📌 求識股票任何人分析
共 56 條紀錄
求識股票/任何人分析安慰吓我。。。
依家心情好崩潰，唔知點俾反應。。。唔知應該可以點。。。🫠🫠🫠🫠🫠🫠
話說本人是初入職場的小薯仔，係完全0識股票，淨係知道襯低買入有潛力嘅嘢，就應該有啲機會賺錢。於是上次見股市大跌，襯3X時襯低吸納咗OXY（男朋友介紹，合乎我需求）
結果係啊…依家升咗好多喇🫠但。。。。可怕嘅事。。。如下：）
然而由於我真係完全唔識股票嘅原理，直程連個app都唔識用；咁所以呢幾個月一直都係男朋友幫我處理….
我原生家庭開支都大，我每日都好謹慎用錢，咁每月淨低嘅錢就會擺哂入去富途當儲錢，一直都係男朋友幫我買賣（我一直都好相信佢，因為我見佢都有7位數喺股票度，我嗰少少錢，佢應該輕鬆控制啦）
咁中間都有升升跌跌，但我覺得少少動盪唔緊要，睇長遠嘛，我又唔係求發達，我最主要都只係等OXY升，唔驚啦。
點知。。。。我呢個星期入去睇。。。
本身十零萬，得返三千幾蚊。。。
我嚇到pk，以為自己睇錯。。。
跟住問我男朋友發生咩事…..佢就好sorry地同我講冇預計到打仗，話之前見有盈利就進取咗&睇得唔夠緊。。。
（字數爆留言繼續….）
跟住今日，啱啱撳入去睇得返幾千蚊。。。

救命，我而家心情好複雜，因為我自己都有責任，其實無論幾相信對方都唔應該咁，都應該自己去學、去mon住，唔係就應該唔好掂唔好買。。。我而家連佢中間係做過啲咩，我都唔知唔識睇…
重點係我而家成個人好似掏空咗咁。。。
其實明明應該好傷心？好嬲？但係我而家複雜到唔知自己係咩情緒。。。😭😭😭😭
雖然打到呢度有啲想喊🥲每日咁努力咁儲錢，一炮就冇哂。。。都唔知自己咁努力嚟做乜。。。
我而家完全唔夠膽同人講，男朋友又好自責，同埋佢自己戶口都應該情況好差，Threads大神有冇咩睇法。。。？有冇人可以開解吓我或者話我聽應該點做？
睇哂大家嘅comment了，真的十分感謝大家幫忙，我仲消化緊暫時無法一一回覆，但實在很感謝你地🙏🏻目前我覺得我需要冷靜檢視返成件事。
關於啲股票我睇返紀錄&問咗AI個啲係咩嚟，終於了解咗啲啲啲啲、知道做咗咩、買咗緊咩。一開始OXY係正股，跟住中間有買賣好多其他唔同股票，當中除咗正股仲有好多PUT CALL，就係大家講緊期權。
有人話要叫佢賠錢，有人話不能輸打贏要。其實好似我第二段咁講，我都覺得我自己都好大責任，所以呢part我暫時係未知道要點做住。
中間其實我都有問佢咩嚟、嘗試聽股票原理，佢講完我其實唔係太聽得明，當時我都見戶口係有時升時跌，但我覺得係可接受範圍，見佢有keep住睇&搞，我就冇去深究，我覺得是我的責任，假手於人。
經過今次事件…尤其當中有留言提到佢冇主動同我講呢個問題，我覺得亦要重新檢視男朋友嘅責任心，平日相處我成日都覺得佢係過於樂觀，好多嘢都覺得一定解決到，喺平時小事可能ok，平時最後咩都解決到；但今次….唔係…仲話6-12個月可以贏返，我點信….？
依家情緒好低落，諗緊之後要點處理🥲真係感謝好多認真回覆嘅人 ，我會認真反思🙏🏻
（見部分留言話係假嘅，我都想🫠）
最終篇
啱啱我一見到佢，我就開始默默喊，我咩都未講（但其實亦唔知可以講咩）。佢就係咁叫我唔好擔心唔好喊，跟住過咗一萬俾我&之後每個月過一萬俾我，叫我唔好再諗住，佢會搞掂返佢，就幫我delete咗富途了。
謝謝大家！🥹🙌🏻
由今日起我都會自己負返責任，好好學習，好感激每一個俾意見我嘅人，我會好好吸收！😭🙏🏻❤️
