📌 每天坐在妳隔離，同妳
共 54 條紀錄
每天坐在妳隔離，同妳頃談不多，但你的離去，仍然很不真實。
看到妳的最後掛著的衣服，還放在檯面的水樽，我其實很難過。
中午聽到妳的飯腳一起叫外賣時，我總留意少了妳的聲線。
工作上的喜怒哀樂，其實沒有把這件事情忘記。
各位若要 Hea 回 RIP 三隻字，就不用對我說了，我還在，不如用這一秒，放下工作，娛樂， 感受一下我的心情。
🫂
之前我best fd人在海外，但十幾年來日日都會text傾偈
成日都有好嘈嘅line 提示音
直到佢車禍離世，佢出事前兩個鐘仲sd 訊息幫我諗點樣搵客
而對話紀錄就從此係果日定格
身邊人意外離世的悲傷感
好難放下，每到某d時間都會諗起
但係可以講出黎，其實都幫助好大
算係一種悼念，令佢繼續係回憶裡面存在
佢枱上嘅所有嘢都好得意 擺放得好整齊
深信你同事係一個可愛好有童心嘅人
希望佢一路好走
祝福佢嘅家人同朋友安好
我都試過有個好fd既同事，好努力醫病，有日放緊紅日假期一朝早收到電話。。。
岩岩睇返whatsapp 最後一句我問佢1/ 10結果真係去見佢最後一面。。。。
R.I.P
後生做IT support 都幫手收過離世同事機 佢係跳樓死的😩
我老細 仲好冷血咁話 唔明有乜壓力😩
好多野不到我哋控制，珍惜每一天。
我十分明白嗰種唔真實，幾十年前，我有一位舊同事也突然離開了，當年我得18歲幾， 離開了的舊同事只也19歲幾，大家都係剛剛升職無耐，我休息日收到公司電話仲以為係講笑，明明前一晚收工前大家仲有講有笑。
隔日我去圖書館搵報紙（當年係可以去圖書館睇舊報紙），直到睇到報紙登了佢既事才覺得係真既，這是我𢤦事以來第一次面對人生無常
保重
燒炭，當年仲未推廣精神健康，如果用而家既知識，就係抑鬱症
唔好自作聰明。可能屋企人唔想洗。係佢用過嘅嘢，想keep..一
其實每日返工見同事嘅時間仲多過自己父母，真係好似家人咁，我每一份工要離職時唔係唔捨得份工 。。。 而係 d 同事。
希望你能夠比自己好好懷念佢，多諗佢嘅趣事、烏龍嘢，比時間自己慢慢回味，回憶都可以變成幫自己走出唔開心嘅時間。
亦衷心祝福你同事可以一路好走 🙏🏼🙏🏼🙏🏼🙏🏼
我係佢好朋友🥹多謝你呢一位咁好既同事對佢既離開感到不捨！佢有你哋是人生中每日既相伴共事係值得慶賀的事🙏🏻
我好似見到佢係檯有張咭卡，係AK定Ian fans?
我有朋友幾星期前因病離世，由佢積極接受治療到離世，大約三年，認識佢係我新入職份工的下屬，一齊經歴近十年無論工作同私人生活的喜怒哀樂，又會揾埋其他同事一齊旅行，對佢嘅離開雖然已有心理準備，但到發生嗰刻依然有好多嘅不捨情緒，由於我已在外地生活，日常外出唔會見到同佢曾經去過嘅地方，冇咁觸景傷情，你仲要坐佢附近，用祝福佢代替思念佢，希望你心情會舒服啲🙏🏻
我係蕭小姐朋友 咁岩見到你嘅post
一切在心中~多謝你🙏🏻
我也試過有同事早上還在工作，但下午突然就離開了，他的物件仍舊在座位上，當天下班時，我刻意地遲走，走前行去他的座位旁，輕輕敲了枱一下，然後說：「X X，收工了」。。。。因為他一向很認真工作，我怕他忘記了夠鐘要下班！😭
曾經有位好開心成日笑既同事，突然有一日佢屋企人通知佢自殺走左，我哋成班同事都好愕然，好自責我哋點解唔察覺，而我send比佢既facebook request亦永遠只係pending😞
我隔離屋好好人嘅叔叔又係突然走左
明明個日大家都仲見到仲傾緊計。。
雖然真係好唔想接受
但真係。。。
琴日返去睇到所有嘢都無曬
好似無存在過咁
個下真係好難受🥲
但人生無常 無人知下一秒會發生啲乜
所以大家好好珍惜 想做就做。。
我明你感受，我做野地方附近都有個咁嘅人，大家見到都會 say hi，有日我去影 fd 嘅大學畢業相見到佢同我個 fd 影相，佢話衰仔做乜偷懶我係佢姑丈。從此，我就嗌佢姑丈，佢新年就俾兩封利是我，佢都當咗我係佢姪仔😅
兩三年後，我冇見過 ‘姑丈’，我以為佢搬咗去公屋都不以為意，直到新年成班友 gathering，散水嗰陣個 fd 就同我講姑丈有日食食吓飯暈低就咁走咗，話見我同姑丈成日見，所以等啲白事搞好哂先同我講，而我同個 fd 就久唔久都見吓咁。我諗，緣份就係咁奇妙
唉 我依家連佢白事都去唔到
因為無人幫佢 所以一切政府搞
我有個朋友識左接近20年
一開始係中學畢業後返pt識 fd左幾年
中間少左見面但有keep住聯絡
近兩年佢搵我幫手返pt又fd返
人大左同以前小朋友既友誼唔同我真心當佢係好好既朋友
點知佢上年年尾發燒不退入院檢查兩日內直接入埋ICU
最後昏迷不醒一月中腦炎就走左…
先三十幾歲女而且準備結婚
好後悔佢啱啱入院果兩日無去探下佢
我地wsapp對話就咁停留係十二月…
二月送左佢最後一程之後我發覺我自己一直放唔低
可能第一次接觸生離死別
加上搵工壓力好大到而家成個人都情緒好差
sorry借個位係度抒發下情緒..
