📌 本人做左Graphi
共 85 條紀錄
本人做左Graphic designer 接近10年，
上年5月裸辭，因為屋企有事要處理
到今年1月尾先再開始搵工，
sd左25封cv都無interview，
有啲灰心，想轉行
想問下曾經做designers 嘅大家，
有冇人有轉行建議/轉行成功，發展新事業？
25封有d小講真，同埋呢個年頭designer要周身刀
我要再sd 多啲，真，依加designer咩都要識
呢個真！又要識graphic ,又要識web design,又要識拍片剪片，又要識影相！要周身刀，但搵好少🫠🫠
以前識web design已經吃香好多，慢慢有d template網，而家有埋ai，已經變咗個個都識既野了🙈
講講我自己經歷(略多字)
畢業後做editor, 19年轉 inhouse designer. 2022年尾見ai冒起怕未來被取代, r同行轉工做 mkt. 依家已經3X 歲, 人工仲係廿幾K.
19年 designer 嘅時候除左graphic 仲做埋event/exhibition, 傢俱類設計, social media , 兩三次室內設計, online shop, customr services, 同跟production house之類。係真心無人問過我識唔識🙃每次都頂硬上同即學即做.
依家姑且公司係請人上比到意見(非決策), 帶design skill in其他工, 尤其 marketing 會係 advantage, 但 title 都只會係 assistant lv.
然後目前公司有搵過大陸free lance, 一稿都係兩三百蚊😂in人時心入面都會有呢條數. 另外ai 已經係連排版都做得到, visual 只要抄 prompt甚至搵openclaw 安排都唔難. 成品已經好過公司嘅過往及現在 designer. 更唔好提一般重複性高嘅文職.
多謝你詳細分享轉行經歷，睇嚟轉行做mkt 都係一個出路，我見依加請mkt ，有啲要識做啲design 嘢，對比做design，你覺得mkt會唔會無咁忙？我都3x ，以前ot仲頂到，依加ot 唔到咁多
係呀, graphic designer真係任何design/同圖有關嘅所有事，都關我地事，而且依加ai真係好多有關圖類嘅嘢都做到，係暫時見係除左packaging 嘅生產圖未做到？
event 前準備時間夠唔會chur, 但要自己的起心肝提早計劃; daily routine 忙唔忙就要睇公司本身夠唔夠人, 我公司係充裕; 而且少文書開會present見客, 一般全世界可以準時收工. 結論我自己係無咁忙, 但唔再係自己做自己野, 又要對人交代又要吩咐/拜託人, 煩多.
關於packaging, 我諗你 design 叻可能做到, 但唔會係普通人理解同可以經ai做到住. 亦無咁好. d 自主性ai 要做到應該再要少少時間
不過搵廠生產, 物料, 包裝盒個紅線外框同尺寸(唔識術語) , 同大陸/香港廠生產溝通ai 目前做唔到. 應該話牽涉到尺寸同生產都係要人.
其實我都用唔少ai, 但要再自己 ps/illustrator 補漏調整先用到.
你講得啱，提前計劃同公司夠人就唔會chur，我都覺同人夾嘢同交代都比較煩，做design就可以專心自己做自己嘢，不過依加發現同人夾嘢同安排人做嘢，都係一種技力，我都要學習
係呀，牽涉生產同埋同廠夾嘢都係暫時未取代到
想知你本身以前係designer，轉左做mkt ，公司會唔會要你好多時頂埋designer做唔切嘅嘢，定只係有時會自己執下啲圖，大多數design嘢都係搵designers 同outsource 做？
作為mkt 我係公司最強嘅deisgner(笑
要頂呀, 同大多數design 我都係自己做. 因為兩任designer output都唔太達到要求, 可能係停留係上個年代嘅關係, 所以我會自己一條龍跟哂(窮, 要搏升職加人工
其他同事大多數野都係交哂比 designer 嘅. 但event / 展覽一個人唔會做得哂, 都係成team 分工合作.