咪住先，你話 3x 蚊買左 OXY，佢中間雖然跌過但之後好穩定地升到黎 63 蚊喎，照計唔會由10萬蚊蝕到得返 3 千幾蚊個喎，你開翻個 app睇吓究竟做過啲咩 transaction? 如果唔係，我有理由懷疑你男朋友唔係蝕咗你錢而係偷咗你錢
我個人覺得。不是投資建議。唔識就買大盤etf。買看好美國經濟。voo果啲。月供方式供到老。亦唔好all in。你用既錢係你儲蓄既一小部份。就算輸都唔會影響你生活品質為準。
然後如果你真係有心學。買書學。多空操作秘笈一本。笑傲股巿一本。超級積效1 2 3三本。專業投機原理上冊和下冊。 建倉用股票帳戶5%或更少注。有獲利做緩衝先加注少少。 一定要設止損。於成本價跌超7%必離場。絕對唔好係股票下跌中加注。最基本係咁先。
跌咁多時有責任提你止蝕or 點
極懷疑你男友貪了你個份
你click 歷史望下你男友做了什麼操作
btw oxy 一路打杖一路升
呢家一望63.9
正常你已賺了一個double
另外你話男友有7位數字姐
你6位數字都唔少啊
懷疑你男友蝕了自己個份再用了你個份填....
這十幾萬不只是數字，是你每天辛苦工作、節省開支換來的『心意』，所以覺得被掏空是非常正常的。
請不要責怪那個努力存錢的自己，你很有能力，能存到第一個十幾萬，就一定能賺回更多個十幾萬。
先好好睡一覺，錢沒了，但你的才幹還在。
感謝你😭😭😭好努力向呢個方向諗，好努力消化中😭😭😭
幾個建議
1）先維持關係，氹佢填返部分或全部損失
2）自己控制返個賬戶，改晒密碼佢
3）收錢後果斷分手，同賭仔一齊無好結果
你男朋友On9架? OXY係石油股黎 打仗前$40左右 而家$63
你同我講由10幾萬變左幾千🙃🙃
叫你男朋友返去做定存啦 仲廢過呀婆
順便以後屋企財政大權你keep
我有一日都買左價外put, 都係歸左零😂 佢條仔應該同我係差唔多時間做左差唔多既決定😌 可能係倉位控制要再睇睇，我果注係倉位2%，佢就倉位97%
唔好吊打我
個個叫換男朋友
我心諗唔識又想發達又要靠人
點解唔自己學？
你唔識不如唔鬼玩，
個10餅買6合彩好過啦
當然男朋友有問題，但自己問題更大吧www
3x蚊買oxy正股無可能輸，佢一定係做左其他交易，可能買期權，十萬輸到得返三千只係一個不負責任既賭仔
如果你唔識，可以check紀錄，screenshot再問ai
儲到十萬，轉頭好快賺返👍，當係為未來賺更多管理更多資産既學費，要反省既係對自己既錢要著緊d，唔好無限信任
你男朋友幫你買實股點會十萬輸剩幾千呢？佢買期指call，P ut個的啊
我諗應該係你講嘅呢啲？😭
唉 我真係完全唔識😭😭😭😭
放錢響自己完全唔識的範疇等同賭錢，個個都想入場發達，有幾多個發達到財富自由？
警世post，千祈唔好幫至親既人投資，通常都輸打贏要
搭得隻腳入去呢個全球最大嘅賭場就預咗會有輸嘅風險
每個入場嘅人都係希望贏錢
但現實數據話俾你知
10個人入場
7個輸錢
2個平手
只會得一個贏錢
啲錢冇咗你就當係交學費
雖然呢一堂上得好慘痛，
但喺投資路程上絕對係好重要嘅一課
相信你男朋友心入邊都好難受 
我諗應該仲係年紀好輕，男朋友仔都應該係。放心青春係本錢，無論輸咗幾多錢都好，人無事就係世界冠軍。
男朋友冇同你講，佢的確有責任，但我入過色我都明白咁嘅情況太難開口；同埋一個樂觀嘅人會覺得任何時候問題都會解決，可能係時間問題。
