失禮。

但為人低調樸素，自住樓係千多萬細三房（一家三口decent enough)，無名牌、無養車。

送左囡囡去讀一間已係最平既IB課程既本地學校，幾百個人爭一個位，學費唔過萬既。

以我所知，裡面大部份都是一般中產，有少量家境特別好有司機住獨立屋的同學。

囡囡成日問爸爸，點解佢地咁窮，無車無司機，屋企咁細。因為咁，個囡讀得好唔開心，亦讀得好差。成個童年都在比較。

我唔會想自己小朋友同李嘉誠個孫做同學，人地搭直升機有如我搭的士咁普通。對心智唔成熟既小朋友，絕對唔係好事。

我有朋友兩夫妻都係高級既醫生，都話唔想送子女去讀GSIS, CIS, 比得起學費，俾唔起既係同階層既生活。有幾個醫生朋友、富二代都係送子女去esf。

如果你朋友真係勉強送到佢去，佢地一家係要痛苦20年。個種痛苦唔係講笑。

想知係邊間同學費幾多？

其實可能只係唔太熟international school個system，唔知嗰間係名校

我冇錢俾小朋友讀國際名校，只能夠喺地區政府喇叭小學嗰度讀。好羨慕嗰啲比得起獨國際名校嘅人。

我仔都係讀普通國際學校

一個月要幾多錢學費？

唔止學費貴，仲要好有家底先可以入到，除非係中四或之後插班嗰啲就可以係中產都有機會入到

唔係啦
果個朋友中產咋

係咪老爺奶奶或者外父外母好有錢或者父母係校友

都唔係

宜家同人食飯， 唔好問人住邊， 做咩行業， 仔女讀咩學校， 易得罪人， 講下去日本旅行就算

其實係架，咁樣先有教養，熟左要講自然會講

人好自然會同自己比較. 未必係啲朋友唔好，人之常情.