📌 朝早：威爾斯8A病房
共 51 條紀錄
朝早：威爾斯8A病房情況嚴峻
中午：訛傳香港成為疫埠 市民大肆搶糧
傍晚：淘大E座居民被送到隔離營
突發：文華酒店的那一個殞落
這名叫四月一日的香港故事
仲有幾多人願意記住
結果 呢一度成為咗有關沙士的口述歷史現場🥹
我會好好記住
好好咁將您哋嘅故事同下一代講清楚
有關呢一場屬於真正香港人的痛殤同人性光輝
當年我老母喺威爾斯內科病房返工 當時仲未知咩事 未有任何保護衣 淨係見到日日都打包幾件 喊住咁打電話返屋企 當時仲係小學生嘅我其實都唔知咩事 過幾年睇返先發覺原來我老母係英雄
那些年，坐在辦公室，仲以為愚人節講笑，結果原來沒有最壞，只有更壞
不經不覺已經23年
當年嗰個超級帶菌者，來自廣州中山大學嘅教授，我記得響二月尾入廣華，我好記得佢係夜晚入急症室，然後入咗ICU，第二朝我上E5去同佢照Portable chest，當時冇人知道發生咩事，大家都只係有乜就着乜入去同佢照X光，隔咗幾日先知發生咩事，然後我哋全部接觸過佢嘅，齊齊都要隔離檢查。
呢個教授就係住京華酒店，然後傳播晒比其他人，最後導致威爾斯醫院爆發。
難怪《再見UFO》選擇用呢一日做結尾
呢日真係好有代表性😔
記得嗰陣啱啱開始停課，停課嗰日就覺得有啲末日feel，最後一日上堂say goodbye，老師會話：希望之後大家健健康康返嚟，有人會講暗黑笑話：有命先講…
嗰陣會日日睇新聞，4月1日嘅六點半新聞，無記錯係報完體育之後又去番許方輝，佢個樣好罕有咁錯愕一下，講咗句好短嘅：「最新消息，歌星張國榮Xxx墮樓」
之後新聞就完咗….（如記憶有錯請指正🙏）
嗰陣睇完呆咗，同屋企人講，大家都好擔心唔知咩事（屋企人好鍾意Leslie 同梅姐），嗰陣無24小時新聞，屋企亦無有線、唔開電台，之後好似係睇睇下節目出banner講死訊，定等到八點幾新聞提要見新聞再開口證實先敢信….
復課後大家都好頹，打後成年都好灰底，年底梅姐又走，嗰年睇大事回顧係第一次睇到喊….
仲記得個年準備考A level, 然後就收到電話話哥哥喺文華酒店……，我仲話咪玩啦，點知🥲，由個日開始就知道，原來愚人節唔係講玩🥹
當年CUmed喺威爾斯實習，之後全中大個個書院都搞過畢業拍照，即係話，所有中大生都可能係潛在帶菌者…
之後，還記得宿生會拎住個冇乜電嘅喇叭仔，企上大廳茶几，呼籲宿生唔好返屋企，唔好俾病菌傳染出去，個大廳密密麻麻企滿人，之後，我哋返房打電話同屋企講功課好忙，呢排唔會返去住…
匿喺宿舍，睇卡謬。某個黃昏，ICQ傳來MSG，我哋仲以為係愚人節搵啲咁嘅嘢嚟講笑，後來先知，原來唔係。
呢個，就係我哋呢代人嘅再見UFO。
當時我哋都唔知自己經歷緊大時代，一回頭，就老了。
果陣我初中，係電腦（印象中係中學師兄開既news group）見話張國榮走左，但果日係4月1 仲以為講笑
曾經有位健康服務助理不良於行。
有一天，一位病人家屬要求助理拿取一個尿盤，於是助理幫忙去拿時，這家屬厭助理手腳太慢，說了句：「跛就唔好做喱行啦，阻住地球轉！」
一位護士聽見，忍不住說：「這是當年照顧沙士病人嘅後遺症！」
家屬立即閉咀並默默走開。
*補充知識：當年沙士病人會使用高劑量類固醇治療，但多人都出現骨骼缺血性壞死（骨枯）的後遺症。
唔知當年整fake news 果個中學生而家點呢？
03 U grad. 嗰年好難搵嘢做，自己借grant loan 又借咗一大筆錢，嗰一刻你只會諗盡快搵嘢做，盡快拎錢返屋企，盡快還學費，供樓。嗰種「冇得揀」嘅感覺，或者係97後經濟唔好，日日見到人燒炭，令到自己畢業之後淨係掛住諗點樣搵錢。搵吓搵吓，到生活真係settle落嚟可以去追夢嘅時候，我已經40歲了。
同埋梅艷芳都係03 年 12 月30 號因為癌症逝世
1/4係香港人永遠嘅傷痛之一
當年停左課
1/4無端端好多人去超市掃米
阿媽call老豆即刻去超市買米
原來係有人散擋謠言話香港係疫埠, 準備封關
到下午就收到著名歌星去世消息
當時以為又係april fool
點知睇到新聞時先知係真
唔係人人都係張國榮fans
但當時成個社會環境同氣氛