錢冇咗再儲過，就算感情冇咗可以再搵過。但心態一崩潰就好多嘢都返唔到轉頭；10年之後你驀然回首，今天難關卻在燈火闌珊處。
飄過的人🙏🙏見到你咁連我都覺得痛，明白好慳好辛苦咁剩少少錢，一下無晒😵💫但請聽聽一句，錢呢個物體真係唔好信人，無論男女朋友、老公老婆、兄弟姊妹，連阿爸阿媽都唔好信，除非你已經有心理準備收唔返，唔係攞係銀行都唔好俾人投資/借出/做生意，最後只會反目收場🙏🙏
正股冇乜理由跌97% CLS
佢好大可能用左槓桿先會咁
近乎係賭博嘅行為
分唔分手你自己諗，我唔比意見
但係有兩樣野永遠唔會背叛你
喺自己個袋入面嘅錢，同埋你學到嘅野
唔識股票仲要玩期權 唔輸死就怪
自己了解多啲 自己去投 唔好下下假手於人
唔太識啊…但我當初買係3X，依家6X，正正常常咁買應該係賺咗？
佢有7位數，你唔叫佢賠都真係對自己的唔住，同埋呢啲男人你仲信佢郁你啲錢？呀妹，睇路啦，拎返錢之後，呢個男人早甩早著啦。
慘慘豬 嗰十幾萬拎嚟買個Chanel袋同Cartier都冇咁嬲
先唔講你男朋友咁樣操盤，係無牌經營證券業務要你可以告佢坐監 。
佢嗰七位數存款係咪一樣蝕左九成幾？懷疑將啲高風險嘅投資全部撥落你度，贏會唔會分俾你唔知，但輸咗就分俾你。
就算真係分開計，佢玩到咁差又唔係無錢，起碼都俾返個本你
其實可以分手
唔係輸唔輸錢問題 （當然都關事）
但係拎人地嘅錢做操作，仲要同你本身「買正股儲錢」個目標咁大出入，佢拎左去炒
中間如果冇問過你，冇得到你許可，就係佢人格同道德嘅問題
今日拎你錢去炒唔出聲，講幾句sorry就得到你原諒
他日佢做其他成本同風險更高嘅事都唔會通知你
當然可能佢覺得十幾萬好小事 ，但係佢冇理解同體諒你依十幾萬背後嘅意義
見到你咁樣真係好戥你心痛。每日咁辛苦儲返嚟嘅血汗錢一炮過冇咗，邊個都會覺得崩潰同腦海一片空白，你而家唔識俾反應、情緒複雜係好正常嘅，想喊就喊咗出嚟先。
但冷靜落嚟之後，有幾點殘酷嘅現實你一定要面對。你今次輸錢，係因為：
第一， 唔了解你男朋友
第二， 唔了解股票
第三， 唔了解唔了解以上兩點嘅風險
第一件事你要衡量下佢係唔係值得信賴嘅人， 唔係表面道兩句歉講好內疚， 而係睇佢做乜。
一個有膊頭嘅人， 其實唔會捨得自己重要嘅人咁樣蝕錢。 我阿媽話要買股票， 我都話等我買， 本金我出， 風險我食， 賺咗分俾佢。
你話佢戶口有七位數， 咁佢有無提過善後？ 就當佢自己都輸晒， 咁有無話點樣額外幫你搵返？ 送外賣、 炒散？ 定話真係道完歉就算？
其實好多人都會咁， 拎啲所謂共同結婚基金去炒股， 拎啲家庭開支去炒。 呢啲爛人真係好常見。 如果你冷靜落嚟， 諗清楚， 可能你會得到一個好伴侶， 又或者避開一刧。
可能你未必消化到我講乜， 但希望千字文可以警醒埋其他人。 有時炒股同賭徒無分別
當交學費啦
同你講就算邊個好努力咁學
但第一次玩都係比錢市場先學到失敗既原因
然而失敗原因可以有幾百，幾千個
你要比錢先會知咩事
而且你之後買仲要遵守返呢d紀律
9成人遵守唔哂
同埋投資有幾個真理
你一定要失敗過好多次先有機會搵到
但有d人一世都搵唔到其中一個就離場
無可能既事，正股升到啞
起碼10萬變20萬
你$3x入$64
極度懷疑佢係玩左期權，
或者其他個股輸左錢
股票投資唔係講玩
十個玩九個輸🙏🏻
你好 我都有睇到你嘅post
想同你傾下關於初學買股嘅心態同進退位
我而家都係邊學邊試緊
可以一齊交流下點應對市場波動
