治療師嘆咗口氣，好認真咁問我哋其實去到呢一刻，目標係咪仍然一致想修復段婚姻。 我唔敢望去老公嗰邊，唯有將對眼望向治療師後面幅牆，個房靜到令人感到唔舒服。 我腦入面諗到以往廿幾年入面好多開心嘅片段。然後諗到上年10月18號老爺奶奶嚟探我哋臨返香港前一晚，老公拜狂佢哋幫手睇細路，話我兩口子拍拖出街食飯，我滿心期待，點知晚餐尾聲，佢支支吾吾咁同我講佢出軌嘅真相。原來嗰餐晚飯係我最後一次感到安心無慮，心情踏實咁望住佢笑。 😢 我又諗起12月29號佢約我出去，話新嘅一年開始前要講晒所有背住我做嘅壞事我知等我哋可以消除我哋之間嘅芥蒂從新開始。諗起嗰日佢話喺日本個女仔同佢搞嘢嘅時候個女仔自拍咗啲片，佢接受係因為當時覺得刺激同埋反正影唔到佢。😢 諗起佢話試過襯我帶小朋友去學嘢時，帶個女仔喺我屋企搞嘢，但好尊重我冇入房。😢 諗起佢話同人搞嘢有戴套，係想保護我。😢 諗起佢話我架上面我哋渡蜜月時買嗰隻手寫咗我哋名嘅裝飾碟其實唔係佢唔小心打爛，係個女仔突登打爛。😢 諗起佢呢幾個月可憐小狗咁嘅眼神，😢 諗起佢嗰幾次喊住道歉，😢 諗起封反省信，😢 諗起我有幾咁不濟。😢

然後諗起我喺個雪斜坡跣落嚟，佢擋住我所以俾我推跌咗落個坡下面（好彩得一米幾），諗起啲仔。（以上我諗咁多，都係一兩分鐘之內嘅事，所以當時個腦好忙亂）我問我自己，其實我目標係咩？
跟住，老公把聲將我帶番現實世界。「我好希望我老婆唔好再唔開心，我唔想佢討厭我，如果可以好似去返以前咁就最好，我目標係我老婆可以放低件事，我哋開開心心喺返埋一齊，但如果我老婆唔同我一齊開心啲，都冇辦法。但係最希望可以原諒我唔憎我，肯好似以前咁同我講嘢。」跟作佢又喊，搞到我又喊。
👩🏻「喂，你又嚟？你可唔可以唔好次次喊得仲快過我？你又搞到我喊，明明我忍得住。你唔可以咁樣架」
🧑🏻‍🦱「sorry」
👱‍♂️「其實你兩個好得意。分別見我嘅時候，思路，表達同理解能力好正常，願意講自己感受睇法，知道自己想點，都係聰明人。一齊見我嗰陣，兩個特然間乜都唔知，又收埋收埋，唔肯講心嗰句。咁好難做喎。不過呢兩個sessions有進步。XXX(我個名)，呢度好安全。我知道你堅強又勇敢，記住堅强都可以唔開心，勇敢都可以喊。同埋唔驚呀，你算喊得好優雅架。

Sorry 睇到佢帶女仔返你屋企搞但好尊重你冇入房 呢到笑咗 戴套個到真係睇到想嘔
我重新認識尊重呢兩個字
如果斷崖太難受，你而家拖住佢慢慢磨都okay
認真個句，你下意識唔望佢，係你自己保護緊自己，因為佢傷害過你

其實講完係佢舒服左… 唔係你

「諗起我有幾咁不濟」

千祈唔好有呢個念頭，做錯嗰個唔係你。退一萬步講，其實佢好清楚知道你一直都唔知佢偷食。佢比出面個二奶飛咗之後，佢係完全有機會一粒聲都唔出，回歸家庭做一個好爸爸同好老公。

係佢自己親手毁掉呢個機會。佢專登同你就係想將個責任放喺你身上。同你講：佢自己已經坦白咗，係你接受唔到，係你唔肯返轉頭。

由頭到尾佢由一開始就已經set好咗個氹俾你踩。

我由第一次睇佢出文就已經覺得係咁，係個男人推卸責任比佢，就算見婚姻輔導又點？ 只係過程，改變唔到佢一開始的目的

每日恐婚+1

佢話「帶個女仔返屋企搞嘢但係無入房係尊重你」
咁洗唔洗多撚謝佢 咁撚識尊重個老婆？

真係唔知講咩好
你老公真係極品嚟
講到咁尊重你保護你但就出軌同個女人上床拍片仲要俾個女人挑釁你（特登打爛嘢）
之後俾人飛咗返嚟失戀頹廢求安慰仲要喺你傷口係咁灑鹽貓哭老鼠不特只仲諗住你可以當冇事發生咁同佢相處？🤯

