📌 條路太多巴士搞到塞車
共 71 條紀錄
條路太多巴士搞到塞車？到底係邊個阻住邊個？
睇返2023 年嘅數據：喺過海隧道嘅車流量入面，雙層巴士其實只係佔咗 4%，但佢哋載咗足足 44% 嘅乘客。
即係話，一架巴士用最少嘅路面空間，解決咗多達百幾人嘅出行需求。
如果唔畀巴士優先，其實係將寶貴嘅路面資源浪費咗喺低效率嘅私家車上面，要全車百幾人陪幾架車一齊塞。
安全問題，你後面冇車就當然讓，條路都順啲。但係後面有車跟住，你收慢/停車讓巴士，打曬死火燈都唔擔保後面啲車知咩事跟得住收慢，咁樣好易追尾串燒。反而係拉長巴士站，唔使巴士起步直出，巴士都易啲搵到位出。其他車早啲見到巴士已經有咁上下車速打燈出，讓線唔使急減速，對大家都安全啲。
香港揸車人士成日覺得自己有特權，咩阻到佢都會屌一餐
睇咩區啦，旺角嘅話塞車真係一半都係因為巴士，一大堆巴士喺同一個站度，然後啲站幾十米就一個，埋站離站互阻
啲站放疏啲解決到一半，但要啲人行多兩步好似攞佢條命咩
我比額外既錢，係買緊個舒適的道路使用權。而加你仲要將巴士既普遍使用權擴大到優先權？咁我比額外錢買既舒適去左邊？
同埋呀，我搵到錢買舒適係我本事，點解到頭來變成我要比懲罰？
以為控制私家車數目就可以改善交通，同以為加煙稅就可以降低吸煙率一樣噤天真
知唔知馬路上十架有七八架巴士埋站馬虎求其龍頭鳳尾阻塞交通？
其實有人一人住2千呎有人5人住300呎都浪費空間的，連社會金字塔點運作都未知，行共產好嗎？
你自己出錢買兩千呎樓唔會阻住人，但馬路係納稅人公家資源。將高效率嘅交通工具放第一位，倫敦、紐約、新加坡全部都係咁做。定係你覺得呢啲發達城市全部都行緊共產？
以前響外國有份參與town planning 有關公共交通的項目，其中一項是集體運輸跟巴士類的分別。巴士途經路線不能跟集體運輸重疊，所以集體運輸會用於跨區／市，而巴士只用於連接區內至集體運輸站，從而減低道路負笴。
朝早就知根本係班家長車成鳩日炒車炒到塞🤣 一日唔炒車一日就順到仆街
香港d道路網絡係上等嘅水平，但係管理嘅策略就係土著嘅水平
政府心態係「mode agnostic」，傾向將路面所有交通方式平等處理。但咁樣根本忽略咗各種工具對社會嘅成本、空間佔用同門檻完全唔平等。
如果將私家車同公共交通一視同仁，實質上係用公眾資源去補貼效率最低、造成社會成本最高嘅出行方式。
你講既只係理論 同實際另一回事，唔知你記唔記得好幾年前(唔記得社運定疫情)有一輪巴士減班/停駛，當時車流量係非常順暢；
對比依家，巴士龍頭鳳尾，再加多架騎中快線等埋站果架出線造成三線阻塞，咁正如你講果句：到底邊個阻住邊個？
最後重申一點，單計巴士我唔否認佢係地面最有效率既交通工具，但前提係巴士唔會造成交通阻塞，否則效率真係隨時不如小巴同私家車
理論係啱
但巴士公司司機既實際運作係點？
彌敦道幾多巴士都係用碌車既方法揸？太子行到去佐敦要一個鍾你有冇見過？
巴士入站出站頂晒三條行車線有冇見過？
私家車係路過馬路 點對點上落 車程5分鍾行完太子至佐敦
巴士係沿路不斷上上落落 再加啲司機碌車 車程1個鍾 你又點計？
太子啲燈位塞半個鐘都得
就係因為俾轉入彌敦道夾硬停喺黃格嘅私家車頂死
所以到最後
香港塞車係唔關巴士定私家車佔幾多路面既事
係全部道路使用者駕駛習慣同唔守法事
不嬲都知係私家車塞死香港
每次無曬家長車已經順好多
