📌 深圳華發專吃人血饅頭
共 65 條紀錄
深圳華發專吃人血饅頭，
同朋友上完堂，想輕鬆玩，
落咗堂同朋友玩兩轉拍片都話有教學行為，
強制性罰款幾千蚊，原來已經好多教練俾人罰。
呢啲機制全部都係官字兩把口，
佢哋自己玩晒，嚴重懷疑內部係吸血鬼，
然之後私分罰款，如果有廉政公署調查就好。
有教練在將軍山要求罰款開收據作報稅用途，結果官方開不了收據所以決定不予罰款。
為什麼開不了收據？你猜🙃
嗰日教兩個新手嘅朋友玩都俾人捉，第一次叫我唔好扶，OK之後我都冇扶，第二次另外一個四眼肥佬再捉我話我有做手勢教學，話我唔可以講技巧嘅嘢，我話我同我朋友玩我講乜關你咩事？ 佢話唔理我哋咩關係總之就係唔比教學，黐撚線
人哋梗系睇住你
日日都有去教
日日都有唔同嘅學生
人哋先至捉你啦
唔係貪污，而係因為雪場嘅最大收入佔比唔係門票，而係教練/學校費用嗰部份。(以下內容我是手寫，並非 Ai)。雪場收入依重要性排例大致分為 滑雪學校/教練分成、年票、單次票券、雪具及locker租賃。重點係好多大陸啲雪場 包括真雪場，門票再加滑雪學校嘅收入，加埋起嚟其實唔係賺到好多 只係微利 (大陸雪場嘅生態同日本及歐洲唔同 有機會先再講)，而有更多雪場係蝕住做，特別是華發呢啲用咗好多錢起嘅室內雪場，可以話佢哋嘅回本期係慢慢長路。 佢哋會杯弓蛇影戰狼上身都可以理解，因為好多人攞咗佢哋雪場嚟做教學，令佢地最大果舊錢分唔到。其實唔止華發，喺大陸內陸嗰啲雪場，以致去到日本都係咁啲，都是禁止無授權下私自教學，不過就冇華發咁神經緊張。
你會話，唔係喎我教朋友咋喎，我又唔係教練。其實喺雪場角度 佢都唔會分到你喺教朋友定收錢做教學 (件衫唔會寫著我喺教練) (除非你頻密去到令人哋認得你，日本苗場我見過有單就係咁樣)， 所以有任何風吹草動令佢地有半點懷疑、你疑似喺私教嘅 (即係斷緊佢哋最大財路)，所以佢地就假設咗你喺做私教先，完全斷絕所有私教嘅財路。另外一點 華發會如此神經打壓…………爆字數【留言繼續】
另外一點 華發會如此神經質捉得咁嚴去打壓私教行為，我相信喺因為佢睇重自己有得天獨厚嘅優勢：全球最大嘅室內滑雪場，兼且好近香港；佢係最佳兼唯一選擇，沒有其他得揀。有滑過深圳其他室內雪場就知道 啲雪道短到爆，未夠十秒已經到底，喺華發先稍為有少少像樣，再對香港人嚟講，可以即日來回 呢一點廣州融創做唔到，所以令佢哋可以如此囂張。
第一 有冇報備？第二 如果有報備佢仲罰你你可以屌9佢有幾大玩幾大 佢地最驚 報警打12315投訴都得 如果冇 你又可以證明係朋友 (not識左幾日一個月嗰種 你可以比個對話紀錄佢地睇 btw 我之前去教我個frd 第一次比袖標 第二次話一律唔比但會影張相佢地就知你地係朋友 唔會捉
其實佢係霸王條款黎
佢話你買票果時水蛇春咁長既果段野已經講左唔可以有教學行為，你買左票姐係同意左。
但跟據國內既《消費者權益保護法》第九條
消費者享有自主選擇商品或者服務的權利。消費者有權自主選擇提供商品或者服務的經營者，自主選擇商品品種或者服務方式，自主決定購買或者不購買任何一種商品、接受或者不接受任何一項服務。消費者在自主選擇商品或者服務時，有權進行比較、鑑別和挑選。
即係代表雪場無權力去強迫消費者一定請雪場提供既教練黎上堂。
