每次食完譚仔外賣都會好有罪惡感咁攞個膠碗去洗，但啲麻辣紅油根本洗極都洗唔甩🫠
為咗揼落回收箱，嘥咗半支洗潔精同開咗十分鐘熱水狂刷，個碳排放分分鐘大過個膠碗本身...
作為ESG小薯真係好崩潰，大家平時係真係會洗到乾乾淨淨先去揼，定係求其過兩吓水就算🥲

考慮下堂食

廚房紙揸埋一舊放入個碗，加洗潔精再加水，冚蓋搖佢就搞掂。啲外賣膠兜用呢個洗法好乾淨架

推，有時懶唔加廚房紙，都work!

洗潔精+鹽+水，冚蓋用力搖

先用廚房紙抹走大部分油，再洗？

堂食係最好，試過將米線外賣膠碗放入洗碗機洗，已經唔係考慮油唔油，而係洗完仲好大陣味，因為唔係即刻攞去回收，擔心陣味會惹蟲蟻

試下用廚房紙代替百潔布嚟洗

唔係轉咗紙碗膠蓋？

外賣食物，溫度、味道、質地都變差，又要處理包裝回收，所以我只會揀堂食，唔買外賣

蘇打粉 chok完 到粉去垃圾桶 沖一沖水 完畢

入咗回收箱都唔一定會去咗回收商 recycle, 曾有傳媒報道過某啲清潔員會將塑膠/紙張/金屬幾個箱嘅嘢入大膠袋撈埋一齊處理, 唔知而家有冇改善.

先攞廚房紙抺油污，再用洗潔精洗，會容易好多😉

用廚紙抹咗啲油，再用清潔劑同熱水洗