求救!!!!!好煩呀，年年春天啲蟻就返嚟。
日本城嗰隻蟻藥已經無效
有冇人可以教下我點滅蟻😭
已經盡量保持好乾淨，
有糖嘅嘢唔keep/放雪櫃
屋企唔多零食&就算有一定會密封
啱尋晚新買嘅牛油果今朝見到爬滿晒，
連水壺都爬入去
每年3-4月就好崩潰😫
樓上有三層樓講果支拜滅士真係得 不過好細支 淘多支落嚟穩陣 上年開始租唐樓住上面係天台 夏天又開始勁熱啲蟻唔知喺邊度入嚟 有晚開始發現有一兩隻蟻 果陣都開始搵蟻源 又係食物擺喺密實盒 平時煮完飯都會搵消毒濕紙巾抹乾淨煮食台牆身 日日都清垃圾筒垃圾 點知有日返到屋企 見到成堆入嚟開餐 就因為我女友飲完包蜜瓜奶好正常咁掉落垃圾筒 引晒佢地出嚟 咁岩我果日又將支藥嚟返屋企 原先仲諗住見一兩隻咁小 過幾日先搞 結果果晚收工好似玩生化危機咁 四圍滴藥 成晚瞓覺都心掛掛 好尾見佢地出現的地方越嚟越少 第二日收工返屋企睇成功 清零 先安心🤣
而家唯有煮完飯直接用清潔劑抹下去埋煮完飯啲油味 再抹埋地下 勤力啲做 之前出現過的位 噴下啲火酒 漂白水 抹綠水 有陣「化學味」 預防下
Same!!我真係每日煮完都會用廚房清潔劑抹，日日都清垃圾桶㗎，因為有寵物所以少用漂白水。
暫時拜滅士最高票數，我今晚就淘🥲感謝大家八方相助😭
硼砂加糖加少少水撈勻，放喺出沒路線，好快剿滅晒！
滅蟲蟻後，最重要持久地保持乾淨
天氣潮濕要多開抽濕機，每晚瞓前一定要倒清廚房垃圾筒不留任何食物或包裝
祝蟲啲遠離你🙏🏻
無呀，不過你咁講，我個儲水式熱水爐係入牆嘅，會唔會關事？
我相信係喺出面，因為見佢哋响窗條隙爬入嚟。我住唐樓所以隔離都係大廈，無泥地，所以都唔知點搵🫠
我用向醋加薄荷精油用力搖勻噴在出沒地方，用廁紙筒剪半塞入一張紙巾，再定期滴薄荷，放廚櫃，要一段時間，今年沒見了
用1:99漂白水抹哂所有野同地下，再用篤穿既膠袋入梳打粉放入櫃
去雀仔街問任何一間舖買蟻藥 好似10蚊咁上下 好work
Pest control
佢哋會有啲藥水同埋好長嘅針，當然你嘅過程要觀察吓啲蟻由邊度走出嚟同埋條路係點，到時話俾佢聽，佢哋就會搵到啲位，然後幫嗰啲位打針
我上年有諗過!!但重點係唔知佢哋邊度走出嚟。我應該會試左上面講嘅拜滅士先，唔得就搵pest control(如果我都真係有諗過佢哋住喺牆入面）廁所嗰啲係喺個隙位出入，實質位置真係唔知，東一排西一排🫠
試過用辣椒（指天椒切開揸汁液）/火燒蟻路 聽講唔斷佢蟻路就會認得路返嚟 漂白水都好似聽過
今晚就買！但佢哋上年喺廁所出現，依家喺廳🥲即係好多條路？
兩邊都係無得開窗嘅（封死左但應該有隙？）反而有窗嘅房無事。
其實都要睇返你住個環境附近
我本身就無放食物出嚟
所以有蟻係有特別問題
要搵原因同蟻路
試過原來有隻大曱甴死咗喺電視櫃入面
又試過包未開無花果原來爆咗口
清咗之後都無再返嚟
我有諗過你呢個原因，會唔會係有嘢死，但我屋企無曱甴㗎，同埋佢哋無定向，有時一排行去咖啡機，有時行去水壺，有時喺我啲書度轉圈😂食物位我的確搵到有包brown rice唔小心倒左出嚟，但嗰個area無蟻😂同埋我一發現就清左。
你要搵到個蟻嘅屋企～ 我之前兩年成屋都係螞蟻，一直都清唔到，後來有一日清潔屋企嘅時候發現一個蟻竇，之後用醋抹完之後而家屋企就冇啦
封大門罅位。如果你屋企本身乾淨，多數由窗邊大門入嚟
去買支白醋，倒落個兜仔度，放喺窗邊，佢哋聞到走得勁快，但可能係治標，希望唔係屋企入面有蟻巢
缺點係一屋臭腳味（其實係醋味）😆
醋我已經試過了。。唔work😭😭醋啦，peppermint oil啦都試過
蟻會餵食巢中幼蟻，如果殘忍方式，可以用少量硼砂加白糖，放在蟻路經之處，等佢帶回巢，咁就全滅，有點殘忍。