📌 活左30幾年人，得出
共 66 條紀錄
活左30幾年人，得出一個結論，就係普通人想成功最需要學既野其實就係一個字【忍】。
我自己由畢業後出黎做野，忍受寂寞，自己一個人離鄉別井係外地做野，腳踏實地咁儲錢，忍受睇住以前班同學番返自己屋企，日日吃喝玩樂，圍威喂咁．
忍受住同事一出糧就買名牌帶番工SHOW OFF，邊個邊個又買左部新車，身邊同事朋友一放假就去唔知邊到渡假。
而我自己就默默繼續番工儲錢，忍受住各種不同方位程度既外界誘惑，人地日日出街食好野既時侯，我就自己煮飯帶番工食。
不知不覺間，同身邊既人差距就越黎越大，更甚至到左D經濟比較差既周期時，你會睇得出你之前忍落黎既果，終於開花了，正所謂好天斬埋落雨柴，而家人人嗌苦既時侯，個個都驚緊裁員，減人工，仲有D身邊既人供緊樓但又失業既時侯，呢一刻，你笑了。
你覺得之前辛苦忍既十年時間，非常值得，呢一刻你唔需要為任何外部環境而膽驚受怕，你日日諗既係，財自後既生活，人人叫苦連天既時侯，你絲毫感覺都無。
後生仔，你只需忍十年，忍到30幾歲，你就會睇得出同身邊9成人有一個明顯差距，好多人會話呢10年美好時光，要咁樣忍受，做人咁樣邊有意思。
你寧願忍10年，之後享受幾十年，定係享受頭10年，之後膽驚受怕一世?？ 條路自己簡，仆街唔好喊。
你覺得係忍，即係你仲出緊力對抗緊。
當你完全唔會羨慕人地點享受人生，唔同人玩佢地既 地位遊戲，專注於玩自己既 財富遊戲 ，咁其實就唔係［忍受］，係［享受］。
同人比較，其實為自己增添無謂既焦慮，知道自己想點，點做，做好，就夠啦。
其實係, 老實講,其實我係享受的, 我係鍾意獨處,愛好寧靜既人, 不過一般大眾,可能用【忍】呢個字會比較合適, 而我自己正正都係享受
「忍」嘅大前提係你預期可以忍到出頭的一天。
但在AI開始取代人的工作，給畢業生的工作空缺大幅減少，他們連透過「忍」延後享樂的美好預期都沒有，你重同佢講「忍」重難聽過粗口。
所以建議唔好哂太多錢去讀書，以往所謂既專業工作，係未來不出十年都會變得一文不值，正正經經學門手藝，腳踏實地會比較實際
任何理科、技術性專科，包括手藝都輕易被AI取代
AI年代，需要通才，能整合跨界資訊並提供洞見，文科人會有優勢。
時代變得太快，而家讀緊理科，專科既人其實都幾慘，分分鍾讀完出黎已經被淘汰
所以要累積的，是那些可轉移到不同範疇的能力及資本。
仲記得有個富二代叫人去少次旅行就儲到錢，但係就比人話離地
的確去旅行平極一次都萬萬聲，但一年去一次又唔過份既，
不過一年去3，4次以上個d，我都幾肯定唔係點儲到錢
但你之前講你重點係同屋企人住，唔洗自己買樓租樓，呢個唔關忍事，關原生家庭問題
所以我建議後生仔都忍下，同屋企人關係唔好都忍，痴住屋企住先，唔好搬出去，儲唔到錢的
咁無計了，咁無可能財自到，本來財自就唔係人人都做到既野，正所謂一命二運三風水，要認命了
有目標地 忍， 過程會輕鬆好多。
細個好窮。 現時唔需要工作亦不愁衣食住行，下午飲杯咖啡，睇書已經好滿足。
唯獨性方面難忍， 最大消費係ptgf🤣
慢慢睇到自己資產數字不斷增長,有莫名大既滿足感, 咁就越忍越輕鬆,到最後係變享受
如果俾你重來一次投資，你會想focus邊樣？（美債/指數etf/股）
如果番去岩岩出黎做野既時侯當然全股, 但到退休前我都係會換美債, 安心好多
有些事年青時不做,一輩子也不會做~~得失苦甜??只有經歷過先知!!!我會揀先甜後苦然後平淡地甘,細味到永遠..............................!!!