公司會有個期望有呢個經驗嘅可以暫時(甚至長期)頂d design work. 咁呢d就要職場卸膊操, 譬如慢慢做自己野, 做到佢唔記得叫過你做/等唔切佢自己叫返designer跟🤣
但我同上司有共識係應該比返哂designer 跟, 情況唔許可咁解
小弟做Marketing好多年，都會Lead 埋Creative Team，認為Graphic Designer 嚟緊必需要轉型先生存到。
因為AI對設計行業衝擊實在太大，例如以往我哋做個campaign，做唔同size嘅design assets/ 廣告等等，一條細Team兩至三個人，做一至兩個星期走唔甩。
但而家基本上一個人兩至三日就搞掂晒，純粹係因為科技嘅突破。
所以未來設計部門嘅Head Count 一定會減少，我見證住上年年中公司Creative Team 由十幾人直接炒淨三個人。
雖然少咗人，但仍需要設計師嘅眼光同經驗，所以我覺得，未來轉型方向學識用AI係基本走唔甩，一個人可以做以往一個人嘅嘢。
第二，從你設計技能開始出發，增強其他SkillSet，例如做Social Media係一個好好嘅選擇，因為你哋有Creative sense，知道點樣整靚嘢，但係要整乜/ 點同商業掛鉤，呢個就係要學習的事了。
多謝你嘅建議，我會趁呢段時間好好鑽研AI用喺設計運用上，提升競爭力，快啲搵到新工
做左7年電影CG特效，然後由零讀書轉左完全唔關事既🌳行業😬就係想收工仲見到個太陽，但宜家連返工都見到太陽😂
多謝分享轉行經歷，做電影CG特效超勁，好似係啲好高難度嘅嘢，你指轉左做同環境保育有關行業？😆 全日都見到太陽個人都開心啲
宜家係管理樹木/植物既行業啦，完全係好唔同既野，不過我留係office 多😂但我都好慶幸自己可以跳出去第二行。因為之前OT 太勁，沒日沒夜咁，宜家早d 收工可以養狗狗🥰
我覺得你可以留意下自己鐘意d 咩，然後進修，永遠唔會太遲。
我同你類似，graphic底，都係上年5月quit，30日通知期內send左唔知幾多份cv出去都無interview，last day後得閒執執個portfolio，6月頭揾到工，不過都係做返設計，執一執portfo寄幾份出街即有2個interview，咁就有工返了
Graphic係惡做，打雜咁，普遍人工又低，又可能快被ai取代，轉到嘅話都建議轉…我以前都做過教畫同保險，不過都係慣左做設計😂 如果你識d social media，可以搵下marketing，依家d marketing都唔多唔少要人識設計…再唔係試吓考政府工，一係就試保安（不過我未試過保安，只係多人咁講，一失業就建議人去考返個保安牌）
剩Graphic好難生存
小弟做左5年in-house
Gaming,Ui/UX,f&b,tech
前兩年轉左做agency
暫時都算穩定
但係香港做designer都係做對手比較多
好少個客會比我地全主導成件事
但未想放棄住仲想用愛發電
不竟係自己鐘意做既野
女朋友係咁叫我轉行
但我好唔容易自滾到呢個價呢個post
我都唔係好捻到自己仲可以做d咩職業去fulfill 我日常開支同心靈
我唔想坐死office做excel
AI打唔過咪加入 唔識真係會被時代淘汰都係keep住upgrade自己
唯有自己係將d創意留返比d pitching 同freelance就算
自於搵工個度我係會整個website for portfolio 係易有人搵多d freelance 都會多d
共勉
May I hv your CV & portfolio?
係呀，要識做好多唔同範疇嘅嘢，人工偏低，做到Senior 都係25k 左右
依加轉會唔會好遲
香港做designer 真係慘過食屎，同埋好多香港PK公司都鍾意呃啲interviewees 做免費勞工（睇附圖），成個行業都好壓榨😓
試過轉行，做marketing ，雖然都係chur 但話語權點都大過designer，不過依家AI咁犀利，其實marketing都要做埋designer嗰份（文案/湊客/拍片/剪片/整report 乜都齊），都唔係咩好工
依家乜都AI，大部分文職都被cut，所以最好轉做HR/醫護/保安🥹🥹🥹🥹
依家好多公司都cut人手，真係完全唔敢轉工，雖然已經3年冇加過人工🫠
係呀，依加出面cut人cut 得勁，好多都係cut 一半人咁濟，工作量不變，人手減半，3年無加人工真係會有啲唔開心，但出面確實難搵工
而家香港搵設計工，個市場全部變左要支那式設計， 其實要做支那式設計根本就唔需要去讀設計， 我覺得係個社會倒退同人既質素品味要求下滑多過自己d野唔掂
做咗fashion design 幾年覺得唔適合，轉戰教育界，有幸搵到但完約之後對方冇錢續，搵咗一排搵唔返教育，一搵fashion即刻有
好明你心情，我做design 做到第5年，間公司日日ot 到最少8/9點，覺得難心好累，曾經試過apply唔同文職，試下轉行，點知sd 左好多份，嗰時有幾個interview 都無請我，最後再in design就有人請，變左就繼續做，做左接近10年