你真係前世殺咗佢條冚家欠咗佢
破鏡就算重圓都係有裂痕
你自己諗

我作為人夫睇完都接受唔到，竟然襯老婆帶小朋友嘅時候，帶另一個女人嚟屋企搞嘢？！無撚病呀嘛？

需要見治療師嘅喺妳老公，唔喺妳，老實講，治療師(我assume喺婚姻therapist？)唔識讀心，讀唔到妳老公有幾真心想修復段婚姻，定係罪孽心重而已。
佢做咗咁多事我相信對佢嘅信任應該喺零。
與其喺為婚姻，比著我會更在乎喺小朋友嘅成長、妳自己嘅人生同心理健康。
有邊個感情生活無芥蒂，但三番四次嘅出軌喺對婚姻嘅毀約。
想重新開始，喺可以，但唔喺修補嘅出發點，唔好比一張婚紙同小朋友捆綁思維，而喺 妳 有 權 選 擇 重 新 開 始 ，如果比妳重新選擇、單身、單親媽 嘅身份去再去重新生活，但到最後都喺覺得會揀返呢條曾經毀約嘅男人，which is Fine。我相信呢個都喺 治療師 在語重心長咁問妳嘅原因。

同樣作為治療師嘅我，路過見到，有尐嘢想講：

你哋會選擇去見治療師其實都係想好好處理段關係。

我覺得係好事嚟嘅，邊個啱同錯都唔係重點，重點係一唔一齊都好，你個心點樣先會可以舒服返。

喺我嘅治療方式入面，我只會去諗點樣可以幫到人減輕內心嗰種重力，點樣可以令個心唔好再痛，點樣繼續做返到自己。

而家你可能要諗下，你搵治療師嘅目的係想要乜嘢嘅結果。

Take care.🤍

你自私d，愛自己多d，你先可以教你個小朋友點樣愛人，點樣被愛。
原諒唔到，無人怪你，你唔係聖人。小朋友最想都係睇到你開心，唔好逼自己

愛自己多d，錯唔係你到，你做任何決定都係岩，就算最後原諒唔到佢都係岩。

人生咁短，要開心咁過❤️

唔好屈就自己！ 無人值得你咁做！

我覺得如果佢肯/有能力瞞你一世，就唔會攪成咁⋯唔瞞你，好似好坦白，但又要將你唔需要求知道ge野都講晒比你知，例如隻G 特登打爛你地隻紀念碟，佢講嚟做咩呢？ 好多餘wo…
會唔會「坦白一切」係要令佢自己內心舒服，去除內疚感？ 佢坦白後（無論你原唔原諒，離唔離婚）就一世冇包袱、內心自在，但換來你一世懷疑人性、壞疑自己所有野⋯佢叻，等於迷信「將感冒傳染比人就會好返」一樣，白目又自私⋯

衰啲講句 你老公擺到明係一個仆街😄
知道你從來唔知佢出軌 知道你就算時候知嘅時候都會諗辦法原諒佢 知道你原諒唔到都會將個責任歸咎於你自己放唔低 其實明明係佢有問題佢做錯嘢 憑咩要你一定原諒佢？
上面嗰堆話咩唔入房 有戴套 係尊重你真係bullshit 佢係有尊重過你 尊重過你哋嘅仔仔 就唔會出軌
其實你已經好理性好堅強 自己有辦法梳理成件事 但千祈唔好將「原諒佢」當成自己嘅責任 冇做好一個好老公好爸爸係佢自己問題 係佢自己破壞段關係 冇人逼佢出軌 千祈千祈唔好覺得係自己問題

睇埋你以前嘅po 更加確認你老公係因為想訴苦所以同你自爆….😅 並唔係出於對你同家庭嘅愧疚感
你唔係前世欠咗佢嘅話真係完全唔需要原諒佢 你現階段最需要嘅係學識愛自己 加油

