本身喺譚仔食米線其實係一件幾自由嘅事：可以揀想食嘅餸、湯底、辣度、麵底，仲有其他多、少、走等等嘅選項。

但係譚仔三哥近呢一兩年嘅推廣全部都限制顧客嘅選擇：所有新出或者特色嘅湯底或餸都一定要配某特定套餐。對於我呢啲偏食嘅人嚟講真係覺得好煩。點解新湯底冇得喺自選米線湯底嗰版揀？點解n餸米線套餐入面嘅餸唔可以自選？點解新餸一定要配套餐？

基於上述嘅問題，我唯有行使另一啲嘅自由：一係唔幫襯、一係食番平時嘅嘢。

譚仔（非三哥）喺呢方面就做得好啲。以今次雞髀米線為例，大家都預設清湯，但係非三哥就可以揀加一蚊轉麻辣湯或者兩蚊轉茄湯，三哥係完全冇得揀。

同埋呢 佢份量而家好少
我最後一次食佢兩餸 食完好似冇食過嘢咁
而家我去幫襯佢唔食過橋係唔會食得飽

同意，本來譚仔就係好似車仔麵咁任揀，你研發啲新餸同新湯底俾我咪得囉，點解要限制我成碗咁樣設定好呢？

終於承認偏食😀😀😀

I never deny this

推廣米線都玩咗5、6年了，可能佢加新嘢，驚淨係個湯或者餸賣得，另一樣變蟹貨啩

但係最近越嚟越離譜，麻酸辣湯四送米線套餐，我唔想食翠玉瓜同酸菜，連搵嘢取代佢兩個嘅選項都冇。特濃茄湯套餐又有類似問題。下午茶湯底選項又係另一個問題。

我記得之前有一排水煮湯都可以喺湯底選擇度揀得，而家都冇了。

根本冇喺顧客角度考慮。如果係蟹貨問題，一係就唔應該入，一係入少啲，再唔係就係特價畀人加。

最近啲新湯都係原本啲湯左溝右扣溝，冇乜誠意

水煮之前有應該係係因為火鍋做緊？依家冇其他推廣用水煮就停咗

就係左溝右溝都冇得直接加，逼人食套餐 🙈

平時麻辣湯同酸辣湯都係加1蚊
麻酸辣湯比盡加兩蚊我都可以接受