📌 求大家幫幫我，我開始
共 57 條紀錄
求大家幫幫我，我開始頂唔順
我係一個就讀北區聖公會X X小學嘅六年級學生，就快畢業，但我每日都好驚返學，一諗起要見鄺主任、面對同學，就好驚，晚晚都瞓唔着，合埋眼都係被人鬧、被人笑、冇人理我嘅畫面…
我英文成績唔算好，膽又細，平日好乖，從來唔惹事，但唔知點解，個英文老師淨係針對我。一開始，佢上堂專登為難我，我答唔出問題，佢就當住成班同學鬧我蠢，話我拖成班後腿，講嘢好難聽。到後來，佢竟然帶頭欺凌我，打電話俾我唯一嘅朋友家長，話同我一齊玩成績會變差，叫其他同學唔好同我玩😞
有啲同學跟住佢一齊笑我，小息又冇人同我一齊。我試過匿埋喊，試過同爸媽講，但佢哋以為只係老師嚴，叫我聽話啲。
我好委屈，呢啲根本唔係嚴。佢係老師，唔係應該保護學生㗎嗎？點解要帶頭欺負我，眼白白見我被人孤立、被人笑？另外我鍾意寫文，不論係小息定屋企都會花時間練筆同睇唔同小說，點知俾英文老師知道之後，佢竟然同我媽咪講話我再考得咁差就沒收我啲作文，甚至同學小息見到我喺度寫文都會喺度笑我，我每日返學係一個人，呢種感覺好難受
我唔敢同校長講，又唔敢再同家人講多，驚俾個老師報復，驚同學笑得更犀利、俾人孤立得仲勁，但我真係唔知可以點做
講大叔聽咩學校，老師全名
我幫你日日1823投訴教局
我睇完你個post，心入邊好難過，好心痛你。
一個小六學生每日返學都驚到瞓唔着，仲要面對老師帶頭欺凌同同學孤立，真係好唔應該。老師應該係保護學生嘅人，點可以咁做？你冇做錯乜，錯嘅係佢哋。
你鍾意寫文、睇小說，其實已經好叻！好多大人寫嘅文都冇你咁有感覺同有條理。呢個係你嘅強項，千祈唔好因為佢哋而放棄。
想幫到你，以下幾樣你可以試下：
1.打教育局新開嘅「和諧校園熱線」：5507 1896（WhatsApp同WeChat都得），朝早9:30-晚上9:30都有註冊社工聽。佢哋專門幫小朋友處理學校嘅困難，可以匿名先傾，佢哋會畀你意見同支持。
2.試下用紙筆寫低被針對嘅事（日期、發生咗乜、邊個見到）同感受，之後畀爸媽睇，等佢地知道你「真係頂唔順」。
3.覺得好辛苦嘅時候，都可以打「防止虐待兒童會」2755 1122，佢地會聽你講，畀你支持。
同學仔，你唔係一個人，有好多人關心你，包括我哋呢度嘅人。畢業之後，去到新環境，一切會慢慢好轉，好多人都經歷過類似事，最後都過到關。繼續寫文啦，將來你嘅故事可能會幫到好多人。
有咩想傾，隨時喺度update，我哋會支持你❤️
你作為一個六年班嘅小學學生
你既文筆井井有條，好清晰敍述到成件事，千奇唔好放棄寫作，寫作係好好抒發自己情緒既一個途徑。
建議先認真同父母傾多次，講出你受緊既壓力，令佢地知道唔係老師嚴你唔受教，而係佢係帶頭欺凌緊你；如果父母都覺得只係你唔乖，老師只係管教你，唔緊要，私下ADD我，我願意幫你向學校/教青局反映。
請繼續更新你既狀況，呢道好多人企係你呢邊🫂
乜撚嘢小六學生會打啲咁嘅句子出嚟
用AI文釣魚係撚好玩既, 我明
但你都要符合人設呀，戇鳩仔
呢度已經有好多哥哥姐姐俾咗好多好建議你，所以姐姐我只係想請你食個飯，你鍾意食咩？🥰 我都好鍾意寫作，我地可以一齊研究分享下～ 你想學好d英文，我都可以幫你！你想畫畫，都可以黎我畫室任玩，我dm咗你你睇睇～
同學，不要害怕，萬大事仲有好多好人可以傾訴幫你，或者你需唔需要我幫你同學校反映，最憎d欺凌者
