本來返工就唔係一件開心嘅事
同啲同事唔係太相處到
同佢哋唔同頻
佢哋會用佢哋嘅角度去睇件事
然後再套喺你身上

即係對上司有禮貌少少，佢就會覺得你係擦鞋

個人心情唔好靜咗少少，同事某同事做野俾人讚
佢哋會睇成，我唔抵得人.. 唔高興

班人圍埋冇嘢做，就係咁講人是非
不停咁去估每一個人嘅行為目的係乜嘢

開頭佢哋熟嘅時候間中傾吓冇乜所謂
但係每日講幾次放工繼續講.. 咁又覺得多得滯
仲同我講，覺得自己修練緊
話人哋心地唔好會有業障，但係佢哋冇睇到自己嘅行為根本就一樣

實在冇辦法同佢哋相處落去

市道唔好轉唔到工...
唯有喺工作上做完自己嘅嘢夠鐘放工就算
但係每日面對着佢哋啲嘴臉，始終都係會有啲唔舒服


唔使唔開心哦。
本來人就係獨立個體，
唔好有個種人人都願意陪你既期待
當然遇到可以同聲同氣嘻嘻哈哈的同事日子會好過D。
無都繼續做好自己的工作。
唔好祈求每個人都稱心滿意，
每個成功既高級大人都係由唔係太成功、唔係太易過的日子熬過黎。
總有人會欣賞你的，真係覺得唔開心就換過環境啦

你睇得清佢地就即係無謂俾啲低層次嘅人令你覺得難受。
你頂得到佢地啲咀臉反而係你修煉