有冇啲研究係關於十幾廿架巴士一齊埋站同啲巴士騎兩條線落客對交通嘅影響？
上次俾架一架p牌同一架旅遊巴塞左系架巴士度成粒鐘。
其實彌敦道係咪可以起個BRT系統或者禁行巴士時間段呢🫠
香港路面太窄，又無位泊車。
而班私家車司機太多mk, 應該加牌費去整走佢哋。 學新加坡咁就岩～
政府的運輸政策以鐵路為骨幹，巴士為輔，所以班次無以前咁多，令不想搭MTR的人選搭uber/的士甚至揸私家車。其實巴士與鐵路甚至渡輪本應相輔相成，若然不提供便利的選擇及誘因使市民選用巴士/渡輪，反而盲目以行政措施規管，這種剝奪選擇的行為同懲罰市民有何分別？
你呢個諗法理論上係高效，但係實際上未必。俾兩個例子，紅隧港島出口往告士打道堅拿道同西隧港島出口慢線中線，呢兩個位巴士都要cut線先去到要去嘅方向。我早排有兩次要平日7點前車龍準備形成嘅時候揸車過海，接幾個人去機場我哋飛早機，都觀察到條車龍就係巴士/其他車互cut收慢做車龍源頭。你呢個優先路權概念，唔會減少咗互cut嘅情況，因為呢個cut線係必須。其他車收慢停低讓俾巴士過晒先，一樣會塞返入隧道。所以我覺得，入隧道前要所巴士以外有車，選定目的地行車線，俾其他車預早入線又預備好安全車速預有巴士會cut線，減少不必要嘅減速停車。
網約車合法先會減少私家車，政府抽水要報稅買商業險利潤減少，有些兼職窮養車會唔養。😌
但係你又有冇諗過巴士慢又成日停
停仲要阻住其他人要等佢
一個人上落已經阻到塞車
同埋一部車坐到五個人
一個家庭一部車其實都好正常
改善交通唔係話私家車少啲就得
係睇design條路
同埋跟唔跟規矩
eg 兩線情況下巴士停站用一條線都仲有一條走
但係巴士停斜塞埋第條線就塞死晒
好似電梯咁
左行右企明明最有效率 偏偏搞兩邊企塞死晒
現實跟本冇可能人貼人咁理想
一定會相隔開 所以咪搞到所謂嘅  「幽靈塞車」
一個家庭一部車好正常,
這一句跟政府高官說既話一樣堅離地喎😂
有能力嘅咪買車冇問題，一部車有幾貴2/3萬蚊都有啦，係香港先咁on9當車係所謂嘅奢侈品啫
生仔仲貴過養車添啦
香港絕大部份道路上既7人車都係得1個司機係入面
部車又大又高身阻住曬視線又鍾意霸住條快線
限制左d 7人車先再講其他啦
你講得啱，等咁耐冇人會想搭。
巴士要有吸引力，班次同穩定性都要提升。
三十年前嘅新巴咪試過車海戰術囉
之後發生咩事？咪就係成個港島俾啲巴士塞死咗 仲要踢啲二手巴士返歐洲囉😁
其實好多巴士站位置係賺錢優先，唔係交通。日日行觀塘道嘅我咩時候會覺得巴士最阻住？ 就係觀塘道近牛頭角落橋位，巴士一落橋就要cut 入慢線埋站，同埋裕民坊附近，一出站又要cut返出去快線入觀塘站底嘅隧道。基本上吓吓都一架巴士阻三條線。
以前外國學車，師傅成日教，其實揸車已經快過舒服過唔係坐私家車嘅人，咪讓吓人囉。抱住依個心態揸人都無咁火 😂
根據運輸署最新公佈嘅 2024年《交通統計年報》數據，私家車的平均載客人數（已包括司機在內）依然維持在非常低的水平。絕大部分監測站的 16 小時平均數字介乎於 1.3 人至 1.5 人之間。
即係大部分時間車輛都只有司機一人，偶爾才會有額外乘客同行。
你講一大堆都未答到上面位師兄講你假設巴士係滿載
的確唔可以假設巴士永遠滿載，但私家車絕大部份時間載少過兩個人，數據上係成立。你可以話張圖誇大，但唔影響結論。巴士路面運載效率點都高過私家車。
巴士阻路當然唔係行緊嘅時候, 而係幾十架一齊等埋同一個站嘅時候