就當她不曾離開過，當我們老了，其實剩下光陰也只在回憶中度過，滿是懷念。
理解，看到枱上的布置 ，感覺是個熱愛生活的人 ，我前幾天還在猶豫著要不要和一個國外回來的人見面，再看看這兩天的新聞，就毫不猶豫的約見面了，因為我覺得能見就多見吧，畢竟世事無常
非常傷感，睹物思人，我也試過這種「滋味」⋯⋯但日子總要過下去，只好當故人到了遠方遊歷
碌下碌下Threads，看到這post，感觸很深。弟弟走前一星期，仲同我一齊食飯，仲約好返屋企食中秋飯，點之惡耗一下子就來，人也來不及見，走了就走了。
我不能認同更多，但明白你的心情。香港人日忙夜忙，總不能夠好好關心身邊人，或者自己。
樓主你都要好好休息，喊係正常嘅，無心機都係正常嘅。保持正常作息，好好治癒自己的心情。
保重！
人生就是這樣on 9，要你不斷學習失去，是堅強？是接受？是麻木？我們最後都放在心裡，難過時深信總有一天再相聚，現在先努力珍惜每一天
我估佢應該係一個好有童真、熱愛生活、性格可愛嘅女仔，一放假就去旅行，去日本？張檯咁大，應該係team leader之類？遺憾聽到她的離開，願她在另一個世界也做個開心的女孩。佢嘅物品，希望可以比番佢嘅屋企人收藏，唔好扔掉。（不過都怕佢屋企人會扔掉）
見到張台都覺得好難過，張台執得咁整齊咁靚，主人一定係好開心好sweet嘅人，RIP 😢😢
我都試過有同事出車禍....日日同佢翻工都好歡樂，成日傾計，原本仲諗住約埋一齊出下街玩下😪😪😪😪唉......去過icu探佢........但見到佢後我都唔識反應，希望佢最後既記憶係開開心心
看枱和抽屜，該是政府部門吧！很精緻的擺設，收拾整齊，年紀輕輕，真可惜！願她一路好走，做個快樂小天使🤍🤍🤍🤍
有個40尾叔叔同我傾偈話你地啲後生收到msg一係飲一係百日宴呢啲都係開心野，我地呢個年紀收到嘅都係白事多…
感慨萬分，珍惜眼前人🙇🏻♀️🙏🏻
人本來就好脆弱，所以「珍惜眼前人」好老土，但係好真實。 請保重🙏🏻
我有個朋友識左30幾年，雖然喺唔同國家，但每次佢路過，總會約見面，次次佢都主動 (我比較I) 前年聖誕先講完聖誕快樂，舊年一月無啦啦喺threads見有人悼念佢。原來佢12月底睡眠窒息症死咗。
我都試過有位同事好突然咁離開，仲要前一日我仲接緊佢隻support call，我自己聽返錄音係正正常常，完全唔覺得佢會咁樣離開😭
好好珍重。
觉得你同事是个善心可爱的人，但愿她安息🙏🏻 我不和你说节哀顺变，因为我明白你此刻的心情是伤感的，我愿和你一起悲哀🫂
好能夠感受你嘅心情
當佢突然離開咗，佢每一件私人物件都會成為一座座既墳墓，時時刻刻都喺度提醒你佢曾經同你一齊共事過、感受過。
真係會好難受，希望你可以一切安好🙏
一生緣分難得、機會稍縱即逝，把每一次的會面都當作是最後一次，不錯過，就不遺憾。
最後一眼見到佢就好似瞓著左咁
但以後永遠都唔可以親身聽到佢把聲見到佢笑
食唔翻佢煮過既餸 仲有未完成既約定…
真係要好好珍惜身邊既人 你永遠唔知今次見面會唔會就係最後一次
呢幾年間見得多咗生離死別，越來越覺得人係好化學嘅嘢，同埋人生真係好無常
雖然你話之前同同事交談也許唔多，其實你地都係一場同事，存在住一份友誼🤝🏻🤝🏻可以一齊做飯腳可以睇出大家都係不止於普通同事，已經係朋友
佢突然往生淨土，喺分開嗰一剎那嗰個撕心欲裂嘅感覺我經歷過幾次，可以話俾大家知係非常難以接受嘅 🙇而且都非常難以放下的，所以你每日返工，見到同事個位，一定會諗返起之前共事嘅點滴
雖然常言道人係要懂得放下同活在當下，但係人非草木，孰能無情？俾著係我都係會萬般不捨
所以，我同意有脆友留言幫佢洗乾淨個水杯，因為呢個都係環境衛生問題👍
純粹係個人情感建議 😃可以嘅話每日返工幫佢斟杯新鮮水，同埋擺放佢鍾意嘅小食(乾糧唔使拆開包裝，因為係衛生問題)，直到佢家人嚟收拾嘢為止💪
因為我總覺得佢仲喺度同大家共事