由佢決定背住你出軌嗰一刻已經返唔到轉頭

我會代你向金像獎委員會提名你老公😹

出軌已經夠衰，仲要帶返埋屋企真係一啲尊重你都冇，唔係俾佢氹兩氹就冇事，我係女人我都睇唔起你，呢啲賤男唔要都把啦，不過可能因為你有經濟壓力需要吞聲忍氣🫂

仲要帶埋全家，包括三個小朋友family day 咁去隻G 市集度玩，叫隻G 畫三個小朋友，比隻G 掂d 小朋友⋯當個老婆on9 咁玩

咁撚賤嘅，宜家扮咩慘，帶返屋企已經夠晒仆街，輔咩導吖，根本鳩痕無得救

男人滴一滴鱷魚淚就好多掌聲ga啦⋯

呢啲賤男面皮厚過床褥

老公坦誠係想減低自己罪咎感 所有野掟晒俾你 “拿 我誠實左架喇 你自己處理啦” 所有野都係講經 想你原諒唔係靠佢講自己平時都有對你好（對你好係應份係基本架） 佢有冇深思過點樣修補個傷害？ 帶埋女人上屋企依個地步 你仲同意同佢見治療師 你對自己self worth都幾低下 你老公就係睇清你係一件垃圾 所以先會踐踏你 屋企仲有細路 啲細路大個左同你一樣同一個唔好既伴侶一齊受好多苦步你前塵 你真係一個好榜樣

醒下啦 你老公無左小三先極力保住你咋
你平時一個人負責晒家頭細務 無左你 你老公係邊到搵個免費工人照顧埋d細路？
男人永遠都係慾望mix感情 佢地構造上係唔適合經營一段細水長流嘅關係
都已經17年 你對佢只剩返一個功能性嘅角色
千奇唔好對佢有任何希望同留戀 早走早著啦

你算好好，另一半肯去同你一齊見治療師，祝福你哋

自戀型人格，扮好人，扮弱者brain wash 你, 搞到你懷疑返自己。呢D男人超有機心，但無同理心。

其實自從鄭秀文單野之外,我多左一個睇法,就係到底點樣會令你開心快樂? 如果你可以真真正正原諒佢,再次信任佢,不計前嫌既話,你可以過番每日都覺得幸福,你就可以繼續一齊.如果你地繼續一齊,但個心都係耿耿於懷,患得患失,胡思亂想,咁只會令你更痛苦.如果你呢刻冇辨法知道到底自己個心係點,亦可以暫時一齊住,睇下自己反應係點,自然就決定到離開定一齊. 到底點選擇,會令自己個心舒服D,過得輕鬆D.

出軌係選擇
佢做依個選擇前，一定知咁做你會有幾受傷
口口聲聲話唔想老婆唔開心 唔想老婆討厭佢 變翻以前咁
但每一步每一件事都係令你唔開心+討厭佢
每句掛尊重喺口邊但毫無尊重
唔知最後你會選擇咩，但想同你講一句說話
所謂原諒，唔係依刻原諒。而係我每諗起一次都原諒一次。
你要問自己係咪真係接受到放低到原諒到

其實大家都戥你好肉緊♥️
離開唔係咁容易，但係好似前面留言咁講，真係可以破鏡重圓？

你既另一半真係好自私，由頭到尾都係想自己舒服點，包括之前向你訴苦佢被分手，到後面話要come clean shared曬一d你明明唔需要知道既details, 唔好講佢本身出軌已經係自己感覺行先既選擇，仲要佢可能覺得”我已經不斷認錯你想我點姐”.

離開唔係容易，但係點解要為一個唔識珍惜你咁自私既人忍一世？你自己人生你做主呀，身邊錫你既人會想你開心❤️❤️

你嘅內心感受先最重要。原唔原諒都無關係。

夾硬為細路維持婚姻，你唔開心，佢地會感受到，假和諧都會有壓力，咁已經有違你“夾硬唔分開”嘅本意。

幾次彈出黎俾我睇到…
真係想講句：
你思路明明好清晰咖喎

成件事唔係錯在你
係錯在佢嫌日子平淡
試問有幾多段婚姻真係會到老都仲有拍拖feel？
試問有邊一對夫妻係完全未嘈過交？

我同大家一樣睇法
佢真係好戲. 佢口口聲聲話因為想保護你所以有戴套
得罪啲講句
佢如果個心真係有你，當初連軌都唔會出喇.
真係CLS ！尊重喎.. 你就真係尊重佢喇.. 仲未將佢真面目當眾揭穿.. 等全家人依然覺得佢係好爸爸 好老公

