📌 樓主唔開心踩低女人
共 34 條紀錄
樓主唔開心踩低女人
個個都話要體諒
終於有人call out呢種行為（多謝白水）反而俾人鬧唔關心男性困境
男性表達自己情緒困境嘅同時踩低其他人都會有成班人背支持
反而女性無啦啦俾人踩有人出聲都會引起反彈聲潮
你同我講男性困境係who fkn cares?
真正冇人care既係邊個大家心知肚明
一個陷入低潮嘅男性喺網上面隨便吐吓苦水順便鬧兩句女人都可以令女性又成為風浪嘅中心同一切過錯嘅責任背負者
https://www.threads.com/@lauthreeho/post/DWit6RtFDKj?xmt=AQF0QsfRB5I-VvY2Doy7SaYCAZZejXnIEMjVcgtx06UaXm7DL9jPPJb4N6jizTzjoD_x_M0&slof=1
平心而論 女性的確比較易受到關心 到底邊一句有踩底女性？ 佢只呻下做男人比人忽略情緒姐😅 身為女性我都問曬大號
發覺今次全部反對白水論點嘅人，都係忽略或故意忽略原post話「女仔一個眼神一個神情一張story一堆噓寒問暖」同「多一根苦一生已經成為我人生格言」呢兩句
所謂嘅女性比較容易得到關心，我覺得正正係因為女仔知道做女仔有幾唔容易，所以會互相支持
個事主冇男人關心，最後個結論居然都可以賴落女人度🫠
唔係應該鬧返啲男人點解唔關心佢咩？
同埋個咁諗完全係魚蛋輪嚟㗎喎，覺得女人有多啲人關心呢樣嘢傷害到佢😂
你好，
我明白你提到『男性吐苦水時踩低女性』呢點確實係唔啱，亦都理解點解呢種行為會令女性感到受傷害。我絕對唔係支持呢種言論。
我只係擔心，當我哋用同樣強硬嘅方式反擊一個本身已經覺得被遺棄嘅人時，會唔會令佢更加極端化，最後反而離我哋想達到嘅平等目標越來越遠？我嘅出發點係想點樣可以令依件事唔好變成長期嘅仇恨對抗。🙏🏻
喺依件事上，我認為當一個人喺網上覺得無人care佢，而換嚟嘅風向，又真係無人care佢，咁無論男女，我都係會咁講。
可能你真實生活唔認識我本人，所以一兩句網絡嘅說話，你就覺得我係妖魔鬼怪咁。而既然你咁樣「覺得」咗我，我可以做嘅都只係可以幫自己講句說話。
我認為我出嘅依個post，並唔係要開一場「你死我亡」嘅戰爭，如我開初所講，喺「理論上」我本身就同意白水老師講嘅嘢。依點無分歧。只係我認為，對一個覺得緊自己無人care嘅人，喺結果上換嚟咗一場逆風過佢嘆，咁喺依一單case上，對一個人係咪好呢？
當然你可以覺得咁係好嘅～可以覺得佢抵死嘅係應該畀人連珠炮發嘅～咁都ok！無問題！只係我個人覺得咁唔係最好～
原po邊句踩低女人😅你可以唔讚同話佢屈女人，但點睇都冇踩同鬧女人嘅成份吧😅
其實個原po真係無表現出「男人好慘，女人就唔同呢勁容易有人關心」咩？
白水老師只係陳述「其實女人嘅處境唔係你想中咁好」同「係父權社會令到男女性都困難」。
用子華嘅魚蛋比喻講就係，
原po覺得女人串魚蛋多一粒重有甜醬好唔公平，自己好唔開心
白水出嚟講番其實大家串魚蛋都臭嘅，人地所謂多一粒魚蛋同甜醬更臭，無人要求要都無人想過要
去令原Po唔好用呢種無謂嘅比較加強自己嘅好慘感到
咁好多女人都會想做男人覺得男人好易做，又算唔算踩低男人呢？
而你認為男人講女性比人關心多d，動機會唔會係想有人都會關心佢？而唔係魚蛋論？
再者女性困境已經有足夠聲音，有浪潮，甚至似呢種表達都要被公審，無法訴說變成白色恐怖，又算唔算係壓迫？
咁女性受迫害，本身都係指男性係施害者，咁構唔構成踩低男性呢？
我未聽過地球有人唔開心到一個點係可以字字客觀，更冇聽過有女仔唔開心講錯野被糾正係會開心翻，只知道一個真理: 就係人唔開心係同個人經歷有關，以一個咁大既道理一野轟落去否定情緒，再比人抽字眼去講，完全冇任何同理心可言
下次唔開心，唔好怪人過於理性，唔識同理你既心情就得
其實樓主表達既正正係好多男人面對既困境
好多時男人無意去踩低女人，
男人成長係白水講而家係父權社會
説話係容易引起女性既不滿
但係咪有心？相信好多人除左個堆噁男之外
都無意引起對立
奈何演算法/社會風氣有意間引起對立
而一個有哲學背景既男性唔去運用其能力
解釋該樓主面對既困境
從而化解兩性間矛盾
而去講一埋異性岩聽既説話
我無法評論白水立心如何
但肯定既係佢講完之後
男女間既對立
由林村河變咗今日既台灣海峽
靚女咪會多d人關心囉，我由細比人蝦到大，從來冇覺得過做女人有咩咁好，仲覺得係香港做女人好L慘。
其實我覺得大家可以鬧少d交，互相反駁會沒完沒了，不過thread 就係鬧交平台，幾乎不可能有共識，香港男女情況較好，覺得可以互相理解，但恐怕不能在這裡 😂
其實樓主幾時有踩低女人？ 咁都叫踩低，咁日日都有大把女人踩低男人🤭
男人自己唔開心：女人唔開心就咁多人安慰 我就冇😭做靚女人easy mode
無端端諗個假想敵（女人）出嚟鬧 女人又輸😭
同感，但唔敢講😂
好多人對父權社會、厭女文化都冇認知，其實同佢地討論唔到
最後只會俾人鬧（好似白水咁）
送個虛擬抱抱俾你 🫂
佢冇踩但冇必要提，因為男女都有各自困境，唔係做女人就一天光曬
佢一提就變左兩性大戰，各自出牌鬥大細
但最後唔會有人贏
冇性別意識嘅人，其實都係內化咗父權主義思想去睇呢個世界，
但又冇發現父權對自身、各種性別嘅壓迫，
所以會睇唔出原po邊度有怨女成份。
咁都踩女人，就嚟呼吸都踩緊女人，男人呼吸釋出二氧化碳迫害緊女人呼吸權利
最接近係呢句:「女仔一個眼神一個神情一張story一堆噓寒問暖」
點睇都係抬高而唔係踩低喎, 講緊女性較容易得到關心比較幸褔都計踩低, 你都太被害妄想。
咁換個主體, 一個非洲細路講:「美國佬開個水喉就有水飲」是咪又係踩低緊美國?