張國榮過身算係壓死駱駝最後一根稻草
我而家再寫出來都眼濕濕
03CE人，準備做會考炮灰，當日成日都係屋企，除咗開著收音聲聽新聞，開電腦就係開ICQ上迷你論壇同開著個Yahoo香港睇首頁，個日消息時時轉，最後一波未平一波又起，最以為搞笑既新聞變成事實。
有人冇咗屋企人，有人死咗，有人搞到抑鬱，有人開玩笑開全港大亂，又有人又因為淘大賺一筆
到而家仲有人揼春話當年無重錘淘大⋯⋯究竟個心有幾黑先講得出口發疫症財
沙士後 病毒專家 見意政府 起3個傳染病中心醫院，應付未來再有病毒出現，如果錢大部分去 高鐵 港珠澳 ×××工程，只係得1間傳染病中心醫院，終於出現新病毒，又一次 大量死亡數字 。
新冠正式屍橫遍野，
急症室啲輪候病床延伸至室外。
連屍袋、殮房都唔夠用。
要用凍櫃臨時做停屍間⋯⋯
（聽聞）啲遺體連樣子也認不到，要草草執葬
再見UFO最後一句對白正是2003年4月1日，當下在戲院內百感交集
記得當日已同家人到日本避疫，上機前政府仲唔肯認出事，我仲話三日內佢哋一定認，點知一落機，認咗，仲全港停課。
果晚去相熟酒店中菜廳食飯，部長見到過來閒話家常，突然問我哋其實係台灣定香港人，一答香港人，佢一粒聲無出，行開咗。。。
記得，我住D座。
那晚訓唔著，天光好早醒，望落街，睇住樓下突然出現好多政府車，再封樓。所以，應該是臨天光突然封樓，不是傍晚，謝謝。
由出世就睇住我大嘅醫生因為沙士走咗。
記得4月1日哥哥單新聞搞到屋企人勁唔開心，過多2日，4月3日我個醫生嘅死訊就出現咗喺新聞報導。
結果全家都喊到仆街......
有前同事提醒我，當年係要自己買豬嘴上ward照X光，當時我哋成班同事一齊集體訂購，仲有就係啲PPE用完係要自己抹乾淨，之後再用，冇得用完即棄。我响廣華好好彩，我三個老細都支持我哋，只要乜嘢裝備令我哋覺得安全就用乜嘢裝備，如果有其他部門嘅人唔滿意，DM話幫我哋撐。我訂咗個豬嘴俾我老婆用，點知上屯門ICU，要我老婆除落嚟，話會嚇親病人同病人家屬，最後我老婆都係要用返ICU供應嘅嘢。
當年讀緊幼稚園K3，啱啱停課幾日悶到嘔，日日玩game boy，彈珠台，訓晏教同睇卡通片，電話線上網太慢所以冇乜點上網，好chill但係又好百無聊賴。但見新聞日日報沙士死亡人數，都隱約感覺到社會氣氛好凝重。
我哋有返少少年資的一定知
但下一代呢........
10後我嘅，從來冇聽過關於任何沙士嘅嘢，冇學習過，更加唔知道佢係4月1號發生嘅。我只係知道佢係一個畀新官肺炎更加嚴重嘅病毒。🥲
當年今日雖然係唔開心..但起碼基本面仲未崩壞..
都不及今日謊謬咁令人失望同情緒低落..
果時沙士我仲係小學雞，小學雞咩都唔識，但都感受到四周圍好似打仗咁人人驚恐
因為自己都係住新界，又有親戚住九龍灣
所以成日好擔心身邊嘅人會中招
嗰年年頭啱啱喺加拿大完咗最後一個sem又未到畢業禮就返咗香港過年，點知一返就返咗5個幾月… 4月1號嗰日我仲約咗朋友食飯喺尖沙咀海運大廈個大電視睇到個特別新聞報道我同朋友都呆𨶙咗…
2003年4月1號我到而家都仲好記得
而家望返轉頭，原來03年的各式悲哀，根本算不上甚麼
當年20歲，過兩日生日所以去搵男朋友，喺怡和等巴士，對面就文華，接到電話話傳哥哥自殺，我笑笑口話乜玩到咁大。
原來所有只係開始，之後既廿年鑊鑊都唔細。
嗰時話香港是全世界第一個城市有這人傳人的疫症，（其實應該係廣州中山大學教授傳來）當年醫護界個個包括教授，醫生，護士，所有工作人員阿嬸等，好齊心，好勇敢去打呢場疫症，市民人心惶惶，加上leisle 件事，成個城市情緒好低落，好大間酒樓，只有一，二枱客
當日我喺街收到工人姐姐電話，話其他工人姐姐老闆order 要去超市搶購，佢打嚟問我哋使唔使，我老公答話唔使，香港物資好充足，返到屋企冇耐，新聞報導就出咗哥哥新聞，跟住我收到一個朋友喊住打嚟，因為佢係fans ，果日情境歷歷在目🙁
當日就像Samuel Pepys日記下，1666年倫敦大火前後的瘟疫
當日去旺角唱K，在女人街閒逛時從收音機聽到此消息
同日身心俱疲回家。家人說："張國榮跳樓死了"，還以為是另一個不好笑的愚人節消息。