其實咁多畫面
真係仲可以繼續行落去咩？

醒吓啦，仲聽佢講廢話
我個準前夫夠話同個臭閪有戴套，因為驚搞出人命會破壞咗家庭，仆佢個街，由佢出軌第一日已經破壞咗我哋嘅家庭啦，最後仲俾我發現佢哋試過無戴套

你請教下老公如果你同另一個男人做左同一樣嘅事佢點樣可以放低

妳帶小朋友去學嘢時，帶個女仔喺妳屋企搞嘢？ 你地已經係外國無土地問題都要咁做，擺明當好lulu咁砌
仲比條小三打爛隻蜜月碟…
講真唔係條小三飛起佢都無妳既事
流幾滴眼淚就可以抵消一切傷害，將選擇「拆散」呢個家庭既責任推俾妳幾化算…
拆散家庭既責任係佢同條小三，因為佢地出軌
而唔係妳
世界上有好多男人，妳真係諗清楚，條小三一返黎鈎鈎手指佢肯定仆返去，又或者第二條女又俾到刺激感佢，佢肯定再出軌，因為佢根本就管唔到條J, 因為佢根本唔諗咁會傷害到妳，因為佢根本就睇唔起妳
唔好話我話，條仆街心理面一定暗爽自己老婆真係易tum，流幾滴眼淚、整傷下自己就咩都放低🤭
Btw錢拎左未？精神損失費都要掛，無人就拎錢
樓主妳d朋友呢？唔L勸妳ge

愛你唔會傷害你
仲要三番四次傷害你
有啲野發生左 關係就唔會再一樣
你想痛苦一世
定係比自己一個重生既機會

🫂🫂🫂求下你唔好再俾渣男 PUA. 你真係好好嘅，相信自己，男人出軌只因自己賤格，完全唔關你事

老實說 我覺得你老公既問題可以放埋一邊先 你自己self worth既問題比較嚴峻🫠 事情能夠發展到呢個地方 係因為你允許嫁 折磨緊你既人係你自己 我諗你內心都好掙扎好煎熬 到最後 你最最最怨恨既人會係你自己

大家分開一段時間，冷靜一下先，學習放手，讓自己懂得呼吸。不要再進行二次傷害腦補所有出軌情節，慢慢detach 一段惡毒關係，因為每次見到所有場景和人物，被背叛的創傷會不停腦閃，使人枯萎被吞噬。

希望你好快了解：你值得被人愛護同疼錫，根本唔需要受任何委屈。🫂

呢個男人真係呢…. 佢有冇諗過坦白對你有幾大傷害，連隻碟呢啲碎事都要講埋你知，為嘅就要你包容晒佢原諒佢，仲要求你開心返同佢一齊，點開心呀？佢好自私，亦無諗過其實咁微細嘅野都會帶比你好大創傷

成個過程每一個step你原諒得哂？

信佢冇入房定信我係秦始皇

好撚仆街，話咩唔想你唔肯開心唔好喊其實係將責任同壓力射晒落你到，同埋係到情緒勒索緊你要你原諒佢，最仆街既係將佢做過既衰嘢仲要包裝成我為左你點點點呀

佢話唔想你唔開心，佢做既係令你唔開心。
佢話希望你放低，唔好討厭佢，係因為佢想放低罪疚感。
由始至終，佢出發點都唔係為你好。

你諗咁多野幾時諗吓你自己？

有個咁嘅老公打撚到佢入廠

你唔離婚既話，祝白頭到老永結同心三年抱兩

加油，修復關係要雙方同意才有成功的機會，他要清楚明白他需要比你更用力才能夠慢慢慢慢修復，與其說修復不如說是重新認識一次，你可以當這段時間是重新認識大家，過一段時間再次重新了解後才決定離開也不是你的錯，相反重新了解後大家覺得不能放棄大家也不是你的錯。遵從自己的內心決定，別急着決定！

離婚啦，都冇可能原諒到😢

睇你嘅文字，你表達好清晰，亦都（盡量）好理性，現實中嘅你一定好堅強
記住世界嘅重心永遠係自己！