📌 準備退租約結果個業
共 61 條紀錄
準備退租約
結果個業主玩野
話說搬入泥時有一張殘梳化
好大浸貓尿味
簽左3年合約
之後都係打算長租
所以忍左張梳化2年先決定要換一張
因為租屋太大風險
結果依架3年合約期滿
業主要加租
第一年每個月加500
第二年每月月再加1000
我地傾唔埋
決定退租
我地因為換左梳化想拎走張梳化
結果個業主獅子開大口
話三年前佢張梳化係好新淨訂造架
依家要求我賠$4000
我即時爆粗
痴媽筋
一張新梳化都係5-8千
張舊梳化要我賠4千
#租屋
你同佢講生活唔如意
同佢講好快俾番間屋佢
啲按金還屋果時先計
買兩包碳擺嚮度
影一影間屋嘅狀況俾佢睇
如果簽租約當時有寫埋張sofa入去，還屋真係要比返佢。你咪去人地唔要果d執返張比佢囉，唔洗比自己果張
你掉咗人哋張沙發有冇通知一聲？正常係要通知下，之後佢同意先掉，如果唔同意就要商量下點樣搞啦！咁樣先保障到自己，其實最好就係你一開始租屋果時叫佢自己清走
叫個業主拎返張單出嚟啦🧐有單先再講
張租約上邊有冇寫係咩牌子嘅梳化先？將約上面有冇影相？就算咩都有啦都要計折舊🧐
或者你同佢講冇問題呀，咁我依家入小額錢債啦，咁你層樓都唔好租俾人住😛
千萬不要放舊猪肉藏喺電制盒入面~
千萬不要倒d水泥入水渠~
基本無辦法，除非你有精力有時間同佢玩，同業主講如果唔打算退按金，就會攞曬值錢嘅野，拆曬d野，甚至乎整爛d野俾錢當俾佢裝修咁啦😂呢個時候你唔癲過佢真係拗唔贏呢種人
合約寫有嘜就還返啲嘜
但你扔果時無通知業主無得賴
你而家只可以講價
道理嚮佢道
我都知錯，之前應該同業主講。我買左張2手8成新皮梳化業主，同佢溝通平少少，2千得唔得，業主嫌我地煩，就話最多3千5，之後唔覆中介🥲
佢都係有態度，你唔好彩
下次真係問清問楚先好郁業主啲嘢🤣
唔出聲就掉人嘢，賠俾人好正常
仲好意思爆粗鬧人？？？人哋都未鬧你
離題
第一年加租$500 真好，我之前個業主一加加我$2000⋯⋯我俾佢加1000 ⋯佢唔肯⋯我就搵屋搬了
佢都租唔出間屋了
佢加完之後個價仲貴過同區其他新樓，如果佢租得出我真係恭喜晒，唔知邊個咁傻
加500 都算良心，1年$6K, 你再租屋俾agent 都唔只依個數
你無影相，佢有影相喎
再者你掉咗佢提供嘅sofa唔講聲
就咁睇字，你唔啱
首先，你當初換梳化有冇同業主協商？
其次你份租約裏便係咪寫明租俾你嘅時候係有張梳化？
如果人哋寫到明有張梳化你又要拎走你買嗰張梳化咁業主的確係少咗 樣傢俬wo 。
$4000唔一定係講緊舊嗰張梳化嘅價值，而係依家業主要買嗰張新梳化比下一個租戶。
而你自己都講$4000根本買唔到張新梳化。
知你好唔甘心要拎$4000出嚟，但有時事實就係事實，唔好話人哋玩你。
呢張梳化係我比返業主戈張梳化，佢依架有梳化都要我賠4千
即係你最後冇拎走張梳化？因為你上文講想拎走自己買果張。
咁如果你有留返張俾佢，$4000又大啖左少少。
下之租屋攪家電，要同業主夾好，白紙黑字。
如果租約入面有既野有問題，正常係業主去換。唔好自己走去換。當然唔係個個業主會爽手攪啦。
租屋已有嘅所有傢俬，如果你需要更換，你要先同業主講咗先，無論件嘢係你諗住自己俾錢都要同業主講想自費換
明知梳化有落租約，問都唔問就扔
而且張梳化有貓尿味你簽約你唔知？入伙又唔通知中介要換？居然仲用到兩年？