利申：我亦係一位六年級家長
朋友作為聖公會榮真小學的家長，對這情況完全不感到意外，不只這一位老師，還有其他老師也是這樣，校長也是白鴿眼的！有這樣的校長才有這樣的教學團隊！
呢間學校嘅課外活動只係留俾成績叻、乖的學生，無機會比其他小朋友。雖然明白資源有限，但是不要做得這麼明顯啊！教學不是有教無類嗎？
駐校社工也是沒有用的，之前聽過有學生情緒學業情況需要轉介跟進，但是班主任老師和社工完全沒有處理呢，而且態度也不好，小朋友可以被幫助嘅黃金時間是慢慢過去。這間聖公會北區「名校」真係掛羊頭賣狗肉，看不到基督精神，沒有愛心。
這位小六小朋友你要加油呀，還有三個月，你就可以離開這間學校了！
首先我要講我個女亦係讀哩班嘅學生,見到哩個post我真係好痛心!!如果哩位周同學嘅所描述内容對嗰位老師嘅指控係事實嘅全部，我亦深深感受到你嘅壓力及唔開心,但以我所知所見所接觸到哩位鄺主任並唔係甘！佢會整嘢食、送小禮物比學生!對班裏面每個同學呈分試成績都好緊張!又不同嘅測驗卷比學生試做!我個女成績差咗亦有主動聯絡我了解情況!如果周同學你認為一些老師對你帶有針對性或不公平情況出現,你可以向社工求助!或者其他信任嘅老師!佢哋一定會幫你!五年班時候我個女,亦受一個i朋友亦出現咗啲特殊情況!做啲令自己受傷嘅事!學校老師留意到!即時聯絡我去學校,亦有駐校社工在埸了解我個女嘅問題!所以我敢肯定你向駐校社工或父母求助,佢一定會幫你!你在上英文堂時候,呢位鄺主任叫你唔好起上堂時瞓覺,我亦唔覺得老師係針對你嘅行為!希望你自己都唔好轉牛角尖!你爸爸、媽媽、細佬都一直喺你身邊!關心你及愛你!
上堂錄音留證據，唔好畀任何人知，尤其你果班同學仔，但小學畀唔畀帶手機入學校？ 如果唔得嘅，你有冇得問識嘅人借錄音筆，如果要要錄到音留證據，有證據至可以搞大件事，等果條廢柴為人師表嘅教蓄無路可退，
真定假呀？
真係唔係借刀想搞個老師？
第1 新ac ig又打殘體字
第2小六 有你呢個表達能力 ？
（當你寫作真開，可能真係好好）
如果真既報東張查囉
同學，聽日番學集隊前到社工室搵社工姑娘，將你嘅感受話佢知💪知道呢一刻你好驚亦都好無助 但係你可以咁冷靜打咗咁大篇文 你已經好勇敢了！
@yahoo.hongkong @hk.on.cc @hk01news @singtaoheadline @am730hk
你試試好好和父母講，告訴他們英文老師帶頭欺凌你，禁止其他同學和你玩，還有一定要話畀他們聽其實你的身心己受影響，開始不斷失眠，害怕去學校，因為害怕面對英文老師。
小朋友，這個世界有很多爛大人，他們欺負你，不代表你應該被欺負。我很難過的告訴你，你必須要學會內心强大，因為這種爛大人很多。所以學會漠視他們，努力讀好書，反正再過幾個月，你就無需再睇到佢！
千萬不要因為這個爛人傷害自己，因為這樣衹會傷害愛你的人，相反，你更應該若無其事生活，開心生活！要加油，不開心就上來寫post把全部不滿講出來，讓大家安慰你，記得，你不是一個人，很多人在關心你💪💪
唔係鳩up小學五六年班每日留堂留到我7點。就係依個姓鄺做。
姐姐我以前都俾小學老師欺凌，用projector show篇英文作文，叫我企係黑板前俾人人笑，聖誕聯歡唔俾我食野要我搵返唔見左嘅禮物，功課大大隻紅筆字寫住「請找補習老師」。嗰陣我都每日好驚上堂。