我俾我仔筆錢都只係放入大盤
我太太既錢係有一個比較周長思考計劃分配投資etf，bsv，大盤
因為要知道就算再親都唔可以亂蝕左佢地辛辛苦苦得黎既儲蓄
而你男朋友係直接用你ac無計任何風險去亂賭
我睇你應該非常後生，你不如調轉諗，真真正正的起心肝去學好投資/交易，你未來回望反可能宜10萬係好值得跌左佢
OXY 而家ATH都可以蝕錢
叫男朋友嘔番d錢出來
打仗呢d先升呀
其實都有可能係幫人買股票， 中咗唔想俾返條飛人哋🤷🏻♀️
你男友有幾球閒錢， 幾十萬都唔賠返比你， 你自己好好諗下係咪值得繼續落去。
知你好傷心，結果都未必改變到，但你真係要做以下哩幾樣嘢先：
1. 要問男朋友佢做咗啲咩，OXY因為打仗而升咗好多，正常係唔會輸，要排除有冇機會係男朋友食咗夾棍
2. 根據佢嘅答案，你搵返晒你股票戶口嘅statement，睇吓係唔係佢講嗰啲操作+對返邊啲位輸最多錢
3. 如果男朋友無食夾棍，又無講大話，輸咁多錢就係佢技術/心態有問題，哩樣嘢你怪佢都無用（我唔認為佢會肯賠俾你😅）
4. 既然拎唔返啲錢，你改返證券戶口密碼唔好再share俾男朋友，以後自己操作返，慢慢從頭學
我以前都係對股票一竅不通嘅人（尤其女仔好少留意哩啲），但經過幾年努力都可以做到trader，你要振作呀！！🥹
不如你自己睇吓點樣買賣，其實真係好容易，淨係撳買出買入…….
Oxy冇問題，睇得幾準，個男人偷你錢先係問題，快d分手
你最on9既就係搵條當自己係「估」神既傻閪做男朋友
To be frank
以下可能hurt到你，但都過左十二個鐘（距離你開post 我估離呢件事發生既時候係呢幾日既事) 我諗你都消化件事消化得7788
你係呢筆錢消失事件既最大負責人，
因為你太定太放心交畀個你摸唔透唔知佢係個點既人
而你呢筆錢由頭到尾都唔係投資
只係一場豪賭
十萬蚊絕對唔多，
除左驚醒你去反省下自己係唔係應該去了解咩係股票
亦都要帶眼識人。
你識左個賭仔，信佢第二次就會有下次既豪賭，而賭錢對於無自制力既人黎講
去到最後都只會輸錢離場。
再賭落去我諗你而家呢條仔好快會走去借街數二三線財，min pay碌咭還息還到本金一路完封不動
好奇你男朋友點處理呢筆錢，而佢又有無主動講還返幾多%畀你?
大拿拿10皮嘢，你男友唔係諗住一句sorry就了結咗件事下話？承擔呢？！
唔係擺出一副好自責嘅樣就可以就此帶過囉。
你原生家庭咁困境，佢戶口又咁多錢，應該賠返俾妳做補償囉，唔賠全數都應該賠6-7成啦。一聲sorry就算，講得何其輕巧，血汗錢嚟！
其實你明知自己環境咁困難，根本唔應該all in，拎少少去玩咪算囉，連條後路都唔俾自己，仲全部交俾他人代理，呢10皮當買個人生教訓吧，以後唔好咁傻豬豬了。
而家你要做嘅係check返所有交易記錄，你唔識睇可以貼上嚟俾大家幫你睇，同埋即刻改AC密碼等你男友冇得再操控你戶口。
同埋呢，你男友呢d賭仔一定要遠離佢，唔好真係同佢結婚生仔，否則妳下半世人都會活在不停幫他還債嘅地獄。
因為我爸就係呢d賭仔，輸到傾家蕩產要我媽幫他還債十幾年，我大個女佢都仲想我繼續同佢執手尾。
我由得佢死，佢先至出返去搵工自己還債，自問我算生性而家叫搵到下錢，所以我大個女之後我媽生活先至冇咁艱難，但前提係你要生到個懂事的孩子至係，否則我媽應該會俾我爸搞到成世人都一身蟻。
呢d死賭仔一人累全家係必然嘅，拎返啲錢你就好即刻同佢割蓆了，唔好愈陷愈深。