港鐵（地鐵）自啟用以來，車站出入口都跟附近大型商場連接，令商場人流增加之餘，也吸引商場的客流使用地鐵，互惠互利。但是，並不是所有商場的連接項目都能成功，且看看這個失敗的例子：

西九龍中心是深水埗區的大型商場，於1994年落成，但在興建初期，有關方面已提出興建一條連接隧道，由商場的B2層（現為停車場）的角落位置，穿過欽州街，在鴨寮街的地底前往深水埗站（在欽州街和鴨寮街交界新建一出入口，），深水埗站的連接位置是近C出口的大堂（現為華御結）角落。

可惜這個項目的條件，雙方一直談不攏，到商場開幕時方案作罷，不過以這個商場的人氣，真的需要一個地鐵出口去吸引人流嗎？

（圖：西九龍中心B2層停車場的預留連接位置、鴨寮街出口位置、深水埗站內連接位置）

曾聽過，隧道相連入地鐵，該商場係要付費，海港城九倉唔制。
I Square 在地鐵上面，咪一樣係死埸。

於現在而言，的確無必要做
但如果當時肯搞，商場管理得好，西九龍中心又未必死到咁
不過，疫情破壞了很多東西

西九龍疫情前其實ok旺

嗰陣商場經常搞好多活動，吸引到人流
現在連先施都冇埋.....

而家俾v walk 搶咗人流, 搭多兩個站又有朗豪坊......

商場得地鐵得天下
係以前嘅金科玉律
唔止香港，東京嘅商場都好信
而家睇返當然係覺得唔洗
而且政府取態都好唔同
近呢五六年先真係免補地價

而家東京連住電車既商場都係一堆死場

今時今日就唔一定關事了
就算大家都覺得啟德SOGO有行人隧道連去啟德站係必須
但都可能有都救唔到佢

新地三布目都會起行人天橋去牛頭角站
但究竟普羅大眾點解要行咁遠去三布目
而唔去更方便嘅apm行街?
其實都係一樣值得反思嘅嘢
係商場本質上嘅問題
就算有地鐵人流都只係輔助性質

我細個聽過講法係連埋格離政府合署，正如你話齋係鴨寮街掘幾年路，啲街坊點會同意？

圍你建造年代冇得啲街坊揀

港鐵要連既，一直都係佢地自已旗下既商場

而家西九龍仲係勁旺
冇連去地鐵站完全冇影響

D檔仔執咗好多了

26年 3月20号 格仔檔仔 只係简單調配致另一個樓層 7/F 💪

其實就算西九龍中心不需要，不要忘記還有一個長沙灣政府合署，所以每次地鐵落車過去，條行人路總係迫到暈

識搭一定係長沙灣落
麗閣邨沿路有瓦遮頭 清靜好多

西九龍中心都叫失敗？問咗紅磡站置富都會、油塘站大本型、彩虹站匯八坊未？
老實講，接駁地鐵只係提供多一個吸客途徑，同留唔留到客，吸唔吸引到人消費係兩回事。

我一直都係話連接計劃失敗而唔係商場本身失敗喎

西九1994落成？看起來比1987年開幕的新城市老氣很多

V City 作為鐵路上蓋未又係輸俾屯門市廣場

屯市90年代初，vcity 10年代既場，咁比較合適咩？

不如講下點解你認為嗰兩個位置就係預留位置？
特別係你嗰張地鐵站地底嗰張相
如果當年真係要喺呢條隧道嘅話 地面要搞好多工程會好大影響
我就記得細個 啱啱起好嗰陣時 附近嘅人流已經非常之多 已經有天橋可以過到去

好認真咁講，西九個場既客量可能無大分別，但客既質素可能會提升唔少

但個廁所一樣咁核突

仲有海港城都係咁，連唔到去MTR

海港城係九倉當年獅子開大口，同政府傾唔掂數

跨越3代人 70后 80后 90后 「东九龙城广场 西九龙广场」重点：「限时 只有3年」🌡️快到1997年赶不及达致实际营利 。 註：迫不得已 當年只可選擇代替方案 「商場內建构過山車系统 」

停車場 🤣
你取消停車場部分停車位置，又會涉及其他問題

反而系深水埗地鐵出口太少太窄，經常都好迫人

其實這位都KAM, 掘隧道是等於C出口同時重建🤣
地底車場留位又不會夠車位數

感覺未來重建先有可能