本身今日開開心心諗住去同人展出cos
攞住幾套衫去搭地鐵
點知一上車就比憨鳩阿伯睥住
全程睥到我實一實，咁我都唔憤氣睥返佢轉頭
到佢落車果陣行過我隔離講左句：“不論不類唔知醜”
聽到佢講呢句個人真係勁㷫，想鬧返佢地鐵已經閂門
雖然間唔中出cos搭車都經常比人用奇怪嘅眼光望住
但比人出聲鬧都真係第一次！
最睇唔起唔尊重個興趣廢佬。香港成日會出現呢啲廢佬，我帶娃出街已經預過，不過俾我屌到走咗佬。
出cos搭地鐵真係要有強大心臟，成日要準備俾人望住晒
我都睇，係因為覺得真係好睇，好想讚但又擔心對方報警 😂
唔洗理佢，佢見識少，都有老人家睇得好開
曾經RG call的士去九展，個的士司機60-70歲
上到車吹水以為佢會不屑cosplay
點知佢話好欣賞cosplay ，每個年代都有佢地cos嘅種類，佢個年代就係扮關公 孫悟空，雖然無依家咁精緻，都有人話不倫不類，但佢個陣玩得好開心，叫我襯後生玩多d
成程車傾得好開心，落車個下仲叫佢個兩日接多d九展客賺多d🥹
個阿伯真係好過份，著咩衫關佢咩事，自己唔識欣賞就算仲要出聲
上一輩嘅老人家一生勞碌窮苦 由後生苦命到老 見到呢一代年輕人生活咁多姿多彩梗係眼紅😌
香港表面開放內裡保守，好多人見到cos都會用D奇怪嘅眼光望住，唔想煩出cos最好都係call車好D，call lala van仔可以平D
試吓下次call車啦，我而家出親cos event都係同frds夾Lalamove，車大有位擺野而且價錢平過的士
i人冇coser frd/親友 每次出cos來回call車都幾甘下🫠
以前cosplay 既人都比人話架啦！到依家咪個個走去cosplay 變哂質架啦！呢些老人家唔知咩黎，無接觸過係會接受唔到時代變遷左幾十年！佢哋思維係維持係舊時代什麼都冇既時代！同同性戀者一樣到依家都無法接受一樣！
有時見到啲人Cos 得靚真係會想望多兩眼
但我個樣實在太sus 太猥瑣… 怕被人當成變態🥹🥹
外面真係太多呢啲唔尊重興趣嘅廢老😿
Longman 你身材可以cos 異世界叔叔
夠哂猥瑣
香港包容力真係好低…唔好話出cos，著得日系少少(唔係指GU U記啲文青風)都會比人望到實一實🙄
出cos為開心，唔好比黎啲人影響！！
我次次都係full set出門，從來只望自己手機，其他人有冇望過黎有冇umum噚噚我全部當睇唔到😎
有乜好嬲啫....咪理人哋啦,特別係啲老坑食古不化,見唔惯啲新鮮事物係咁㗎啦,開開心心去出cos好過啦…....
如果真係地鐵咁樣畀人 咁樣望住.其實我建議直接通知港鐵職員並引用港鐵附例有關不得騷擾其他乘客嘅條文佢要求嚴正處理其實理論上 可以報警!
唔駛理佢，香港人有時啲思想真係好守舊，你又無做錯，又無影響到人，做自己鍾意嘅事都唔得？
老一輩既人著古裝，佢哋個腦冇辦法接受新事物，我哋唔好同即將瞓落棺材嘅人計較。
請問一下自從無咗9展之後，現時同人展都會係邊度舉辦？成日係地鐵會遇到去唔同地方嘅靚靚cosplayer，想上前合照又怕打擾到對方🫣🫣
我遇過一個好姨姨，唔識動漫，但佢對cosplay妝髮好奇同欣賞，仲禮貌咁問影相
呢啲人現實中其實好失敗，佢哋只係想刷下存在感，一諗到佢現實慘到咁我又開心返，畢竟香港啲阿伯基本都好黑人憎🙏
又唔洗唔開心，除非你包哂頭巾，係佢思想上你出黎可能已經不倫不類🤷🏻♂️
無謂為左咁小事煩
我搭車遇到，會欣賞cos的用心和漂亮
好羨慕可以有條件cos
我冇⋯⋯
我本身留長頭髮 屋企樓下成日有個阿伯見到我會睥住我
應承我 下次培養出一個反射動作 再遇到呢啲人 要有個急才 下意識，第一句係咪都屌咗佢老母先 刺激吓佢情緒都好 🥹
諗返起呢，我之前出原神芙寧娜，一行到去地鐵站就有個阿姨望咗我一眼之後就同隔籬嗰個講話「嘩嚇死我成隻鬼咁」其實嗰一刻真係好想發脾氣。
我都試過出cos落樓下搭巴士比個痴線佬鬧，當時我同男朋友一齊出但係條友淨係指住我嚟鬧
呢啲垃圾淨係識蝦女人😂都唔知得我一個嘅話佢會點
之前試過畀一班大媽話我係靚模，但我出緊男人，荒謬到好好笑