依家計到好盡
幾十架一齊埋站一定係多客時間
你將啲客拆返哂落私家車
保證條條路都塞到郁唔到
冇客嘅時間
廿幾三十分鐘一班架喇
同埋你都可以諗下，其實會唔會係用得私家車嘅人係真係有需要先揸。繁忙時間過西隧一程要60蚊，港島最平泊政府公眾停車場朝9晚6都要200幾蚊，當揸油車，住新界要過兩條隧道，一日揸車通勤成本成400幾蚊。400幾蚊一日通勤已經嚇走好多人。會唔會用得寶貴馬路資源嘅已經係肯俾錢，又有需要嗰班。當然都會有一啲係唔志在400幾蚊一日，大把錢嘅。
469 = 馬路霸權 L , 同佢地講效益 佢地睬你都傻。 民智未開就係民智未開。
一望到呢個Po 就諗到每到rush hour啲巴士係龍翔道彌敦道觀塘道塞巴士
呢個Po真係得啖笑🤡
塞巴士呢個係事實 照照早排埋啲咩筆架山花園 豐力樓同天馬苑呢啲濕鳩站但係唔係無人上落就係淨係服侍一兩個人 呢啲唔係浪費時間咁叫咩？
Btw唔揀巴士 仲有鐵路可以揀
試吓唔好咁二元對立？🤡
塞巴士係事實，但唔見塞私家車更加好喎，全部人轉哂私家車就唔會塞車？
我從來都無二元對立，問題係鐵路覆蓋唔哂全香港，你示範下點樣搭鐵上豐力樓？🤡
一直個模式都係以鐵路為骨幹，以路面大眾運輸為輔，作為鐵路接駁或者作為特快直達路線，個重點係減少私家車
繁忙時間最阻塞交通嘅係：
1）巴士埋站
2）家長車
3）唔撚柒識揸車又要喺條快線揸限速-20嘅仆街
你呢個argument搞錯左一樣野
停喺度嘅車先會塞車，唔係多車就會塞車
一條彌敦道一架巴士停七至八次，私家車可以一下都唔停（全部雙黃唔停得），造成嘅塞車效果差好遠
下下剩係用人數去比咁實你贏架，試下用影響道路capacity去比？慢線基本上搞到廢左架啦…有時仲要係中線玩單擋，阻礙左既時間可以比幾多架私家車通過？
再者，香港仲係資本主義社會，車主年年比咁貴牌費保險，反而仲要無優先權？
每晚銅鑼灣，就係俾巴士塞住咗，
由銅鑼灣塞到落天后🤷🏻♂️
睇見左面張圖就唔開胃，成堆人擠埋一齊好撚嘔心，點解可以接受到日日咁迫巴士，好似番去九龍城寨咁，迫埋一齊係最高效啊，但呢d好野留番比你啦
最慘係起極都唔係你同我住
搞到香港愈來愈多人
BTW政府仲話可以容納1000萬人..........
加速換血嘛
大6爛尾樓多到爆
地方多到爆
香港細到爆就填海
有人冇樓住
有樓又冇人住
本身都錯鳩晒
你呢啲乜撚嘢page嚟？ 全民行路好唔好？唔係個個有錢搭巴士㗎，夠公平未？
知唔知要改善香港交通環境 靠嘅唔係紙面上嘅theory 而係對香港馬路交通切實嘅了解？
應該係巴士排隊埋站搞到冇左條線，左線行唔到就cut中線，搞到中線慢車就cut快線，最後3條線都塞哂
一架巴士就唔塞姐
十架廿架巴士等埋站又上落客 就唔係咁講啦
同埋私家車多數點對點地方
中途唔會停低塞住晒 變相佔用同一個位置小過巴士好多倍
路面資源係取決於規劃
如果人口上升咁揸車同搭車都係上升架 唔會得渣車嘅人多咗
我支持巴士作為更環保交通方案,但係我覺得你咁樣分析就好偏面.
根據你比較個方法,如果我地睇下過海隧道前兩個站數據,例如愛民邨站,我地好可能見到8成巴士埋站都係只有乘客上車而無落車,言則唔通我地又可以話8 成巴士乘客其實係被巴士兜路,浪費時間同資源? 相比汽車點到點行就更加環保?
D 私家車仲要成日炒車…
唔讓/督油/超速….
不過咁佢地有俾牌費、煙梳
炒都係應份。