📌 準備去旅行，我男朋友
共 71 條紀錄
準備去旅行，我男朋友自己買咗保險冇同我講又冇幫我買😨我情緒應該係要平靜定嬲好？
內心真係無奈….
如果買都可以可以夾錢姐，反正旅行錢已經過咗比佢，點解唔可以買埋？
我唔係開post想批鬥，只係我唔太開心，唔知往邊個方向唸會開心啲
第一次可能唔識，有啲男人比較單一同直接，好多相處嘅感覺同態度都係用經驗嚟磨合
今次同佢講番聲，點解你唔開心同你嘅諗法，同埋一齊買有咩事都方便處理
你當佢係個大直男，好多嘢冇女仔諗得咁細，自己提點多啲，講咗都係咁就諗下自己想點
如男方完全無考慮買,咁就係無諗得咁細
識得買自己唔問/幫另一半買, 咁就明顯自我中心
要同對方溝通返同問返原因, 其次日後真係要觀望呢個男方
點解留言咁多人都屌
樓主當然識自己買
但佢冇俾人放喺心上的確係事實
朋友都會問聲要唔要幫你買埋啦
情侶去旅行。
事前都會夾下撘咩車去機場。
保險都唔問。自己買。係騎呢。
一齊去旅行，可以的話應該一齊買旅遊保，無關保障範圍勁啲渣啲。萬一出事有難，各自打去唔同🆘支援，各自求救。
係，就係想對方買咗都講下，我顧住唸行程嘅嘢唔記得咗，但對方月頭已經買咗…
唔係人人過往既經歷都令佢識得同人相處或照顧別人既。我覺得你心平氣和同佢講番你既感受，提佢下次記得買就買埋你個份。就好似提佢買外賣都問下你餓唔餓咁。
有時男人諗野同女人唔同，係要磨合同調教。
你男友完全無問你洗唔洗一齊買嘅話好kam喎
哩啲性格嘅人，拍下拖ok
長久唔掂喎
就算無幫對方買，都要講聲自己買咗，等大家得個”知”字。
又咁講，男士呢方面的確無咁細心，純粹「無諗咁多」，唔係特登唔預你。
難得可以一齊去到旅行，開開心心啦，無謂為咗呢啲事影響嗰氣氛🛫
你直接問佢點解唔幫你買埋囉，多d溝通，順便了解下呢個人適唔適合你
吓,冇幫你買唔識自己買?
依家就咁上網買咁方便
咁洗唔洗餵埋你食飯?
唔得喎，可以分開買，但唔down聲就唔多妥，小事可以睇出好多嘢
就算普通朋友一齊去玩，又或者佢已經買咗成年保險，都要同你講聲，又或者提醒你去買才對
點解仲要同佢一齊去旅行？根本就沒有你心。趁早走人啦
大個女喇 無人有義務照顧你 學識自己照顧自己 好嘅愛情唔係依附一個人  但係當然我覺得佢係可以提你買 咁呢一樣嘢係佢唔夠細心 不過我照咁睇我估計你哋都好細個
自己買自己的比較方便，不用想太多，去旅行係開心事，沒必要為個保險破壞心情
我作為保險人！接觸的客戶都一定會為愛人和家人作好旅遊保險安排！
撐樓主呀
朋友間去旅行 一買好機票 未plan 行程 已經提醒團友即刻要買埋保險先
更何況係伴侶
搵男友/搵老公 都係睇細節位㗎
「男友扣分系列」
一句講晒冇你心，你買都會預埋佢/問聲啦，咁嘅男人仲要同佢去旅行😥？
識，只係對方買咗都冇講，覺得依樣嘢係共同旅行 資訊可以共享下。
姊妹自己睇路啦！呢個男人一係戇居，一係自私。自己諗。
因為自私，問都唔問好Kam ！ 點都會問一句，我而家買旅遊保啦，你要唔要一齊買
會唔會真係只係唔記得提你～ 唔好因為小事未旅行先唔開心啦🫶🏻
不如你哋坐低食飯時 攞個file 或者旅遊書出嚟
開個會先啦
分開買係比較彈性D.你們不是夫妻.受益人唔識填卦.
旅遊保險無受益人這項,只有聯絡人,就算分開買,正常都會問吓對方買唔買,我同其他朋友一齊去都會順問一吓,因為有些人真係唔買架😆
其實我自己嘅保險，通常都係自己買都冇幫隔籬嗰個買㗎喎！有啲人可能覺得唔需要買呢我又唔會管人哋。如果你覺得下次佢要幫你買，你咪開聲同佢講聲囉
但有時男人佢哋諗嘢好簡單，未必咁複雜，不過可以表達你咁嘅諗法佢下次應該會做得更加好
因為AA，不過如果唔夠，對方話會 cover, 所以我就覺得比定一舊數先。
理解唔到一齊去旅行，一齊plan行程，又一齊買機票，點解旅遊保險唔係一齊買？
唔幫你買都算…都應該提下你，或者問下你有冇買，自己買完就唔理其他人，感覺真係唔係咁好
你下次提返佢囉，話下次都幫你買埋
咁佢就會知㗎啦，好小事唔好內耗
我個人認為唔係幫唔幫手買嘅問題，係如果一齊去旅行，正常都會講一聲或者問一聲買唔買，更何況你哋係情侶關係，所以我覺得你又唔開心嘅感覺係正常喎。
不過最主要係你同佢溝通吓先睇吓佢咩原因自己買咗又冇出聲，可能佢冇諗到要問得咁仔細啫～