支持你同校長、社工或者教育局反映，最好搵大人同你一齊去。
你突然勾起我的回憶
我終於記得為何英文差
我小學時，英文是刻意零分
但其他科好高分，考試全班時第二/時第三
因為，我想用能力話俾這老師知
我不是無能力，我只是不喜歡您
我信人人平等
今天他的崗位是老師
這崗位令他有權去教人
但有權去教人，並不代表有權去針對人
作為老師
聰明的學生，要他們成績好，分數高
但絕大部份的學生
不是不努力，只是未找到讀書方法
遲了開啟視野及解題能力
有的人，可能要到小三/小四的年紀
才能開啟小一/小二的課題
但不代表學不到
作為老師
不只是「教」
最重要是「導」
引導一個人的成長
而不是只追知識
這英文老師，夠不夠膽將自己小學/中學的成績表拿出來，給大家學生們看看。
小朋友要有信心才成長
你，已小六，試試從自己最有信心的科目開始，一步一步去話俾個世界知「你好勁」。你寫這一段字相當好，小六寫的中文已不錯，努力專攻中文。
這世界，只有兩個分數是特登
1. 100分
2. 0分
這件事引起很多人的關心，也看得出這位小六同學寫下這些話時，內心很痛苦。但我們要小心，現在我們聽到的只是一個人的說法。
我們不知道整件事的全部真相，也不知道老師那一邊的版本。如果我們現在就一窩蜂去譴責那位老師、甚至起底或轉載，萬一事情有誤會、或者那位同學因為某些原因誇大/扭曲了事實，最後受傷害最深的，可能反而是那位同學自己——事情失控，甚至被反過來指責說謊，到時他更孤立無援。
如果真的想幫忙，應該鼓勵同學向信任的成年人（例如駐校社工、輔導老師、校長、或者帶他去向教協/保護兒童機構求助），而不是在網上公審。
如果那位同學所說是真，他需要的是現實中的保護與介入，不是網民留言；如果所說不盡屬實，他也需要大人幫助處理情緒與人際困擾。
請大家先停一停，不要急著定罪。保護孩子，不是靠追擊老師，而是靠冷靜找出真相。
你不用怕，勇敢地照事實講出嚟俾你父母、社工知道咗先至可以解決到問題，不論誰對誰錯也好⋯⋯當你覺得有同學仔或其他人甚至「老師」歧視、欺凌，一定要勇敢面對發聲，唔好再胡思亂想將d冤屈氣埋藏在心裡，日積月累真係會有機會攪到自己患有抑鬱症、粗獷症，如果你覺得自己有需要去睇心理醫生或精神科醫生，一定要向父母提出！到時自己壓力爆煲攪到自己內心放不低這些不愉快事件而做出一些傷害自己或傷害別人的行為，就太遲了！
大不了叫父母和校長相討，可唔可以轉班⋯⋯再抵受不到壓力先至和教育處相討可不可以轉校！因為已經讀到六年級就快畢業，希望你可以解決到問題，開開心心咁過生活！你要加油！
同家長講，叫家長去學校要求面見老師談話，除咗家長其他人好難幫到你。
你好，我諗你應該係我師弟/師妹，雖然我已經畢左業十幾年，但我完全明白你所講嘅，我果陣都已經有老師係咁，明明為人師但不配手執教鞭，你願意講出來已經好勇敢，比個贊你🤗👍🏻
你可以試下寫信比校長，描述下老師係咁樣欺負你，可以用教育局嘅［教師專業操守指引］做參考，只要中以下任何一樣，已經可以做檢舉老師嘅憑證，加油，支持你🙏🏻
🫂 從你呢度文字，已經feel到你嘅難受同無力，呢啲都係好正常嘅情緒，你有勇氣同大家係度分享，已經係好值得欣賞嘅事🥹 你講得好啱，佢係老師，理應有責任係學校保護學生，但係佢揀咗用權力去傷害你嘅尊嚴，呢個唔係你嘅錯，而係佢嘅自私。成績應該只係你此刻水平嘅定義，而唔係你嘅價值!
