求助💀
我隻法鬥幾日前啱啱嚟到，前主人話因為公屋之前俾人投訴所以要送走佢，所以佢出世到而家都冇落過街(十個月大)，唔係好識定點去廁所，有時會屙喺廳，帶落街識屙屎但係唔識屙尿
有冇啲咩溫柔嘅辦法可以引到佢落街屙尿🙏🏿🙏🏿

個人覺得識得係屋企痾尿幾好，唔駛忍到落街先有得去

喺屋企揾一個位置圍籠放尿墊，每次飯後就即時帶佢去指定位置、講提示語，等佢排放完就獎勵佢小零食，未屙完就唔好放佢通屋走，好快就識定點屙，大大下忍到屎尿落埋街，自然就兩樣都做到

Thank u 但係呢個過程大概要幾耐，我知道由BB仔學起會簡單好多，亦都要俾多啲時間佢，但我唔知第一隻冇經驗亦都唔算BB嘅狗正常需要幾耐🙏🏿

有個寵物籠一邊放廁所板一邊食嘢，習慣咗之後俾大少少位佢試下

廁所板用誘尿劑引佢係果到屙，一屙岩要大讚同獎野食

你將佢隨便屙喺廳嘅尿用尿墊吸左去，之後，見到佢有屙尿嘅舉動即刻稱去有尿張尿墊嗰度。久而久之佢就會記得嗰陣味就係嗰張尿墊同埋指定位置嗰度屙。。屙完就要讚佢獎勵佢，要好高音咁讚佢。
至於落街屙我就唔建議啦，如果有時你去街唔返嚟佢就會忍尿忍到你返嚟先屙。我就唔係好建議，不過我都冇辦法可以俾你落街屙成功，因為我都有其中一隻落街永遠都係唔屙尿。。返到屋企先屙尿，所以去街我都帶張尿墊喺街屙。

肯係屋企屙幾好，起碼橫風橫雨唔使驚佢冇得落街忍尿

認真答，帶佢多啲落街，聞多啲其他狗尿同睇多啲其他狗屙就會識
我隻狗落街睇完其他狗學左舉腳屙，好在係屋企唔舉

痾錯千祈唔好打鬧～放圍欄一邊床仔一邊廁所，趁訓醒／食完飯教佢上去痾，痾啱讚賞獎零食俾佢

咁如果佢屙歪咗應唔應該獎勵？

我以前係用個籠做廁所，每朝一齊訓醒，俾佢係入面痾，痾完就獎勵佢，如果係出面痾錯，就默默地清潔返😂識痾之後就拆左個籠頂

好慘！十個月大都未落過街街，BB狗要靠主人教同埋同其他狗狗社交模仿人哋行為，學其他大狗狗一齊係街尿尿㗎☹️☹️☹️☹️

需要更多耐性同愛心 慢慢教

如果唔識去嘅話，一定要籠養/圍欄 之後慢慢擴大範圍