但你份portfo水平係點？之前試過要請個淨做graphic好嘅人，咩其他野都唔駛做，淨做平面，收d portfolio係overall 係hea多，仲要做graphic 自己份CV都排得好衰。
HR整走左一堆我收左10份睇完先搵到一個正常嘅in黎請，反而掉轉我覺得請個做得好又岩post做好design嘅人係好難。
嗱嗱聲去𨍭path 啦⋯⋯我後生都係做graphic/fashion design 崖到差唔多四十轉左才有好日子過！designs 係香港真唏噓
有 而家做緊marketing 😉
Design 真係做唔到長
尤其係香港
冇creative for designer
想問下你係點轉行？自己apply mkt, 定朋友介紹？
你好，弱弱咁留個言。做咗design 8年 ，最後一份designer工2X k咁走。依家做緊醫護，希望你搵到其他出路🫡加油！！
以前title 係web designer, 但有做平面各樣
之後轉工開始做UI 相關
再轉工到而家純做IT 打code
好犀利，由web designer 轉到做IT 打code，感覺好專業
本身想學多少少 css
係我上司犀利肯俾我由頭學
想當年入職連javascript 都理解左好耐
想當年ui 岩岩開始入市場易d 轉工
轉埋相關會更易多d 人工
遇到好上司俾你由頭學加上你比心機學，真係好好👍🏻 近排見好多ui ux design 位請人，唔知係咪要讀啲ui ux course定點先有機會入到
我沒正式讀過course
係用portfolio 搵工
市面都有course
但而家AI 都會整到出黎
有concept 同idea緊要d
Send左幾百封都無interview
希望依個page可以帶我轉型做男優
唔係嘅話下年去做看更
淨graphic 的確難搵，加上當你10yr ，又會唔甘心收得少
畢業出嚟做左6年切雞，發覺冇前途，自問又做唔到呀頭位置，28歲轉左做政府工。 而家做左差唔多10年，就到頂薪4萬零。
想問你轉左做政府工嘅咩post？
頂薪去到4萬零都好勁
本身做開marketing+design(AI+PS),已轉行做醫護，閒時做pt design,都ok，只係犧牲私人時間
咁都轉得好，正職收入穩定，有時又可以做啲pt design ，做啲有興趣嘅事
已轉行數年，設計行業好窄，除左熟年介紹可以快搵工，一係就行內好勁好出名，如果10年都平平，人工又一般，真係轉工無咁嬲，send cv又係年齡越大回覆越低，加上年年一堆畢業生，做普通文職都差不多人工，又唔需要ot,先工作維持生存，再慢慢發掘有乜可以發展嘅興趣啦
真，做文職人工同design差唔多，同唔駛ot 咁勁
做設計耐連對設計熱誠都無埋，9成設計師只係聽從指令嘅砌稿員，仲無ai咁快。ot原因多數都係啲不合理嘅要求，睇化咗
係，做得耐，發現ot 9成都係不合理要求做成，例如一早sd俾人批，臨收工先嗌你改仲即日要😵或者臨收工先話有啲好急嘅圖要你做或改，真係唔睇化都做唔落去
跟本無公司肯再請senior designer, junior 就大把
我見依加design市場好兩極化，多請Junior/ AM / M, 唔見Senior 位
做咗10年而冇轉做freelancer, 會唔會係有啲特別諗法？ 自己覺得design 從來都好難做到老，一係自己開公司，一係轉做management
你有冇試過係upwork成功搵到freelance?
呢個平台洗吾洗$？
未成功搵到，試左兩星期，要俾錢做會員，同埋申請過程勁複雜
你有冇其他freelance 平台覺得ok?
你中唔中意design先，未去到好中意就轉行啦，同埋25封好少0者，做左10年百幾二百封好平常，除非你cv好有料
其實問題係你有咩想做，你興趣係咩？個個人都吾同其實你好難參考既喎。
我喺興趣都係做設計，畫圖同埋整手作，其實轉文職都唔係最想，只係未搵到design，有啲心灰，先有轉行諗法
我就會建議你去學AI再點操控設計軟件去做設計，因為你就算轉行，一定吾會比咩好位你做，反而，食正AI再配合設計反而會有優勢。
明，我send左至少200幾封都無回音，但係好彩一路都靠referral 所以有工返，但都想考gym/pilates牌試吓新嘢
唔係轉行 係開多幾個瓣數比自己
路不轉人轉 keep住有計
就係咁
冇轉工，不過我嘅design已經9成用ai處理，剩底嘅時間做返傳統行業
想問係做咩傳統行業？同埋ai 我暫時都係用gemini nano banana / firefly gen 圖
有冇其他覺得啱design用可推介？
25封好少，我最勤力嘅時候係迫自己一日3封，一個月90封，send夠100幾封先有3個interview，25封繼續努力吧！
做agency 多，曾經做過1次in house，想再轉返做in house
Inhouse乜都要識 可以隨時補位😮💨 不過遇到個好老細嘅話都幾好做🤓
做graphic designer 10+，轉行去做BD 有2年，但係仲摸緊條路點行
BD 即係business development? 係點入行架？🤔
係呀，我去讀businesses management 再搵sales工再轉BD 😂