📌 求各位資深補習老師
共 60 條紀錄
求各位資深補習老師
如果你哋俾家長講減價，但你又想keep 好關係，願意減價，但係又唔想減價咁多，之前收緊200/1 hr
點樣部署好？
3600變2880唔係減價喎，同埋減咗之後要加番就無可能㗎喇…
只要唔係underprivileged，私補得都一定有錢，只要你能力夠、教到佢嘢，好少家長會咁樣同你傾
你可以問下佢點解，解釋下你每次過嚟都有交通費同時間，唔知你仲有無筆記之類啦，計番200/hr已經係最低，如果有困難嘅可以今個月呢個價下個月原價（你睇下交情決定啦），盡量俾佢知就算真係減只係one off / discretionary
我計過，其實 $2880 如果去到 16–18 個鐘，個時薪會跌到 $160–180，
呢個價我真係做唔到。
坦白同你講，我而家新學生全部都係 $250／hr，
你哋係熟客，我一直都冇提加價，仲維持 $200／hr。
$2880 我最多可以做到 14 個鐘，
或者如果你想要 16 個鐘，就要 $3200（都仲係熟客價）。
吾減。。。其實$200/hr都係$3600, 幾舊都要講價就返去補習班啦，同埋 $200已經好平如果你係一個經驗補習老師
Just kidding,🤣 好好奇點解你會定價3500
要睇下補咩喎
專科同功課輔導又唔同
小學同中學又唔同
如果佢係淨功課輔導又係小學，呢個價錢我覺得都可以
🙄我外國畢業返嚟 啲家長仲會expect係under 200/h 所以唔好減！最多佢咪唔補 但呢個係原則 除非佢屋企好需要幫助
我依家接學生通常一嚟問地址先，問完即講價錢，廢事等佢講完佢個仔女一大堆嘢跟住吾啱價哂時間
有人叫打95折我都叫佢搵第二個教。 一毫子都唔減。之後兩星期個客咪又搵返我。
我唔係你行家，但都是時薪。家長要補習老師平啲，咪自己教囉😝
Ok 的👍有做過國際幼稚園summer teaching
不會減價，維持每堂兩小時$400，經濟有困難可以減少上堂次數
之前搵咗個$220/hr
補咗半年有多 補到個學生成績跳優異班都冇啦啦話減到$200/hr
利申：對方住私樓
呢個世界有啲人就係咁奇怪 千其唔好俾佢減！
越有錢越孤寒㗎
我有個學生考完GCSE 就完左
原因係佢做老闆嘅阿媽嫌貴
不論任何行業，一講價就 file close
自己做開生意十幾年，從來無特價，亦會簡客做，傷心傷神麻煩友過主，你要證明到自己既價值
200／1hrs 如果專科既話已經係低
係唔應該減咁多
你要將心目中個減左既數講比佢聽
然後同佢講 你為左佢先減
其他人無 因為本身已經好平
同個家長講
如果係啱嘅，就真係唔好慳 嗰一百幾十，淨係夾人夾時間已經有排煩。
如果係唔啱嘅，都真係唔係一百幾十嘅問題，上一堂都嫌多，嘥錢嘥時間。
搵過個學生🥹🥹🥹我仔大學生都收緊$250/hr 🙈🙈🙈
其實budget唔夠的，咪補少啲囉。點解要勉強人哋減人工呢？
你同番家長講
如果想同你keep好關係 就加人工到220/hr
唔加就另請高明
佢想同你保持良好關係就唔會叫減價，你一個月補咁多個鐘，果幾百蚊都要講價就係啲好計較嘅x
$200 /1小時
對於做家長嘅成年人嚟講係好平嘅事，只係佢哋唔想俾你
你咁樣講：
我其他學生會收呢個（貴啲嘅價）
其實見係你已經減咗價畀你㗎喇
照收原價
唔認同對作為成年人嘅家長係好平事，家家有本難念的經，可能對方真係突然經歷緊一啲問題但冇同你講。如果係我，我會問吓對方係咪有咩困難，如果係，而我補開覺得幾好，而又唔會因為減去嘅錢令自己生活有困難，會減畀佢，但同佢講明，幾耐之後會考慮加價。
叫佢揾多個fd同一時間一齊補 就收佢依個價 （變左2個2880）
用嘅時間一樣 計翻冇收少左錢 又唔會整衰關係
我的話會直接cut左呢單補習算，$200/hr 已經好低
你可以一炮過收1 年錢既
傾唔掂就叫佢續個月正價比