沉澱一輪，覺得ready可以講

早前返咗香港。上機前一晚，朋友問駛唔駛接機，因為我好夜返到，驚唔識搵N車坐。初時唔想佢接，真係夜，佢第二日都要返工，而且都約咗佢食飯

然後墨爾本飛新加坡途中，同空姐傾計講到宏福苑，大家講到眼濕濕。於是轉機時叫朋友都係接我啦，唔想一個人坐巴士面對面目全非宏福苑

返到大埔黑麻麻，都唔為意曾經好光的屋苑，原來入黑已經睇唔到。朋友陪住傾計加上已經好累，加埋睇唔到，所以個感覺仲係停留睇相睇片的距離感

第二日坐巴士出去，坐上層車頭睇風景，去到廣福邨站，我同隔離位個女仔都不約而同望住宏福苑。冇唸過原來距離咁近，冇唸過原來燒到窗花都冇咗，直望燒燬的無數個單位

第一次用自己雙眼望住，然後唸起入面的居民當時有幾絕望，唸起舊同學同屋企人，仲有佢哋的鄰居。每次途經，又嬲又傷心

返到墨爾本，聽到移民幾廿年的廢老講：「都走咗咁耐仲關你咩事」

點解唔關我事？我一出世到出國留學，返香港做嘢到移民都係住大埔。舊同學走咗。舊同學父母走咗。老豆舊同事退休享福但冇咗間屋。仲有我未必認識但總有擦身而過的街坊。想鬧人但鬧都無謂，啲人唔明唔會講到佢明

願逝者安息🪽
願居民保重🫂

🫂🫂🫂

返香港落25方向坐右邊窗
飛07C 中跑起飛坐左邊窗 就會見到這裡

1) 你朋友好好，見到面時記住大大力比個擁抱佢
2）我理解到個種感受，我最近向香港個一個月日日搭巴士同火車由北區出九龍港島，日日都經過個到，日日都見到宏福苑，有種難以形容既感受

1/ 我同佢講都係想佢接嗰陣，香港係lunch後時間，佢忙緊，淨係覆ok，航班編號，夜啲見。我見到佢時佢已經到咗等緊我
2/ 個幾月每日都經過，有時會聽到其他乘客索鼻拎tissue，亦都聽過有個小學生問佢阿爸係咪仲未搵到姨媽。聽到眼濕濕