你鐘意寫文睇小說，我覺得呢啲都係幾好嘅興趣! 唔使太介意人地嘅目光，佢哋唔鐘意並且笑你係佢哋嘅問題，你寫得開心就可以ga la~繼續寫，你嘅文字，係好珍貴嘅禮物。我都好鐘意寫字架🤝
感覺到你係一個好乖嘅小朋友，好驚講咗出嚟會有代價，係明白嘅。不過...我覺得其實你可以試吓同你信得過嘅大人 例如家長、學校社工傾吓👀 呢件事係真係好難受，你唔使一個人消化所有情緒🤍
相信你已經好努力! 你撐到呢一刻，其實已經好叻~ 仲有幾個月你就升中，唔使再見到英文老師，到時可能又識到新朋友呢🥹 你有咩唔開心嘅都可以dm我傾吓 雖然我只係一個大你幾年嘅姐姐，但係我都可以聽你傾訴嘅，支持你arrr🫶🫶
如果你真係一個六年級生，我好欣賞你嘅文筆，清晰有條理 🫶
至於你話老師欺凌你，你可以dm將老師姓名、學校、事件經過(例如日期) 向每一個願意幫你發聲嘅人，包括我，幫你向教統局投訴！
姐姐想同你講，你好勇敢，肯為自己發聲，呢個係優點黎！同埋，英文唔好唔係大件事，你唔洗驚，慢慢學，其實唔係咁難。你未來有的是機會克服佢 🫶🙏 加油
那個鄺主任講野好大聲，舊年升做主任。校長廢先有呢D老師
我細個都遇過好多心理唔平衡嘅老師，完全對學生零尊重。
不過其實你唔駛理佢， 過多幾個個月，
聽叔叔講一句：你今年已經係六年級，係呢間學校最後一年，下年已經見唔到佢，你有咩野諗法應該盡情搵校長傾。嚴格上黎講就等於大人出黎做野，辭咗職最後一個月，呢個狀態係無敵嘅...等你大啲就會明。
如果你講嘅係事實，反映出黎佢一定驚過你...叔叔再講多樣野你聽：而家出生率好低，好多學校都殺緊校，老師都唔係咁容易搵到野做架....
貼學校同埋老師個名出嚟啦😏 我哋等佢以後都做唔到老師😏
小朋友你已經好叻，我自己都會得閒嗰陣寫文，好多時間我都未必寫得出。你英文方面，你同𠵱度嘅哥哥姐姐講下你唔識嘅地方，我哋幫你諗吓。
你放假未啊？
再認真同父母傾，表達你很害怕，再馬上找社工，他們一定幫助你。不要害怕!!