貓尿咁撚臭正常簽約一入伙就通知中介話要換啦，你無業主電話啫，你有中介電話㗎嘛，用都用咗兩年有咩咁有迫切性要你唔通知中介情況下即刻換？
9成整尻爛業主張梳化，求其換張垃圾頂數被發現，建議你都係同業主商量下賠幾錢。
其實冇問已經理虧架啦，賠4000其實都唔過份，你自己做過業主就知，搵人搬張sofa來，都過千
你係咪諗住搬先？
係既就唔駛理個業主噏乜
最後 3 個月唔好交租，一於住突間屋先還鎖匙，到時佢驚過你呀
事實上係你冇經業主同意就掉左佢張梳化，遇到佢呢種格衰既緊係襯機屈你一筆啦，賠就緊，壓下價囉，當買個教訓
我都知錯，之前應該同業主講。我買左張2手8成新皮梳化業主，同佢溝通平少少，2千得唔得，業主嫌我地煩，就話最多3千5，之後唔覆中介🥲
租約上有寫明嘅傢俬，真係唔可以亂咁掉，唔係簽約嚟仲咩？搵唔到業主都可以搵agent，叫agent同業主傾，冇理由話未見過業主就可以掉人地D 嘢，呢個真係租客嘅疏忽
我地知錯。所以本來已經買左張8成新二手皮梳化比業主，叫左中介同業主傾下，業主佢又唔覆我地。我地又追問中介同業主。業主就話有梳化都要賠4千，我地覺得太多，我地諗住賠2千，業主唔想傾，話我地好煩，又拒絕溝通。一開始傾加租我已經好嬲，合約之前簽左如果續租唔可以加超過5%，結果咪又係加
無得唔接受，建議早d 唔交租，扣按金，等業主慢慢玩土地審裁處，住夠先走。佢鐘意先陪佢玩小額錢債，總之一定要做主動嗰邊
大量食油如果例係水渠係好難清潔，易塞又難被發現，所以你千祈唔好做
到時你係俾成座業主索償 人地有曬證據租緊俾你 你當其他業主傻？
呢度好多人都好偏激，我建議你約個業主去單位度傾，叫埋個agent，咁個agent都係想set圖件事，然之後吉咗個單位再做生意；
如果錢解決到就用錢解決，大家唔好鬥氣，鬥氣係冇意思同無意義
租租當正整間屋係自己,掉業主個人財物仲可以咁大條道理,加你500 1000蚊都好仁慈又嫌貴
租約有梳化，咁應該係佢包換梳化
咁係你俾番張單佢，叫佢俾錢你留低張梳化起度
租約係包梳化🛋️唔代表包換梳化喎ching, 如果係咁全屋換鬼哂叫業主俾錢都得啦
其實係你理虧架，因為租約寫明有梳化一張
你應該簽約前同業主講叫佢清左張梳化，租約就唔會寫明包一張梳化，退租嗰陣就唔洗煩
千萬唔好將啲雞蛋打均勻放入噴壺度噴滿全屋，千萬唔好買兩隻死老鼠放入電制位，千萬唔好噴廁所水係佢冷氣機隔塵網裡面同雪櫃背面，千萬唔好
唔啱用嘅傢俬電器，簽租約前就要業主搬走，一係就叫佢唔寫入租約，講明搬入去就丟咗佢，搞唔掂嘅就唔好租
有啲業主係好閪，我簽咗兩年，但係過咗一年死約就話要加我每個月$2000，我唯有搬，又要再嘥Agent fee同搬屋，勁麻煩！我走嘅時候佢仲話我工人間房啲牆整花晒要喺我按金扣$5000，嗰次我第一次租屋，我照賠咗俾佢🥲
其實首先係租約內容裏面有冇寫到明一張長闊高顏色大小嘅梳化或者一啲物品？
如果佢冇列明嘅話，其實呢樣嘢已經係你贏咗
其次,租屋嘅時候如果包埋傢俬，因為使用而殘舊或者有損壞其實屬於正常損耗租客係唔需要附上任何責任
笑 加租果下就唔鳩忍佢啦
有1就有2
佢知你會讓步 好hup
你換梳化有冇同業主講聲，退租點計等
以前換冷氣我都同業主講，將來搬唔搬走等
正常你掉前通知業主一聲，我之前換個廁所板都有講一聲🤣
佢30年樓都可以每年加$500咁多嫁咩？唔係有租金管制咩？