雪場禁止教學的規定，主要針對的是沒有資質、以營利為目的的「 黑私教 」。 因為根據《 全民健身條例 》，從事高危險性運動項目（如滑雪）的健身指導，是需要持有國家頒發的職業資格證書的。
無償的親友指導不在此列： 朋友或家人之間出於好意的、不收費的技能交流，屬於情誼行為，不屬於“經營性教學”，因此不受上述規定約束。
一刀切可能違法： 雪場用一個籠統的「禁止教學」規定，把所有情況都管起來，屬於《 消費者權益保護法 》中提到的「排除或限制消費者權利」的 無效格式條款 。 你有權自主選擇服務方式，例如選擇讓朋友指導，而不是雪場教練。
各位如果遇到咁嘅情況
要保留證據，理性維權
如果發生爭執，記得全程錄音錄影。如果雪場無理取鬧，甚至停用你的年卡/季卡，可以撥打12315（市場監督管理局）或12345（政務服務熱線）進行投訴。
就算要告到上法院，都已經有好多案例雪場係敗訴，所以建議各位受影響既雪友應該聯合起來投訴，爭取自己應有既權益。
雪場既目標客群係香港人，咁佢地就要知道香港人唔係好蝦的，唔可以用大陸果套欺善怕惡同選擇性執法黎管理，所有野都要合理合法有根有據。
有會籍的話可能會封卡
買日票的話可能禁止你入場或者趕你走
華發根本一時一樣
唔同人唔同講法
上次想教個第一次滑嘅朋友
走去前檯報備，佢指我地去滑雪學校嗰邊報，過到去報，佢哋話教朋友唔使登記，同我哋講直接教就得🤡
係 一開始係要同滑雪學校報備
跟住就轉左去入閘口右邊個服務台
跟住又話唔洗報
然後最近又話除左即係親屬之外全部都唔准教
龍門任佢搬
其實成日有個迷思是何謂教學，我同friend滑,佢問我動作點做我demo（或者自己試 ）一次又叫教學？個fd成日仆我幫佢拍片又叫教學？係咪大家有機會即場討論就要報備呢？
我明你意思，依家就好似佢哋覺得你有就有，無論你點解釋都冇用，佢哋心口會有部攝影機拍片，佢就會俾個啲片你睇，佢話覺得你有。
深圳華發真係好嚴，行埋少少扶朋友都過黎問候你，尤其係初級道
Btw人血饅頭好似唔似係咁解
你技術滑得好少少，又同朋友去初級度玩，啲人啲眼神已經好似想食咗你咁
真係睇彩數，我有試過教我個朋友咁當然係喺最初階嗰度淨係落嚟一次，佢即刻捉住我問，咁我哋都係正常對答，然後都有教我去攞返個手袖，不過佢就話今次唔使啦，我影咗相俾咗案就得㗎啦。
反而上到中級道呢，其實佢就好少捉，不過我都唔敢講係咪次次一樣樣。
而家廣州反而冇人理，之前我主動走去問佢話連手肘都冇你去中間嗰度KFC附近同埋一個人講聲就得㗎啦，但係我玩咗成日完全睇唔到有個佢講嘅人😂
廣融教朋友都證明係frd就ok，上次教過要睇下你哋有冇舊相＆D對話記錄之類. 珠海就暫時唔鬼理，深圳原來咁嚴😅
講到尾係一定要迫人用佢地教練？🤣
前幾日有兩個大陸人舌戰食環
你又拍條片小爆佢再報公安搞大件事佢🤣
拍片 唔指點都有教學行為 ？ 😅
唔可以同其他人講有關滑雪野 差唔多意思
就咁4個字 重心向前 已經構成教學行為😂
「小心睇人，/小心魚雷」呢D說話，呢個都有教導他人有安全意識，我諗都屬於教學行為嘅一種😂🤣🤣🤣
華發個管理不嬲都有問題，又一開業就整各種奇怪嘢出嚟，真係好差
咁你報公安打110囉，再打埋去工商局12315囉….學偉大特首話齋你唔係個度出現咪唔會有事囉