所以我好欣賞你~~假如比我再一次,我都會好似你咁,然後笑看風雲!!!真~~
忍忍下就會失去物慾，好多人當有十萬個時，就會諗去旅行，有一百萬個時就會買車，有200萬嗰陣時就會買樓。
所以好多人儲唔到錢，當去到某一階段，就會忍唔住。
So far ，我只會諗點用錢再搵錢。
無錯，好多人份糧唔少野，但永遠儲唔到錢就係咁解，佢地會不斷提高自己既慾望，搵得多，但洗得仲多。
所以當你有十萬個時，應該諗點變二十萬，當然好多人話投資咪又係會輸哂，去旅行好過。
但我就係後生時輸得多，拿經驗仲有時間追，到中年人工去到一定數目，就知點錢搵錢。
因為投資話輸哂既人，唔係投資，而係投機，正正經經月供下指數ETF，哪怕真係驚既，唔想掂股票，買下美債收息都好過D人去賭輸哂
好好呀，最重要自己搵到自娛自樂既野，我自己以往既低成本娛樂就係打機，而家生左仔就係帶個仔去公園玩
師兄同我一樣，都係點講呢，人人去玩嘅時候，自己就去發掘一啲唔使點出錢嘅興趣😅 可能你會好啲，重叫做年輕，我以前就少唱K，少去睇Concert, 少旅行，做audit人工得一皮，我就儲3千，目的只有一個，就係儲錢，就算我細路出世時都唔想使咁多錢。到依家收成期，工作可做可唔做，老婆想買C 或H 牌都1，2個月一個都冇問題。係煩咩呢，個人肥咗，要去做尖😅，同細路讀書識唔識咁啦。不過可能節儉成習慣，我對我自己都好少使錢，係之前老婆買H袋時我又買一個比自己，不過只係覺得格格不入，唔係好自己，所以之後都算啦！
非常好，已經到收成期，你所有既付出終於得到回報，我地真係對名牌無咩興趣，不過你而家有能力了，間唔中買一個半個都無咩所謂既，由其洗係老婆身上，正所謂happy wife, happy life 🤣
平時我都幾慳，前排俾D同事話我太慳，話d錢唔用就唔係屬於自己，點回應好😂
：我而家有得簡用定唔用，更什至係做定唔做都得， 而你地洗哂d錢既，咩都無得簡，老細比屎你都要食
自律先苦後甜，一定好過及時行樂被網絡洗腦的人更輕鬆😂
無錯，而且亦都唔算好苦，反正應洗則洗，後生仔忍10年左右，已經見到好大成效
儲錢, 唔代表一蚊都唔洗既, 我一樣會去旅行, 溝女要洗既錢都會有, 送禮物各樣野, 講到底其實都係睇你識唔識點樣好好去分配資源, 姐係你份糧
識取捨同平衡真係好重要
糧得一份 有人選擇拎曬去Fing YOLO
有人選擇死儲爛儲 結果完全體驗唔到青春時應有既生活同享受
與其揀YOLO老左等乞食 或者死儲冇生活早20年退休
我寧揀有一定生活 但又可以早10年 15年退休
無錯, 唔好太極端, 拿番個平衡, 咁樣先可以走得長遠
係，但後生仔一出黎都係忍為主，忍忍下就自然變成享受
冇忍過，只係過緊屬於自己低物慾嘅生活
的確多咗人擔心經濟差，導致失業呢個問題
師兄睇到咁舒服, 係咪因為你已經笑看風雲,睇緊人仆街🤣
忍住唔去吃喝玩樂都唔難
最近幾個月股市不斷跌，好多人都忍唔住手，覺得同高位比較已經係大特價，走去不斷“撈底”，點知變曬蟹貨
如果撈指數ETF又唔驚既，越跌越買，再跌再買都係，總之留定一筆幾個月既生活費，其他用黎供下D指數ETF冇咩太大問題
30有多
好想換過部車
望住個公里數 係咁同自己講 揸夠10萬就換左佢 （新車由0開始）
好想入多隻錶
望住自己櫃桶個幾隻錶
始終覺得無地通拿
好似缺少最後一塊拼圖
上述既物慾已經忍左幾年 得個心痕緊
銀包未動 希望忍得幾耐得幾耐
加油，睇下有冇代替物頂左呢個癮佢， 好老實講， 30幾歲，普通打工仔，一下子換車+買隻地通拿 ＝ 白做兩年， （如果儲既錢可能要四，五年時間）， 我真心建議要忍忍
買呢d 濕鳩野 每年收少成萬息
我暫時係咁同自己講
錶我買黎其實好少戴
只係擺係櫃桶自己打下飛機