4年級時候我女都試過比英文老師鬧到喊 唔肯返學，我即刻打比老師了解咩事。
老師仲講咗好多小朋友要迫㗎唔迫冇用大個會唔識英文點點點點，我鬧佢為佢好㗎咋。
但我個女同我講個英文老師喺佢側邊點樣鬧佢，罰佢。
我聽完即刻同老師講，你唔好再逼我個女讀英文！我都未鬧過佢你鬧到佢喊你點做老師，佢仲話我鬧都唔得大個抗壓能力都冇，我話你而家係侮辱緊我個女喎，講啲說話好難聽喎！如果佢再係咁樣對我個女我即刻同校長講再同教育局講！
自此之後就冇再鬧我個女！慶幸上到五年班冇再見過呢個老師！所以父母嘅支持一定好緊要。同父母再傾吓 ，支持你
我細個都遇過好多心理唔平衡嘅老師，完全對學生零尊重。
不過其實你唔駛理佢， 過多幾個月，升間好嘅中學， 另一個世界。
你好叻 識得表達自己情織
唔會自己收收埋埋
要加油 內心默默變得強大
長大後回過頭，你會多謝依家經歷同面對過的
要相信自己！要勇敢！你要同佢講每個人都有自己長處，我可能英文唔夠叻但我唔係蠢！多謝老師提點 我會努力學習！吸引力法則好重要，只要你相信自己，愛自己對自己有信心，同學仔都會慢慢對你好奇，慢慢走到你身邊想認識你。鍾意寫文好呀🩷加油
我希望這只是一個故事
如果真是真的，我覺得你可以再忍耐多一會。在最後一次呈分時的成績上報後，你就可以還擊那位老師。
反正也小六了，是你最後一年最後一個學期，你覺得應該說什麼都可以勇敢地說。
最好錄低，你老師所講嘅說話。這將會係你最有力嘅證據。
你可以先讓他罵你一會，然後直接告訴老師，覺得他針對你，說話是人身攻擊。
畢業之後，就冇仇報了
呈分試應該已經考完，好快亦會上報教育局。
咁都係保障樓主🙏🏻
希望佢盡快離開呢個有毒的地方
邊間學校？話俾大家知，等我哋幫你投訴，推上東張西望，上報紙雜誌！
呢啲老師唔應該存在，補習都唔可以！
你個post表達得好清晰，有條理過好多大人
祝福你將來可以繼續寫作
喜欢写文是很大优点！建议读读三国时期的司马懿，学会算清哪些同学值得/不值得，谁笑你，你都有权利还回去，或者不鸟他们。有能力的话忍久一点，迟早给他们报复回去；老师管得了短期学习，管不了人生走向，他没把你当回事，那你直接把他的话当耳边风，同学照样如此。
写作文不要在学校写，低调些，在家慢慢练，有机会就展现出才华，一切自然是值得。没必要想着不敢跟校长讲，你有这个资格，相信自己。
但你跟校长讲的时候，你可以说：校长，其实我也知道我的英语老师挺好的，但可能是我没能适应英语老师的上课模式...（引入你遇到问题的正题），有多委屈就多委屈，不用很卑微，正常带出意思就可以了，能做的了校长，肯定能看出你遇到问题，别激进的说老师有问题就行。甚至你可以讲是不是自己做的不够好，老师才要这样对你。表面委屈，实际上暗自把罪推给老师就行。
上社会是可以用这一套的，但必须是要有道理才行，没朋友并非原罪，很多成功人物身边也不会特多朋友，真心大于质量。习惯一个人，你也可以变得很强大。
Btw，要是你这个唯一朋友是怕揽罪上身，建议直接绝交，他只是被迫的话，你们可以找机会继续相处。据我自己观察，他不算是担心你连累他。
我不奢求你必须相信我说的话，但评论区有的家伙要害死你了，帮你出头不是好事，他们并不需要负任何责任，一旦你的学校被查，所有人都知道是这些好心网友为你做的，而你会成为始作俑者+背后煽动的人。面对校方官方质疑不要给任何有关回应，说不认识这些网友，包括你所看到的所有回复者，装疯卖傻就好了，你可以多找人聊天，相信接受你倾诉心事的，只是不要偏激，已经提醒过了，哪怕是找校长，也不要直接骂老师，出自人性角度来讲的，心机重就心机重吧，希望能保护到你，毕竟你还小，不过总得学生存法则，做个真正意义上的人